FRAN JUSTO: “ETXEAN INDARTSUAK GARA ETA PARTIDU ONA EGIN BEHAR DUGU”
Futbola

FRAN JUSTO: “ETXEAN INDARTSUAK GARA ETA PARTIDU ONA EGIN BEHAR DUGU”

Real Unionek bihar, maiatzaren 4an, jasoko du Cultural y Deportiva Leonesa taldea (19:00), 1924ko Koparen garaipenaren mendeurrenean

Real Union ere denboraldiko azken txanpan sartua dago. Azken lau jardunaldiak gelditzeko zaizkio jokatzeko eta horietako lehena bihar bertan ospatuko da, maiatzaren 4an, Stadium Galen. Talde txuribeltzak Cultural y Deportiva Leonesa taldea jasoko du, kasualidadez 1924ko Errege Kopako finala erdietsi zuen egun berean. Mende bat pasatu da orduz geroztik, eta taldeak bertze helburu batzuk ditu orain. Edonola ere, modu berean eta indar berarekin borrokatuko du mailar eusteko bidean.

“Denboraldiko azken txanpan sartzen hasiak gara”, aipatu du Fran Justo entrenatzaileak biharko neurketaren atarikoan. “Lau partidu gelditzen zaizkigu eta etxean ari gara oraingoan. Hemen oso indartsuak gara eta gogoz gaude partidu on bat egiteko”, gaineratu du. Lau jardunaldietan Real Unionek dena emanen duela ziurtatu du Justok eta euren energia guztia biharko partidurako gordeko dutela.

Cultural y Deportiva Leonesa taldea jasoko du bihar, maiatzaren 4an, talde txuribeltzak 19:00etan. Prestatzaileak “maila handiko talde dela” onartu du, “talde teknikoak lan izugarria egiten du eta beti egokitzen dira ongi aurkariari”. Denboraldi honetan Leongoei kosta egin zaie etxetik kanpo irabaztea, baina edonola ere, bigarren itzulian soilik hiru neurketa galdu ditu: “Etxetik kanpo ez ditu emaitza oso onak, baina mailaren errua da, ez beraiena. Talde oso lehiakorra da eta forma onean dago. Bigarren itzulian soilik hiru partidu galdu ditu”.

Hala ere, Fran Justo bere taldeari begira dago. “Guk ere ongi prestatu dugu partidua, lanean ongi ari gara eta mina eman diezaiekegu. Etxean gai gara hiru puntuak ateratzeko, eta horri begiratuko diogu”, adierazi du prestatzaileak. Horrez gain, zenbait jokalari minduta badaude ere, “hamaikako on bat ateratzeko prest gaude, baita aldaketa onak egiteko partiduaren momentu zehatzetan”. Entrenatzaileak azkenik, giro ona egonen dela somatzen du: “Bihar giro ona egonen da eta guk dena eman behar dugu. Zaleei ere azken esfortzu bat eskatu nahi diet. Etxean onenetarikoak bagara, ez da kasualitatea. Zaleen eta gure artean giro ona sortu da eta asko lagundu gaituzte. Konprometituak gaude denok”.

REAL UNION ROCAK SAN MIGUELEN UTZI ZITUEN PUNTUAK
Futbola

REAL UNION ROCAK SAN MIGUELEN UTZI ZITUEN PUNTUAK

Unai Gordok bere atean sartutako gol baten ondorioz, Mutrikuk eraman zuen garaipena

Mutriku FT: Arambarri; Etxebarria, Blanco...

REAL UNIONEK GARAIPENA ESKURATU ZUEN ETXEKO AZKEN JARDUNALDIAN
Futbola

REAL UNIONEK GARAIPENA ESKURATU ZUEN ETXEKO AZKEN JARDUNALDIAN

Talde txuribeltzak Fuenlabrada garaitu zuen (2-1) luzapenean Bazek sartutako gol bati esker

Real Unionek denboraldiko azken aurreko jardunaldia...

IRUNGO UDALAK 534.000 EURO BIDERATUKO DITU STADIUM GALEN HOBEKUNTZAK EGITEKO
Futbola

IRUNGO UDALAK 534.000 EURO BIDERATUKO DITU STADIUM GALEN HOBEKUNTZAK EGITEKO

Irisgarritasun neurriak betetzeko igogailua instalatzeko eta berdegunea berritzeko inbertsioak aurreikusi ditu 

Maiatzeko udal osoko bilkuran...

OSASUNAK UDAKO FUTBOL CAMPUSA EGINEN DU DONEZTEBEN
Futbola

OSASUNAK UDAKO FUTBOL CAMPUSA EGINEN DU DONEZTEBEN

4 eta 14 urte bitarteko haurrek hartzen ahalko dute parte ekainaren 24tik 27ra eginen den topaketan

Osasunak udako futbol campusa antolatu du Donezteben,...

FRAN JUSTO: “BIHAR IRABAZI NAHI DUGU AITZINERA PAUSU GARRANTZITSUA IZANEN DELAKO”
Futbola

FRAN JUSTO: “BIHAR IRABAZI NAHI DUGU AITZINERA PAUSU GARRANTZITSUA IZANEN DELAKO”

Real Unionek denboraldiko azken aurreko partidua jokatuko du bihar, azkena etxean, Fuenlabradaren kontra

Real Unionek denboraldiko azken aurreko partidua...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika