GIPUZKOAKO DERBIA UNIONENTZAT
Futbola

GIPUZKOAKO DERBIA UNIONENTZAT

Real Unionek aste gogor bezain exijente bat garaipenarekin (0-1) itxi du gaurkoan. Barakaldo eta Alaves Bren aurka lehiatu ostean, eguerdian Zubietan Xabi Alonsok zuzentzen duen Errealaren harrobiko taldearen aurka aritu da.

Hamaikakoan hiru aldaketekin (Quique Rivero, Mario Capelete eta Ivan Perez), Aitor Zulaikaren taldeak ondo ekin dio neurketari. Bi taldeak baloiarekin ondo moldatzen diren taldeak dira eta lehen minutuetan borroka egon da nork bereganatzen zuen baloiaren jabetza. Hasieran, talde txuri-beltzak hartu du neurketaren agintea eta horrekin batera, bi aukera izan ditu lehen gola egiteko. Aurrenekoan, Galanek ez du jakin Kunek bidalitako baloia sareetara bidaltzen; bigarrenean, aldiz, Capeletek ezker-hankaz baloia atezainaren kontrako angulura bidali du eta 0-1ekoa egin du.

Golaren ondoren, Real Union oso ondo kokatuta egon da Zubietako zelaian, baina 14.minutuan neurketa bikaina jokatzen ari zen Guille Donosok min hartu du eta aldaketarekin batera, Aitor Zulaikaren taldeak pausu bat atzera eman du. Sanse sakonago jokatzen hasi da eta Robert Navarroren bidez bi aukera argiak izan dituzte. Xeber Alkain hondarribitarrak sekulako erdiraketa egin dio kataluinarrari, eta baloia sarerea bidaltzea nahiko erraza bazen ere, hiru zutoinen gainetik bidali du baloia. Bigarren aukera bat ere izan du Navarrok, Kijerak baloi arriskutsua galdu du, baina Txustaren aurrean ez du asmatu. Baloia Sansek izan badu ere, Real Union tinko mantendu da atzean eta atsedenaldiaren aurretik, bigarren gola egiteko aukera izan du. Jorge Galanek baloi ezinhobea bidali dio Jon Madrazori, baina honek gehiegi itxaron du errematea egiteko eta atzelari txuri-urdin batek oztopatuta, baloia kanpora bidali du.

Bigarren zati osoan Sansek izan du baloiaren jabetza, baina oso deseoroso aurkitu da zelaian, Real Unionek bikain defendatu baitu. Sanseren aldetik, Xeber Alkainek izan du lehen abagunea, baina Txustak erantzun bikaina eman dio jaurtiketari. Talde txuri-beltzaren aldetik, berriz, Jorge Galanek gola egiteko aukera izan du, baina langak egotzi du 0-2koa.

73.minutuan nuerketa guztiz aldatu da. Minutu baten buruan, Jon Madrazo kaleratu egin du neurketako epaileak eta horrekin batera, protestak medio, Zulaika ere egotzi du. Lehen txartela denbora galtzeagatik adierazi diote jokalari bizkaitarrari, eta bigarrena, aurkari bat ukalondoarekin kolpatzeagatik. Bigarren txartela oso zalantzagarria izan da, hartatik Zulaikaren protestak eta kaleratzea.

Bazirudien donostiarrek berdinketa lortzeko erraztasunak izango zituela, baina irundarrak asko itxi dira atzean eta ez dute zirrikitu bat bera ere utzi. Xabi Alonsoren taldeak aukerak izan ditu berdinketa lortzeko, Martinez-Losak eta Agirrek, gola egiteko parada izan dute, baina bietan Jon Irazustabarrenak bi baloiak gelditu ditu. 

REAL UNIONEK GARAIPENA LORTU ZUEN ZAMORAREN AURKA
Futbola

REAL UNIONEK GARAIPENA LORTU ZUEN ZAMORAREN AURKA

Irundarrek 2-0 irabazi zioten Zamorako taldeari, beste hiru puntu gehituz sailkapenean

Arratsaldeko 19etan hasi zen...

REAL UNION BIHAR ARITUKO DA STADIUM GALEN
Futbola

REAL UNION BIHAR ARITUKO DA STADIUM GALEN

Zamora taldearen aurka jokatuko du hamalaugarren jardunaldia, arratsaldeko 19etan hasita

Aurreko partiduetan...

REAL UNIONEK 0-2 IRABAZI ZION SD LOGROÑES TALDEARI
Futbola

REAL UNIONEK 0-2 IRABAZI ZION SD LOGROÑES TALDEARI

Garaipen honekin irundarrek hiru puntu irabazi zituzten sailkapenean

Atzo igandean, arratsaldeko 17etan...

REAL UNION LAS GAUNASEN ARITUKO DA IGANDEAN
Futbola

REAL UNION LAS GAUNASEN ARITUKO DA IGANDEAN

SD Logroñes izanen dute arerio irundarrek denboraldiko hamahirugarren jardunaldi honetan

Real Unionek...

REAL UNIONEK DECOEXSA-REKIN ZUEN KONPROMISUA BERRITU DU
Futbola

REAL UNIONEK DECOEXSA-REKIN ZUEN KONPROMISUA BERRITU DU

“Proiektu berri honen aldeko apustua berritzeak harrotasunez betetzen gaitu”, adierazi du Igor Emeryk, Real Unioneko Administrazio Kontseiluko...

REAL UNIONEK UNIONISTAS SALAMANCA-REN AURKA BERDINDU ZUEN
Futbola

REAL UNIONEK UNIONISTAS SALAMANCA-REN AURKA BERDINDU ZUEN

Stadium Galen jokatutako partidua bana amaitu zen, irundarrek puntu bat gehiago lortuz

Pasa den larunbatean,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika