FRAN JUSTO: “ONGI ENTRENATU BEHAR DUGU, LASAI EGON ETA IGANDEAN LEHIATZERA ATERA”
Futbola

FRAN JUSTO: “ONGI ENTRENATU BEHAR DUGU, LASAI EGON ETA IGANDEAN LEHIATZERA ATERA”

Hiru jardunaldi bertzerik ez zaizkio gelditzen Real Unioni eta horietako lehena, igande honetan (maiatzaren 12an) ospatuko dute Ponferradinaren kontra

Real Unioni denboraldiko azken hiru jardunaldi gelditzen zaizkio jokatzeko eta urteko helburuak lortzeko. Hiru erronka horietatik lehena, igande honetan (maiatzaren 12an) izanen du Ponferradinaren kontra (12:00). Neurketa zaila izanen dela aurreikusi dute, baina prest daudela ere adierazi dute puntuak Irunera bueltan ekartzeko.

“Aste luzeagoa izan dugu. Nekatuak gaude, jardunaldi eta entrenamendu aunitzen ondotik”, aipatu du Fran Justo entrenatzaileak igandeko partiduaren atarikoan. Edonola ere, intentsitate altuko hiru entrenamendu egin dituzte eta prest sentitzen dira Ponferradinari aitzin egiteko: “Lan ona egin dugu astean zehar. Intentsitate altuko hiru entrenamendu egin ditugu. Gaurkoa lasaia izan da, errekuperatzeko eta biharkoa aktibatzekoa izanen da, ondotik bidaia egiteko”.

Denboraldiko azken txanpa honetan talde guztiek dute zerbait jokoan, bakoitzak helburu desberdinekin. Horren harira, Justok aipatu du asteburu honetako aurkariak, Ponferradinak, play-offean sartu nahiko lukeela eta horri begira arituko dela azken jardunaldi hauetan. Horregatik beragatik, “partidu zaila izanen dela” argi du prestatzaileak, baina Real Union ere prest dagoela horri aitzin egiteko: “Guk gure aukerak izanen ditugu garaipena eskuratzeko eta puntuak batzeko. Behar ditugu gure helburua lortzeko. Dena berdindua egonen da eta partidu zaila izanen da. Hala ere, Real Unionek ahalik eta hobekien eginen du lan eta hiru puntuekin bueltatzen saiatuko da”.

Hori lortzeko errezeta zein den ere argi du entrenatzaileak: “Ongi entrenatu, bidaiatu, lasai egon eta igandean lehiatzera atera. Badakigu puntu guztiak garrantzitsuak direla eta puntu bakoitzak gure helburura hurbiltzen gaituela. Hiru etapa gelditzen dira eta hau horietatik lehena izanen da”. Justok berak onartu duen moduan, Imanol Baz ezin izanen da neurketan egon, txartelengatik kanporatua izan delako. Hala ere, hamaikako lehiakor bat zelairatuko dutela jakinarazi du.  

REAL UNION ROCAK SAN MIGUELEN UTZI ZITUEN PUNTUAK
Futbola

REAL UNION ROCAK SAN MIGUELEN UTZI ZITUEN PUNTUAK

Unai Gordok bere atean sartutako gol baten ondorioz, Mutrikuk eraman zuen garaipena

Mutriku FT: Arambarri; Etxebarria, Blanco...

REAL UNIONEK GARAIPENA ESKURATU ZUEN ETXEKO AZKEN JARDUNALDIAN
Futbola

REAL UNIONEK GARAIPENA ESKURATU ZUEN ETXEKO AZKEN JARDUNALDIAN

Talde txuribeltzak Fuenlabrada garaitu zuen (2-1) luzapenean Bazek sartutako gol bati esker

Real Unionek denboraldiko azken aurreko jardunaldia...

IRUNGO UDALAK 534.000 EURO BIDERATUKO DITU STADIUM GALEN HOBEKUNTZAK EGITEKO
Futbola

IRUNGO UDALAK 534.000 EURO BIDERATUKO DITU STADIUM GALEN HOBEKUNTZAK EGITEKO

Irisgarritasun neurriak betetzeko igogailua instalatzeko eta berdegunea berritzeko inbertsioak aurreikusi ditu 

Maiatzeko udal osoko bilkuran...

OSASUNAK UDAKO FUTBOL CAMPUSA EGINEN DU DONEZTEBEN
Futbola

OSASUNAK UDAKO FUTBOL CAMPUSA EGINEN DU DONEZTEBEN

4 eta 14 urte bitarteko haurrek hartzen ahalko dute parte ekainaren 24tik 27ra eginen den topaketan

Osasunak udako futbol campusa antolatu du Donezteben,...

FRAN JUSTO: “BIHAR IRABAZI NAHI DUGU AITZINERA PAUSU GARRANTZITSUA IZANEN DELAKO”
Futbola

FRAN JUSTO: “BIHAR IRABAZI NAHI DUGU AITZINERA PAUSU GARRANTZITSUA IZANEN DELAKO”

Real Unionek denboraldiko azken aurreko partidua jokatuko du bihar, azkena etxean, Fuenlabradaren kontra

Real Unionek denboraldiko azken aurreko partidua...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika