BUKATU DA BIDASOAREN DENBORALDIA
Eskubaloia

BUKATU DA BIDASOAREN DENBORALDIA

Espero baino lehenago, Bidasoak agur esan dio aurtengo denboraldiari. Asobal Kopako final erdietan, etxean jokatzen zuen Liberbank Cantabria BM Sinfinen aurka 33-28 galdu zuen talde irundarrak.

Denboraldi agurra hotza izan zuen Bidasoak. Santanderreko Kirol Jauregian historian bederatzigarrenez Asobal Kopako txapelketan parte hartu zuen, baina azken bi partehartzeetan ez bezala, oraingo honetan ezin izan zuen finalerako sailkatu. Etxeko taldearen aurka aritu zen, Liberbank Cantabria BM Sinfinen aurka, txapelketako arerio xumeenaren aurka, baina xumea krudel bihurtu zen. Ernesto Sanchezen atepeko lanak, Nicolas Zungri eta Vladyslav Ostroushkoren jaurtiketak eta Nacho Valles eta Jose Manuel Herrero Lonen konexioa geldiezinak izan ziren.

Iker Serrano kapitainak eginiko lehen golari azkar erantzun zion BM Sinfinek. Erreskan 4 gol egin zituen eta zazpigarren minuturako Jacobo Cuetarak neurketako lehen hutsartea eskatzera ikusi zuen bere burua. Aldea murriztu beharrean, handitu egin zen. Nacho Vallesen zuzendaritza lana bikaina izan zen eta 7-2 eta 8-3 aldendu zuten markagailua. Lehen zatiaren erdialdean iritsi zen Bidasoaren erreakzioa, talde irundarra aldea murrizten joan zen eta atsedenaldira 13-11 markagailu txukunarekin joan ziren bi taldeak.

Harmailatan laguntza ederra izan zuen Bidasoak. Gipuzkoatik 150 zalek ‘La Ballena’ kiroldegian norgehiagoka zuzenean ikusteko aukera izan zuten. Taldea inoiz ez bezala hauspotu zuten, baina laguntza hori ere ez zen nahikoa izan etxekoen indarra gelditzeko. Lehen zatiaren antzera, oldarkor irten zen BM Sinfín, 13-11 markagailutik, 3-0eko partziala baliatu zuten aldea bost goletara bidali eta markagiluan 16-11 ezartzeko. Gogotik eta hainbat eratan saiatu zen Bidasoa markagailua iraultzen, baina atzo saiakera guztiak amaiera berdina zuten. Ernesto Sanchez atezainak 16 gelditu egin zituen neurketan zehar, denboraldiko neurketa jokatu zuen atezain madrildarrak eta guztiz zapuztu zituen Bidasoaren aukerak. Aurrean, Zungirk, Ostroushkok eta Blazquezek Ledoren ate aurrean asmatu zuten, hiruren artean kantabriarren gol kopuru erdia erdietsi zituzten. Gauzak horrela eta pena handiarekin, final erdia 33-28 Liberbank Cantabria Sinfinen alde bukatu zen.

Nahiz eta Asobal Kopako agurra espero ez bezalako izan zen, ezin du Bidasoak egin duen denboraldia beltzutu. Hirugarrenez historain Sacyr Asobal Ligako txapeldunorde bilkatu da eta, beste behin, Europan barrena lehiatzeko txartela eskuratu du. Orain, oporrak hartu eta indaberritzeko unea iritsi zaie Bidasoako jokalariei.

Iker Serrano, Adrian Crowley, Sergio de la Salud eta Nicolas Bonannoren azken neurketa izan zen atzoakoa. Kirol arloan, ez zuten ametsetako agurra izan; arlo sozialean, aldiz, pasaden astelehenean klubak antolatutako ekitaldiak merezi zuten agur beroa jaso zuten.

Fitxa teknikoa: 

33 - Liberbank Cantabria Sinfín (13+20): Sánchez (gol 1), Muñiz, Alberto Pla (3), Blázquez (6), Ostroushko (4), Zungri (7), Valles (4, 1 p.); Elcio, Rubio, Postigo, Luis Pla, Alonso, Basualdo, Castro (1), Herrero Lon (5).

28 - Bidasoa Irun (11+17): Sierra, Cavero (5, 2 p.), Crowley, Serrano (1), Salinas (5), De la Salud (2), Azkue (6); Ledo (1), Racotea (2), Zabala (3), Aginagalde (2), Tesoriere (1), Da Silva, Bonanno. 

BIDASOAK EGIAKO NAZIOARTEKO TXAPELKETAN PARTE HARTUKO DU
Eskubaloia

BIDASOAK EGIAKO NAZIOARTEKO TXAPELKETAN PARTE HARTUKO DU

27. edizioa izanen da aurtengoa eta ostegunetik larunbatera ospatuko da

Bihartik aurrera larunbata arte XXVII....

BIDASOAK BI GARAIPEN LORTU DITU LEHEN LAGUNARTEKOETAN
Eskubaloia

BIDASOAK BI GARAIPEN LORTU DITU LEHEN LAGUNARTEKOETAN

Pasa den ortziralean 24-32 irabazi zuen Billere taldearen aurka eta larunbatean 28-38 nagusitu zen Huescaren aurrean

BIDASOAK QUIRONSALUDEKIN ZUEN AKORDIOA BERRITU DU
Eskubaloia

BIDASOAK QUIRONSALUDEKIN ZUEN AKORDIOA BERRITU DU

Hamabostgarren urtea da bi erakunde hauek elkarrekin lan egiten dutena

Bidasoak atzo jakitera eman zuenez, klub...

BIDASOAK BENIDORMEN AURKA HASIKO DU ASOBAL LIGA
Eskubaloia

BIDASOAK BENIDORMEN AURKA HASIKO DU ASOBAL LIGA

Atzo eguerdian egin zen aurtengo denboraldiko egutegiaren zozketa eta Bidasoari Benidormen hastea egokitu zaio

Atzo...

BIDASOAK JAKUB SKRZYNIARZ ETA HARBAOUI MEHDI AURKEZTU DITU
Eskubaloia

BIDASOAK JAKUB SKRZYNIARZ ETA HARBAOUI MEHDI AURKEZTU DITU

Bi atezainak lehen aldiz arituko dira ASOBAL Ligan eta bertan, beraien onena erakusteko aukera edukitzea espero dute

ASIER NIETO ETA MIHAJLO MITIĆ BIDASOAKO JOKALARI BERRIAK
Eskubaloia

ASIER NIETO ETA MIHAJLO MITIĆ BIDASOAKO JOKALARI BERRIAK

Gurutz Aginagalde presidenteak Bidasoako ezker eta eskuin hegaleko jokalari berriak aurkeztu zituen prentsaren aurrean  

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika