Irungo lasterketa ezagunaren 52. edizioa ospatu zen igande goizean eta Gonzalezek eta Makazagak eskuratu zuten garaipena maila absolutuan

Irungo Krosa bueltan izan zen hirian bi urtez ospatu ezinik egon ondotik. Aurten, lasterketaren 52. edizioa ospatu zen Txingudi Ikastolaren eremuetan eta, nahiz eta eguraldiak ez zuen lagundu, atleta federatuak eta eskolarteko lasterkariak bertan bildu ziren igande goizean. Gainera, Igor Hernandezi omenaldia egin zitzaion 16 urtez azpiko podiumean.

Maila absolutuetan Elisa Gonzalezek eta Ibai Mazakagak eskuratu zuten garaipena, 22:19 eta 25:29 denbora eginez hurrenez hurren. Emakumeetan Marta Muñoz izan zen bigarren sailkatua (24:14), Ardoi klubekoa irabazlearen antzera. Gizonekoetan, Francisco Javier Menta helmugaratu zen bigarren postuan (25:54) eta Adrian Servent hirugarren izan zen (25:55).

16 urtez azpiko mailan, BATeko Elene Casado izan zen irabazlea, 8:46ko denborarekin. Maria Bauza (BAT) izan zen bigarren eta Eider Beraza (Tolosa) hirugarren. Mutiletan berriz, Hernaniko Oier Arrutik eskuratu zuen garaipena 8:29ko denbora egin ondotik. Bigarren Hugo Vazquez (BAT) izan zen eta hirugarren Lur Ocon (Hernani).

18 urtez azpiko kategorian, Uxue Sainzek eta Ander Aramendik eskuratu zuten urrezko domina, 12:01 eta 18:08ko denborekin hurrenez hurren. Nesketan, BATeko Nahia Pikabeak eraman zuen zilarrezko domina eta brotzezkoa berriz, Atletiko San Sebastian taldeko Nerea Orbegozok. Mutiletan, garaipena estua izan zen eta beraz, bigarren sailkatua Iker Ibarguren izan zen, 18:13ko denborarekin, eta hirugarrena Adur Ugartemendia, 18:16koarekin.

20 urtez azpiko mailan gizonezkoak bakarrik lehiatu ziren eta bertako irabazlea Gaizka Izagirre (18:39) izan zen, Aitor Elola (18:42) eta Unax Goenagaren (18:45) aitzinetik.

Master kategorietan, Josune Zabalak eta Unai Señoranek irabazi zuten lasterketa. Lehenak 9:21 minutuetan osatu zuen ibilbidea eta Señoranek berriz, 8:26 behar izan zituen guztira. Nesketan, Belen Salvadorrek eta Adelaida Rubiok osatu zuten podiuma eta mutiletan berriz, Gerardo Clementek eta Eneko Alberdik.

Azkenik, eskolartekoan, partehartze handia izan zen eta bertan, gazteenen kategorian Iera Uriak eta Lier Arregik eskuratu zuten garaipena. Infantiletan berriz, Intza Arrondo eta Urko Ibarguren igo ziren podiumeko lehen koskara.