EZ DAGO ILCAPO HONDARRIBIA GELDITU DEZAKENIK
Eskubaloia

EZ DAGO ILCAPO HONDARRIBIA GELDITU DEZAKENIK

Erreskan lortutako hirugarren garaipena erdietsi dute asteburu honetan, 32-40 menderatu zuten Ereintza Beisser.

Lehen jardunaldian Muskizen aurka berdindu zutenetik, garaipenaren zaporea besterik ez du dastatu Ilcapo Hondarribiak. Guru Auzune eta Urdanetaren antzera, larunbatean Ereintza Beisserrek ezin izan zuen Ilcapo Hondarribiaren erasoarekin. Hala ere, azken emaitza 32-40koa izan bazen ere, oreretarrak iritsi ziren aurretik atsedenaldira.

“Kosta egin zitzaigun neurketan sartzea”, adierazi zuen Ilcapo Hondarribia eta Bidasoako jokalaria den Gorka Nietok. Neurketa bizi hasi zuten bi taldeek, defentsak baino erasoak nagusitu ziren lehen minutuetan. Dena dela, 15 eta 20.minutuen artean, hondarribitarrek defentsa hobetu eta lehen zatiko errenta handiena eskuratu zuten (7-11). Ereintza Beisser kokildu ezean, neurketa 14-14 berdindu eta lehen 30 minutuak 18-17 aurretik bukatzeko indarra izan zuen.

Bigarren zatian, aldiz, Aitor Etxabururen jokalariak oso zentratuta irten ziren aldageletatik eta lehen hamar minutuetan hiru goleko aldea izatera pasa ziren (26-29). Minutuak aurrera egin ahala, Ilcapo Hondarribiak aldea handitzen joan zen. 10 goleko errenta izan bazuten ere, azkenean 32-40 irabazi zuen Ilcapo Hondarribiak. “Bigarren zatian oso lan ona egin genuen. Nabaritzen da pixkanaka taldea gehiago ezagutzen dela eta eraso zein defentsako taktikak menperatzen ditugula”, gehitu zuen Nietok.

Hondarribitarrak erasoan bikain aritu zirelaren seinale argia da taldeko 10 jokalarik gutxienez gol bat erdietsi izana. Horien artean, Hugo Martiarena, Mikel Galan eta Xabier Barreto nagusitu ziren; hurrenez hurren, 10, 7 eta 5 gol sartu zituzten. 

BIDASOAK BENIDORM-EN AURKA JOKATUKO DU ERREGE KOPA
Eskubaloia

BIDASOAK BENIDORM-EN AURKA JOKATUKO DU ERREGE KOPA

Irundarrei Benidorm-en aurka lehiatzea egokitu zaie Errege Kopako hirugarren kanporaketarako egindako zozketan

BIDASOAK URTEKO LEHEN ENTRENAMENDUA EGIN DU
Eskubaloia

BIDASOAK URTEKO LEHEN ENTRENAMENDUA EGIN DU

Gabonetako atsedenaldiaren ondoren, berriro ere martxan jarri dira Bidasoako jokalariak otsailean izango dituzten hitzorduak prestatzen

BIDASOA ERREGE KOPAKO HURRENGO FASERA
Eskubaloia

BIDASOA ERREGE KOPAKO HURRENGO FASERA

Irundarrek Unió Esportiva Sarrià-ri 25-38 irabazi zioten atzo, Errege Kopako bigarren kanporaketan

BIDASOAK ERREGE KOPAKO NEURKETA IZANGO DU GAUR SARRIÀN
Eskubaloia

BIDASOAK ERREGE KOPAKO NEURKETA IZANGO DU GAUR SARRIÀN

Urteko azken partidua jokatuko du Bidasoak gaur, Unió Esportiva Sarrià taldearen aurka, gaueko 21etan

Bidasoako...

ORLEN WISLA PLOCK BIDASOA BAINO INDARTSUAGO
Eskubaloia

ORLEN WISLA PLOCK BIDASOA BAINO INDARTSUAGO

Talde poloniarrak 33-26ko markagailuarekin garaitu zuen Bidasoa aste honetako Europako bigarren neurketan

BIDASOAK GARAIPEN ZABALA ESKURATU DU SUITZAN
Eskubaloia

BIDASOAK GARAIPEN ZABALA ESKURATU DU SUITZAN

Irundarrek atzo jokatu zuen Pfadi Winterthur taldearen aurka eta 23-37ko markagailuarekin irabazi zuen, bi puntu gehituz sailkapenera

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika