EURIPEAN KANTARI REAL UNION
Futbola

EURIPEAN KANTARI REAL UNION

Neurketa gogor batean, Real Unionek denboraldiko bigarren garaipena erdietsi du, 2-1 uneoro gauzak oso zail jarri dituen Barakaldoren aurka.

Real Unionek aurreko bi neurketak alderatuz eta lesioak behartuta, hamaikako ezberdin bat plazaratu du Stadium Galeko lehen neurketan. Viguera, Borda eta Madrazoren ordez, Galan, Luckbert eta Donoso zelairatu ditu Zulaikak; Anatz Elizondoren kasuan, ordea, ondoezik deialditik kanpo geratu behar izan du eta bere ordez, Rivera andaluziarra aritu da.

Neurketako lehen minutuetan Barakaldok agindu ditu, baina ez Real Unionek, ezta talde bizkaitarrak ere, ez dira ateetara arriskuarekin hurbildu. Neurketako lehen aukera Theo Luckbertek izan du, eskuin hankaz egindako jaurtiketa Rabanillo atezainak geratu du. Jarraian, Luckberten saiakerari, Barakaldok Jurgi Oteoren bidez erantzuna eman nahi izan dio, baina Ekhi Senarren bizkarrak baloia aldaratu egin du. Jurgik berak, lehen zatiko aukerarik garbiena izan du 22.minutuan, Irazustabarrenaren aurrean bakarrik azaldu da, baina ez du jakin izan baloia sarera bidaltzen.

Lehen zati osoan zehar, Real Unionek arazo handiak izan ditu baloia atzetik ateratzeko, Barakaldoko entrenatzailea den Aitor Larrazabalen taldeak, oso ondo presionatu baitu zelaiaren hiru laurdenetan. Hala ere, atsedenaldira iritsi aurretik, talde txuri-beltzak bi gol egiteko abaguneak izan ditu. Lehena, 33.minutuan jaurtitako kornerreko erdiraketa bat Fran Riverari erori zaio eta langa gainetik bidali du baloia; bigarrena, aldiz, Guille Donosok kontraerasoa ondo gidatu du, baina eskuin hankaz gauzatutako jaurtiketa zuzenean Rabanilloren eskuetara joan da. Bi taldeek gola egiteko aukera izan duten arren, ez dira gai izan gauzatzeko, horrela, lehen 45 minutuak 0-0eko berdinketarekin bukatu dira.

Bigarren zatia lehena baino animatuagoa izan da, bi taldeak erasora irten dira garaipenaren bila eta golak ere iritsi dira. Kun Temenuzhkovek kontraeraso ezinhobea gidatu du eta maisutasunez Barakaldoko atezaina gainetik gaindituta, neurketako lehen gola egin du 52.minutuan.

Barakaldo urduritu ordez, erasora ekin dio eta Vargasek 59.minutuan berdinketa egitea erdietsi du.

Neurketa jaberik gabe aurkitzen zen, Galanek Real Unionentzat eta Obloskiik Barakaldorentzat, bigarren gola egiteko aukerak izan dituzte, baina bietako inor ez da gai izan bloia sarera bidaltzeko. Bi taldeak gol aukera gehiago izan dituzte, baina Rabanillok eta Irazustabarrenak erantzun bikainak eman dizkiete saiakerei. 84.minutuan, ordea, Kunen ordez zelaira irten berria zen Borja Viguerak Guille Donosoren erdiraketa bikaina baliatu du baloia atezainak iristen ez diren lekura bidaltzeko eta 2-1ekoa gauzatzeko.

Real Unionek markagailua defendatzen jakin du eta azkenean, balio handiko hiru puntuak erdiestea lortu du. Garaipen honekin, gainera, talde txuri-beltzak sailkapeneko bostgarren postura egin du salto, 2.B mailako II multzoko goi-postuetan mantentzen direlarik. 

EKHI BRAVO BERRESKURATU DU REAL UNIONEK
Futbola

EKHI BRAVO BERRESKURATU DU REAL UNIONEK

Denboraldi hasieratik min hartuta egon den Ekhi Bravo lanera bueltatu da gaurko egunean. 

Gaur goiezean Real Unionek Orion egin duen entrenamenduan...

ZARAUTZEN EZINEAN
Futbola

ZARAUTZEN EZINEAN

Garaipenarekin hasi zuen Real Unionen harrobiko taldeak denboraldia, baina azken bi neurketetan berdinketa eta porrota erdietsi du.

Lehen jardunaldian...

“AMOREBIETAK TAKTIKOKI GAUZA EZBERDINAK EGITERA BEHARTZEN ZAITU”
Futbola

“AMOREBIETAK TAKTIKOKI GAUZA EZBERDINAK EGITERA BEHARTZEN ZAITU”

Aurreko asteko neurketarekin aldertatuta, desberdina bezain  garrantzitsua izango da Amorebietaren aurkako lehia.

Neurketaz neurketa eta jardunaldiz...

UGALDE ESTREINATZEKO BERDINKETA
Futbola

UGALDE ESTREINATZEKO BERDINKETA

Real Union B-k ezin izan zituen hiru puntuak batu Euskaldunaren aurka, neurketa 1-1eko berdinketarekin bukatu zen.

Urrian jokatu zen lehen jardunaldiaren...

GIPUZKOAKO DERBIAN LEHIATZEN JAKIN DU REAL UNIONEK
Futbola

GIPUZKOAKO DERBIAN LEHIATZEN JAKIN DU REAL UNIONEK

Garaipen honekin talde irundarra 29 punturekin kokatzen da sailkapenean eta igoera fasea jokatzeko aurrerapausu itzela eman du.

Amaieran sufritzen, baina...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika