Cartagena eta Ikasaren kontra irabazita eta Puerto Saguntoren aitzinean galduta, Irungo jubenilak Fase Nagusiko atarian gelditu dira

BM Bidasoa Irun jubenilen taldeak Espainiako Txapelketako Fase Sektoriala jokatu zuen pasa den asteburuan Puerto Sagunton. Ortziral eta larunbatean garaipen bana lortu zituzten irundarrek, Cartagena eta Ikasa taldeen kontra. Igandean berriz, azken neurketan, etxekoen kontra galdu zuen eta beraz, txapeldunorde izanda ere, Fase Nagusirako atarian gelditu dira jubenilak.

Ortziralean eman zioten hasiera jubenil mailako Espainiako Txapelketako Fase Sektorialari. BM Bidasoa Irunek Cartagena jaso zuen lehen jardunaldian eta 30-25eko markagailuarekin garaitu zuen. Larunbatean berriz, Eskubaloia Ikasa izan zuten irundarrek aurkari. Hauei ere garaitzea lortu zuten Mancisidorren jokalariek, nahiz eta aitzineko egunean baino estuagoa, 26-24ko markagailuarekin.

Bi garaipen batuta, igandean, Puerto Saguntoren kontra jokatu zuen BM Bidasoa Irunek. Hirugarren eta azken jardunaldian aldiz, ez zuen zorte bera izan talde irundarrak eta porrota jaso zuen etxeoen aldetik. 26-20ko markagailuarekin galdu eta gero, Irungo taldea Fase Sektorialeko txapeldunorde bilakatu zen eta beraz, Fase Nagusia jokatzeko atarian gelditu zen.