BIDASOAKO LAU JOKALARI MUNDUKO TXAPELKETAN
Eskubaloia

BIDASOAKO LAU JOKALARI MUNDUKO TXAPELKETAN

Matheus Francisco da Silva, Rodrigo Salinas, Mehdi Harbaoui eta Jakub Skrzyniarz euren herrialdeetako selekzioekin arituko dira Munduko Txapelketan

Bidasoa Iruneko lau jokalari arituko dira datozen egunotan Polonian eta Suedian ospatuko den Munduko Txapelketan. Hain zuzen ere, Matheus Francisco da Silva, Rodrigo Salinas, Mehdi Harbaoui eta Jakub Skrzyniarz euren herrialdeetako selekzioen deialdian sartu dira.

Matheus Francisco da Silva Brasilgo selekzioarekin arituko da Munduko Txapelketako C multzoan. Multzo honek Goteborgeko Scandinaviuman izanen du egoitza eta, Brasilekin batera, anfitrioia den Suedia, Cabo Verde eta Uruguai taldeek osatzen dute. Da Silvaren taldeak Suediaren kontra jokatuko du urtarrilaren 12an, 20:30ean. Uruguairen kontra berriz, urtarrilaren 14ean arituko da, 18:00etan. Eta azkenik, Cabo Verderen aitzinean egonen da urtarrilaren 16an, 18:00etan.

Rodrigo Salinasen taldea berriz, A multzoan dago kokatuta, Espainia, Montenegro eta Iranekin batera. Aitor Etxaburu, Europako txapeldun eta Bidasoako kapitain eta entrenatzaile ohia, izanen da lehen aldiz selekzio honen buru. Multzo honen lehen egoitza Krakoviako Tauron Arena kantxa izanen da. Txilek Iranen kontra jokatuko du lehen neurketa urtarrilaren 12an, 18:00etan. Espainiaren aurka berriz, urtarrilaren 14ean arituko da, 20:30ean. Eta Montenegroren aurrean aldiz, urtarrilaren 16an egonen da, 18:00etan.

Mehdi Harbaoui atezaina Tunisiako selekzioarekin arituko da, Patrick Cazal bidasotar ohiaren gidaritzapean. Talde honek Malmön izanen du egoitza eta H multzoak egonen da, Danimarka egungo txapeldunarekin, Belgikarekin eta Bahreinekin batera. Hain zuzen ere, Barheinen aurka jokatuko du Tunisiak lehen neurketa, urtarrilaren 13an 18:00etan. urtarrilaren 15ean berriz, Belgika izanen du aurrez aurre, 18:00etan. Eta azkenik, Danimarkaren kontra arituko da, urtarrilaren 17an 20:30ean.

Azkenik, Jakub Skrzyniarz-ek Polonian jokatuko du, bertako selekzioak Katowice-n baitu egoitza. Taldea B multzoak dago kokatuta, Frantzia, Saudi Arabia eta Esloveniarekin batera. Lehen neurketa, inaugurazio-norgehiagoka izanen dena hain zuzen ere, Frantzia eta Poloniaren artekoa izanen da, bihar (urtarrilak 11), 21:00etan. Urtarrilaren 14ean berriz, Esloveniaren kontra arituko da atezain bidasotarra, 20.30ean. Eta bukatzeko, Poloniak Saudi Arabia izanen du aurkari, urtarrilaren 16an 20:30ean.

MARKO JEVTIC BIDASOAN ARITUKO DA HELDU DEN DENBORALDIAN
Eskubaloia

MARKO JEVTIC BIDASOAN ARITUKO DA HELDU DEN DENBORALDIAN

RK Metaloplastika Sabac taldean aritzen da gaur egun pibotea, baita Serbiako selekzioan ere

Bidasoa Klubak...

BIDASOAK BIHAR HASIKO DU DENBORALDIKO BIGARREN ITZULIA
Eskubaloia

BIDASOAK BIHAR HASIKO DU DENBORALDIKO BIGARREN ITZULIA

Benidorm taldea jasoko du Artalekun, bigarren itzuliko lehen jardunaldia jokatzeko

Bidasoak bihar emanen dio...

ANDER UGARTEK ESKUBALOIA UTZIKO DU
Eskubaloia

ANDER UGARTEK ESKUBALOIA UTZIKO DU

2022/2023ko denboraldia bukatuta, jokalari irundarrak ere bere ibilbide profesionalari agur erranen dio

Bidasoa...

TAO GEY-EMPARANEK BIDASOAN JARRAITUKO DU 2025ERA BITARTE
Eskubaloia

TAO GEY-EMPARANEK BIDASOAN JARRAITUKO DU 2025ERA BITARTE

Azken denboraldietan urruñarrak minutu gehiago izan ditu lehen taldearekin eta, oraindik ere, bertze bi urtez jarraituko du Irunen

BIDASOA TOLOSAKO TXAPELKETAN GARAILE
Eskubaloia

BIDASOA TOLOSAKO TXAPELKETAN GARAILE

Ortziralean eta larunbatean ospatu zuten Tolosako Txapelketa eta Bidasoak jokatutako bi partidak irabazi zituen

ESTEBAN SALINAS BIDASOAN ARITUKO DA BI DENBORALDIZ
Eskubaloia

ESTEBAN SALINAS BIDASOAN ARITUKO DA BI DENBORALDIZ

Bidasoa eta Salinas aurre-akordio batera iritsi dira eta horren ondorioz, datozen bi denboraldietan, Irungo taldeko jokalaria izanen da txiletarra

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika