Irungo 29 palista joan ziren Pauera Euskadiko Txapelketa lehiatzera eta emaitza onekin bueltatu ziren etxera
2023ko Euskadiko Txapelketa ospatu zen pasa...
17 Mai, 2021
Getariako uretan, gizonezkoen trainerilak Donostiarra eta Orioren aurretik, txapeldun bilakatu zen; emakumezkoen trainerila, ostera, hirugarren helmugeratu zen, Donostiarra eta Orioren atzetik.
Arraun denboraldia gero eta gertuago dago eta taldeak denboraldiko une garrantzitsu hura ahalik eta prestakuntza hobean egiteko, denboraldi-aurre gisa, hainbat lehiaketetan parte hartzen dituzte. Horien artean, Gipuzkoako Trainerila txapelketetan aritzen dira. Jardunaldi ugariren ostean, asteburu honetan, Gipuzkoako Txapelketaren azken bi jardunaldiak jokatu ziren, eta bietan, Hondarribia Arraun Elkarteak txapela eta bandera bereganatu zituen. Emakumezkoen lehian, ordea, Hondarribia Arraun Elkarteko trainerilak brontzezko domina erdietsi zuen.
Larunbatean zein igandean nagusi.
Hondarribia Arraun Elkarteak larunbatean hasi zuena igandean bukatu zuen. Trainerila berdea izan zen larunbateko ontzi azkarrena, 13:47,92 denboran bete zuen proba. Hondarribia Arraun Elkartearen atzetik, Donostiarra, Orio eta Zumaia helmugeratu ziren.
Lau ontzi horiek, Getariako uretan berriz, igandean Gipuzkoako Trainerila Txapelketako finala jokatu zuten, eta, berriro ere, hondarribitarrak izan ziren nagusi eta azkarrenak. Kasu honetan, 14:22,20 minutu behar izan zituen Hondarribia Arraun Elkarteko trainerilak proba bukatzeko. Bigarren postuan, bost segunduko atzerapenarekin Donostiarrak eskuratu zuen zilarrezko domina eta brontzezkoa Oriorentzat izan zen. Oriotarrak Hondarribiarekiko hamahiru segunduko galdu zituzten.
Brontzezko domina ez da makala.
Emakumezkoetan ere Gipuzkoako Trainerila ospatu zen eta Hondarribia Arraun Elkarteko ontziak finalean parte hartzeko aukera izan zuen. Aukera baino, uretan irabazi zuten bertan aritzeko partaidetza. Larunbatean, Donostiarra eta Oriorekin batera, hirugarren postuan, podiuma bete zuten. Ontzi berdeak 18 segunduko atzerapena izan zuen Donostiarrarekiko, baina bigarren postutik gertu ibili zen. Oriok zortzi segunduko aldea besterik ez zion atera.
Emakumezkoen finala, gizonezkoen talde berdinek osatu zuten, hau da, Donostiarrak, Oriok, Hondarribia Arraun Elkarteak eta Zumaiak. Hain zuzen ere, sailkapen nagusia hurrenkera horretan bukatu zen. Donostiarrak larunbatean zein igandean garaipena erdietsi zuen, igandean alde gehiagorekin. Oriok ezin izan zuen Donostiarren erritmoa jarraitu eta 28 segunduko atzerapenarekin helmugeratu ziren. Oriorekiko hiru segundutara, Hondarribia Arraun Elkarteak brontzezko domina eskuratu zuen eta Zumaia izan zen eguneko azken sailkatua.
Irungo 29 palista joan ziren Pauera Euskadiko Txapelketa lehiatzera eta emaitza onekin bueltatu ziren etxera
2023ko Euskadiko Txapelketa ospatu zen pasa...
Orion ospatuko da senior eta jubenil mailako estropada bihar (apirilaren 29an) 11:30ean
Gipuzkoako Federazioak antolatutako Ligaren laugarren...
Irundarra Espainiako selekzioarekin bilduta dago orain datozen nazioarteko hitzorduetarako prestaketak egiteko
Santiagotarrak-BM aulki mugikorreko...
Emakumeak laugarren postuan sailkatu ziren Donostiarra, Orio eta Arraun Lagunaken atzetik
Hondarribiako XXIII. Traineru Jeitsiera ospatu zen pasa den...
Gipuzkoako Ligako aulki mugikorreko jardunaldia ospatu zen igandean Legutianon eta Santiagotarrakeko arraunlariek emaitza onak eskuratu zituzten
Zazpi urrezko domina, bi zilarrezko eta brontzezko hiru eskuratu zituen Irungo klubak
Santiagotarrak taldeak...