BIDASOAK URTEKO LEHEN ENTRENAMENDUA EGIN DU
Eskubaloia

BIDASOAK URTEKO LEHEN ENTRENAMENDUA EGIN DU

Gabonetako atsedenaldiaren ondoren, berriro ere martxan jarri dira Bidasoako jokalariak otsailean izango dituzten hitzorduak prestatzen

Hiru asteetako atsedenaldia eta gero, Bidasoa taldeak atzo ospatu zuen bere urteko lehen entrenamendua Artalekun. Jokalariek banakako lanean aritu dira egun hauetan, baina atzo hasi ziren taldekako lanarekin. Beste hiru astez ibiliko dira elkarrekin entrenatzen helburu nagusia otsaileko hitzorduak prestatzea izango delarik.

Irundarrak otsailaren 2an hasiko dira berriro ere lehian, baina bitartean hurrengo hilabetean izango dituzten hitzordu guztiak prestatzen jarraitu beharko dute. Honetarako gainera, bi lagunarteko ere jokatuko dituzte urtarrilean. Lehendabizikoa 21ean ospatuko da Unicaja Banco Sinfin taldearen aurka, oraindik zehaztu gabe dagoen kantxan. Bigarren lagunartekoa berriz, Pulpo Eskubaloi Klubaren kontra izango da, Lubaki kiroldegian, urtarrilaren 28an arratsaldeko 20:30ean.

Jacobo Cuetara entrenatzaileak entrenamenduaren ondoren azaldu zuenez, “hiru asteko atsedena izan dugu, bakarkako lanarekin, baina taldeko lana egin gabe. Deskantsu hau denboraldiko lehendabiziko zatitik errekuperatzeko balio izan zaigu, baita bigarren zati hau gogoz hasteko ere”. Prestatzaileak gainera, hurrengo asteko hitzorduak nola izango diren aurreratu zuen: “Orain hiru astez taldekako lana egingo dugu. Gure helburua urtea bukatu zenean genuen maila errekuperatzea izango da, denboraldiari ahalik eta baldintza onenetan ekiteko. Bi lagunarteko izango ditugu urtarrilean, eta ondoren, otsailean, lehiaketa hasiko dugu. Hasieran, bi jardunaldi jokatuko ditugu astean eta gero, hiru partidu izango ditugu astero. Horrela, modu progresiboan, ahalik eta hobekien egokituko gara otsailean izango ditugun partidu mordoetara”.

Mikel Zabala jokalariak ere hilabete honetako entrenamenduen garrantzia azpimarratu nahi izan zuen: “Urtarrila garrantzitsua da guretzat, atsedenaldiaren ondoren berriro ere erritmoa hartzeko. Gabonetan lan egin dugu, baina oraindik ez dugu baloia ukitu eta oso garrantzitsua da abenduan genuen maila lortzeko, eta otsailean datozen partidu gogorretara ere ondo heltzeko”.

BIDASOAK EGIAKO NAZIOARTEKO TXAPELKETAN PARTE HARTUKO DU
Eskubaloia

BIDASOAK EGIAKO NAZIOARTEKO TXAPELKETAN PARTE HARTUKO DU

27. edizioa izanen da aurtengoa eta ostegunetik larunbatera ospatuko da

Bihartik aurrera larunbata arte XXVII....

BIDASOAK BI GARAIPEN LORTU DITU LEHEN LAGUNARTEKOETAN
Eskubaloia

BIDASOAK BI GARAIPEN LORTU DITU LEHEN LAGUNARTEKOETAN

Pasa den ortziralean 24-32 irabazi zuen Billere taldearen aurka eta larunbatean 28-38 nagusitu zen Huescaren aurrean

BIDASOAK QUIRONSALUDEKIN ZUEN AKORDIOA BERRITU DU
Eskubaloia

BIDASOAK QUIRONSALUDEKIN ZUEN AKORDIOA BERRITU DU

Hamabostgarren urtea da bi erakunde hauek elkarrekin lan egiten dutena

Bidasoak atzo jakitera eman zuenez, klub...

BIDASOAK BENIDORMEN AURKA HASIKO DU ASOBAL LIGA
Eskubaloia

BIDASOAK BENIDORMEN AURKA HASIKO DU ASOBAL LIGA

Atzo eguerdian egin zen aurtengo denboraldiko egutegiaren zozketa eta Bidasoari Benidormen hastea egokitu zaio

Atzo...

BIDASOAK JAKUB SKRZYNIARZ ETA HARBAOUI MEHDI AURKEZTU DITU
Eskubaloia

BIDASOAK JAKUB SKRZYNIARZ ETA HARBAOUI MEHDI AURKEZTU DITU

Bi atezainak lehen aldiz arituko dira ASOBAL Ligan eta bertan, beraien onena erakusteko aukera edukitzea espero dute

ASIER NIETO ETA MIHAJLO MITIĆ BIDASOAKO JOKALARI BERRIAK
Eskubaloia

ASIER NIETO ETA MIHAJLO MITIĆ BIDASOAKO JOKALARI BERRIAK

Gurutz Aginagalde presidenteak Bidasoako ezker eta eskuin hegaleko jokalari berriak aurkeztu zituen prentsaren aurrean  

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika