Talde irundarrak 32-30eko markagailuarekin galdu egin zuen eta ez zuen punturik batu sailkapenean

Bidasoak Torrelavegaren aurka jokatu zuen larunbateko neurketa, eta 32-30eko markagailuarekin galdu zuen Vicente Trueba kiroldegian. Nahiz eta aurretik ibili ziren zenbait minutuetan, etxeko taldeak bere indarra erakutsi zuen azkeneko zatian eta irabaztea lortu zuen. Horrela, Bidasoak ez zuen punturik eskuratu eta sailkapeneko hirugarren postura jeitsi zen.

Lehenengo zatia hasi eta erasoan sendo jokatzen hasi zen Jacobo Cuetararen taldea. Honekin, aurretik jarri ziren bidasotarrak eta hiru goleko aldea ere ireki zuten markagailuan. Hala ere, etxeko taldeak honi buelta eman eta 26. minututik aurrera, neurketaren buruzagiak izaten hasi ziren, atsedenaldia 18-16koarekin iritsiz.

Aldegeletatik itzulita, Bidasoa berriz ere indarrez hasi zen eta markagailua iraultzea ere lortu zuen, norgehiagoka amaitzeko bederatzi minutu falta zirenean, 25-28koa ezarriz. Hala eta guztiz ere, etxeko taldeak ez zuen amore eman eta 7-2ko partziala lortuta, azkenean garaipena eskuratu zuen, 32-30ekoarekin.

Emaitza honekin, talde irundarrak ez zuen punturik eskuratu eta sailkapeneko hirugarren postura jeitsi da, Granollersek asteburu honetan garaipena lortu eta gero. Bidasotarrek hurrengo partiduan lortu beharko dute egoera honi buelta ematea, Valladoliden aurka Artalekun jokatuko duten neurketan hain zuzen ere.

(Argazkia: Luis Palomeque)