Txingudi Rugby Taldeak antolatutako hitzordua izanen da eta uztailaren 6an eginen da
Txingudi Rugby Taldeak zazpigarren aldiz antolatu du...
23 Urr, 2023
Zaisa Txingudik berriz, 69-0ko markagailuarekin galdu zuen Zarautz B/Beltzak taldearen kontra
Txingudi Errugbi Taldeko bi senior taldeek zorte ezberdina izan dute asteburuan. Biok Txingudik denboraldiko lehen garaipena eskuratu zuen ART/ERT taldearen kontra, 28-43ko markagailuarekin. Zaisa Txingudik aldiz, 69-0 galdu zuen Lasarteko Mitxelin zelaian, Zarautz B/Beltzak taldearen kontra.
Biok Txingudik bere historiako lehen garaipena eskuratu zuen asteburuan, Arrasate eta Eibarren batura den taldearen kontra. Partidua parekatua izan zen, nahiz eta emaitza 28-43koa izan zen azkenean. Gibeletik hasi zuten bidasotarrek neurketa, baina defentsan lan ona eginez eta erasoan ere indartsu arituta, emaitza berdintzea lortu zuten. Enara Arrutik entsegua egin zuen orduan, eta 7-12koa ezarri zuten markagailuan Txingudikoek. Halere, etxekoek entsegua eraldatu eta 14-12koa jarri zuten atsedenaldia bidean. Lehen zatia bukatu baino lehen ordea, Lupe Pescadorrek hirugarren entsegua egin zuen eta Arrutik makilen artean pasatu zuen, 14-19koa lortuz.
Bigarren zatian etxekoek bi entsegu eraldatu zituzten eta berriz ere aitzinetik jarri ziren, 28-19koarekin. Txingudikoek ez zuten amore eman eta beraiek ere bi entsegu eta eraldaketa bat lortuta, 28-31 ipini zuten markagailuan. Nekeari neurria ongi hartuta, azken minutuetan, Lea Etxebarrietak entsegua egin eta Enara Arrutik, berriz ere, eraldatu eta 28-43ko markagailua ezarri zuten behin betiko. Bidasotarrak, horrela, sailkapeneko zazpigarren postuan kokatu dira, 6 punturekin, Gaztedi B eta ART/ERT taldeekin berdinduta.
Zaisa Txingudik Lasarten porrot mingarria jaso zuen
Zaisa Txingudiko senior gizonezkoek aldiz, ezin izan zuten Zarautz B/Beltzak taldea garaitu. Aurkariek joko eraginkorra erakutsi zuten eta bidasotarrek ez zuten defentsan asmatu. 15. minuturako, etxekoek 17 puntuko aldea lortu zuten. Horrez gain, bisitarien zigor kolpe gehiegi egin zituzten eta txartel horiak ere ikusi zituzten. Horrela, 36-0eko markagailuarekin iritsi ziren atsedenaldira.
Bigarren zatian berriz, indarrak parekatuagoak egon ziren. Hala ere, akatsak aprobetxatu zituzten eta aldea oraindik ere gehiago handitu zuten markagailuan. Horrela, azken minutuetan, Zarautz B/Beltzak 69-0eko emaitzarekin borobildu zuen denboraldiko hirugarren jardunaldia.
Txingudi Rugby Taldeak antolatutako hitzordua izanen da eta uztailaren 6an eginen da
Txingudi Rugby Taldeak zazpigarren aldiz antolatu du...
Plaiaundin elkartuko dira adin guztietako errugbilariak arratsaldean partiduak jokatzeko
Denboraldia bukatuta, eta hau bera ospatzeko, Txingudi...
Txingudi Rugby Klubeko taldeak ezin izan zuen Sarako Izarra garaitu eta bigarren postuan bukatu du senior mailako bere lehen denboraldia
Ligako...
Ligako B multzoko lider moduan buka dezake modu ofizialean lehiatu duen lehen denboraldia
Biok Txingudik bukaera emanen dio asteburu honetan Ligari....
Txingudi Rugby Klubeko 14 urtez azpiko taldeak ezin hobe bukatu du denboraldia
Txingudi Rugby Klubeko 14 urtez azpiko Txingudi/Baztan taldeak...
La Unica taldea jasoko dute 14 urtez azpiko taldeak finala jokatzeko, maiatzaren 11n 11:00etan
Txingudi Rugby Klubeko taldeak denboraldi bukaerara...