FRAN JUSTO: “OSASUNA BEHARRETAN DAGO, BAITA GU ERE”
Futbola

FRAN JUSTO: “OSASUNA BEHARRETAN DAGO, BAITA GU ERE”

Real Unionek Osasuna Promesas bisitatuko du bihar Taxoaren

Real Unionek garaipena eskuratzeko bertze aukera bat izanen du bihar, apirilaren 27an, Taxoaren Osasuna Promesas taldearen kontra. Bi taldeak puntuak batzeko beharretan daude, sailkapeneko jeitsiera postuetatik aldentzeko, eta biak ere gogor lehiatuko dira irabazteko. Neurketa 16:00etan hasiko da eta talde txuribeltzak zaleen babesa hurbil sentituko du.

Pasa den igandeko Unionistas de Salamancaren kontrako garaipena gibelean utzi dutela erran du Fran Justo entrenatzaileak. Konfiantza eman badie ere, jardunaldi berri bati egin beharko dio aitzin Real Unionek asteburuan eta horri begira daude aste hasieratik. “Garaipen gehiago behar ditugu. Badakigu exijentzia handia dela eta ezin garela erlaxatu”, dio Justok. Gaineratu duenez, “astea ongi joan da. Motza izan da, baina lan karga banatu behar dugu eta hori egin dugu lehiaketara ongi ailegatzeko”.

Osasuna Promesas “beharretan” dago talde txuribeltzaren gisan, eta hori lortzeko irundarren “onena exijituko dute”. Prestatzaileak azaldu du aurkariak “erritmoa ezarriko duela” eta bisitariak “konzentratuta” egon behar dela jokaldi guztietan hiru puntuak eskuratzeko. Entrenatzaileak “partidu berdindu bat eta borrokatu bat” espero du eta irabazteko, talde txuribeltzak “eurengan pentsatu” behar dutela azpimarratu du.

Denboraldiko azken bost jardunaldiak geratzen dira urte bukatzeko, eta Justok dio “bost aukera” bezala hartuko dituztela. Horietan gainera, zaleen babesa ezinbertzekoa izanen da, bihar izanen dutenaren antzekoa. Iruñeara joanen dira zaleak bihar eta entrenatzaileak eskatu duenez, euren “laguntza eta bultzada” behar dute neurketaren momentu guztietan. 

REAL UNION ROCAK SAN MIGUELEN UTZI ZITUEN PUNTUAK
Futbola

REAL UNION ROCAK SAN MIGUELEN UTZI ZITUEN PUNTUAK

Unai Gordok bere atean sartutako gol baten ondorioz, Mutrikuk eraman zuen garaipena

Mutriku FT: Arambarri; Etxebarria, Blanco...

REAL UNIONEK GARAIPENA ESKURATU ZUEN ETXEKO AZKEN JARDUNALDIAN
Futbola

REAL UNIONEK GARAIPENA ESKURATU ZUEN ETXEKO AZKEN JARDUNALDIAN

Talde txuribeltzak Fuenlabrada garaitu zuen (2-1) luzapenean Bazek sartutako gol bati esker

Real Unionek denboraldiko azken aurreko jardunaldia...

IRUNGO UDALAK 534.000 EURO BIDERATUKO DITU STADIUM GALEN HOBEKUNTZAK EGITEKO
Futbola

IRUNGO UDALAK 534.000 EURO BIDERATUKO DITU STADIUM GALEN HOBEKUNTZAK EGITEKO

Irisgarritasun neurriak betetzeko igogailua instalatzeko eta berdegunea berritzeko inbertsioak aurreikusi ditu 

Maiatzeko udal osoko bilkuran...

OSASUNAK UDAKO FUTBOL CAMPUSA EGINEN DU DONEZTEBEN
Futbola

OSASUNAK UDAKO FUTBOL CAMPUSA EGINEN DU DONEZTEBEN

4 eta 14 urte bitarteko haurrek hartzen ahalko dute parte ekainaren 24tik 27ra eginen den topaketan

Osasunak udako futbol campusa antolatu du Donezteben,...

FRAN JUSTO: “BIHAR IRABAZI NAHI DUGU AITZINERA PAUSU GARRANTZITSUA IZANEN DELAKO”
Futbola

FRAN JUSTO: “BIHAR IRABAZI NAHI DUGU AITZINERA PAUSU GARRANTZITSUA IZANEN DELAKO”

Real Unionek denboraldiko azken aurreko partidua jokatuko du bihar, azkena etxean, Fuenlabradaren kontra

Real Unionek denboraldiko azken aurreko partidua...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika