BIDASOAK MAILA ONA ERAKUTSI ZUEN LIGAKO LIDERRAREN KONTRA
Eskubaloia

BIDASOAK MAILA ONA ERAKUTSI ZUEN LIGAKO LIDERRAREN KONTRA

Talde irundarrak 26-32ko markagailuarekin galdu zuen Barçaren kontra, Artaleku bete batean

Bidasoak ezin izan zuen Plenitude ASOBAL Ligako liderra garaitu. 26-32ko markagailuarekin porrota jaso zuen Jacobo Cuetararen taldeak, baina maila ona erakutsi zuen eta bigarren zatiko partziala bereganatzea ere lortu zuen (16-14). Neurketa zail hau gaindituta, atsedenaldi txiki bat edukiko du orain talde irundarrak, EHFko Last 16 faseari eta Ligako azken herenari aurre egin baino lehen.

Partiduaren lehen bost minutuak golik gabekoak izan ziren bi taldeentzat. Bosna geldiketa egin zituzten Jakub Skrzyniarz eta Gonzalo Perez de Vargasek, eta hutsean eduki zuten markagailua seigarren minutura arte. Hurrengo minutuetan berriz, Barçak lehen gola sartu eta, hortik aitzinera, bere nagusitasuna erakutsi zuen, argi eta garbi. Hamargarren minutua baino lehen, 1-5eko markagailuarekin, hutsartea eskatu zuen Jacobo Cuetarak bere taldeari indarra emateko. Hala ere, kataluniarrek euren jokoa inposatu zuten eta Bidasoak ere jaurtiketa aunitzetan huts egin ondotik, 10-18ko emaitzarekin iritsi zen neurketa atsedenaldira.

Bigarren zatian berriz, etxekoek gehiago asmatu zuten atean eta, hain zuzen ere, azken 30 minutuetako partzialean garaile izan ziren, 16-14koa eskuratuz. Artaleku bete baten bultzadarekin eta euren indarrean sinetsiz, Jacobo Cuetararen mutilek errenta gutxitzen joan ziren eta azkenik, 26-32ko markagailuarekin bukatu zuten jardunaldia. Sei goleko errenta soilik atera zion Barçak Bidasoari eta etxeko taldea ere pozik gelditu zen lortutakoarekin.

Nazioarteko hitzorduek baldintzatuta, denboraldiko bigarren atsedenaldia izanen du Bidasoak orain. Martxoaren 21ean izanen dira bueltan, etxean berriz ere, EHFko Last 16 fasearekin. Orduan, 20:45ean, Sporting Clubde Portugal jasoko dute bidasotarrek . Asteburu horretan berriz, martxoaren 25ean, Guadalajarara bidaiatu beharko du taldeak, bertako taldearen kontra Plenitude ASOBAL Ligako neurketa jokatzeko.

(Argazkia: Arrate Morales)

JACOBO CUETARA: “ONGI DEFENDATZEKO GAI IZAN BEHAR GARA, SENDO, ETA MAILA ALTUA MANTENDU PARTIDU GUZTIAN ZEHAR”
Eskubaloia

JACOBO CUETARA: “ONGI DEFENDATZEKO GAI IZAN BEHAR GARA, SENDO, ETA MAILA ALTUA MANTENDU PARTIDU GUZTIAN ZEHAR”

Bidasoak Puente Genil bisitatuko du ortzirale honetan, martxoaren lehenean, 20:00etan

Bidasoa Irunek ortzirale honetan, martxoaren 1ean, bisitatuko...

BIDASOAK URREZKO BI PUNTU BATU ZITUEN LOGROÑOREN KONTRA
Eskubaloia

BIDASOAK URREZKO BI PUNTU BATU ZITUEN LOGROÑOREN KONTRA

Igande arratsaldean ospatu zen Bidasoaren eta Logroñoren arteko neurketa eta etxekoek sailkapeneko bigarren postua segurtatzeko aukera izan zuten...

JACOBO CUETARA: “DEFENTSAN SENDO IBILTZEA ETA ERASOAN AKATSIK EZ EGITEA IZANEN DIRA GAKOAK”
Eskubaloia

JACOBO CUETARA: “DEFENTSAN SENDO IBILTZEA ETA ERASOAN AKATSIK EZ EGITEA IZANEN DIRA GAKOAK”

Bidasoak Logroño jasoko du igande honetan, otsailaren 25ean, Artalekun 20:00etan

Bidasoak neurketa garrantzitsua izanen du asteburu honetan etxean,...

BIDASOAK BERTZE BI PUNTU BATU ZITUEN VALLADOLIDEN
Eskubaloia

BIDASOAK BERTZE BI PUNTU BATU ZITUEN VALLADOLIDEN

Partidu parekatu baten ondotik, bi golengatik irabaztea lortu zuen Jacobo Cuetararen taldeak Atletico Valladoliden etxean (33-35)

Bidasoak bertze...

JACOBO CUETARA: “PARTIDU BEREZIA DA, BAINA GARRANTZITSUENA LIGAKO BIGARREN POSTUA MANTENTZEA IZANEN DA”
Eskubaloia

JACOBO CUETARA: “PARTIDU BEREZIA DA, BAINA GARRANTZITSUENA LIGAKO BIGARREN POSTUA MANTENTZEA IZANEN DA”

Bidasoak Torrelavega jasoko du ortzirale honetan, otsailaren 9an, Artalekun

Bidasoak Artalekun jokatuko du ortzirale honetan, otsailaren 9an,...

BIDASOAK BARÇA ESTUTU ZUEN ASOBAL LIGAKO BIGARREN ITZULIAREN HASIERAN
Eskubaloia

BIDASOAK BARÇA ESTUTU ZUEN ASOBAL LIGAKO BIGARREN ITZULIAREN HASIERAN

Talde irundarrak 30-23 galdu bazuen ere, bere mailarik onena erakutsi zuen Palau Blaugranan

Bidasoak Plenitude ASOBAL Ligako bigarren itzuliari...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika