“GURE JOKO FILOSOFIA JARRAITZEN BADUGU, GARAIPENA LORTZEKO AUKERAK AREAGOTUKO DITUGU”
Eskubaloia

“GURE JOKO FILOSOFIA JARRAITZEN BADUGU, GARAIPENA LORTZEKO AUKERAK AREAGOTUKO DITUGU”

Arerio gogorrarekin estreinatuko du Bidasoak Sacyr Asobal Ligako bigarren itzulia, etxetik kanpo Leongo Ademarren aurka arituko da.

Hemen da. Egiptoko mundialaren ostean, Sacyr Asobal Liga bueltan da eta nola gainera, bigarren itzuliko lehen neurketan Leongo Ademar eta Bidasoa nor baino nor gehiago arituko dira. Sailkapeneko bigarrena eta laugarrena izango dira aurrez aurre. Bidasoak sailkapeneko bigarren postua sendotu nahiko du; Leongo Ademarrek, ostera, irundarrak puntuetan berdindu eta sailkapenean gora egiteko nahia izango dute.

Biek ala biek denboraldi-aurrean baja ugari izan dituzte; hain zuzen ere, Leongo Ademarreko 8 jokalari Egiptoko Mundialean beren selekzioekin aritu dira (mundiala jokatu duten jokalari gehien dituen taldea da Leongo Ademar). Bidasoari dagokionez, larunbatean Nicolas Bonnano eta Rodrigo Salinas lanera itzuli ziren; baita Matheus da Silva ere, baina honek aste batzuk, behintzat, itxaron beharko du taldearekin lanean aritzeko.

Jacobo Cuetarak denboraldi-aurrearen balorazio ona egin du: “maila ona erakutsi dugu prestatu genituen hiru lagunartekoetan. Jokalariak berreskuratzen joan garen heinean, gure maila handitu egin da eta harrobiko jokalariek erakutsi duten konpromisoa izugarria izan da”. Toulousen aurkako neurketan Bidasoak “maila bikaina” erakutsi zuela adierazi du Cuetarak eta ziur da “Bidasoa biharko neurketarako oso prestatuta dagoela”. Entrenatzaile asturiarrarak Julen Aginagalde, Dan Racotea eta Xoan Ledoren izenak goraipatu nahi izan ditu; izan ere, “hirurek maila altua erakutsi dute denboraldi-aurrean, zegokien aurrerapausua eman dute eta bakoitza bere arloan bikain aritu da”.

Bada, Jacobo Cuetararen esanetan “taldea sasoian” iritsiko da Leongo Ademarren aurka lehiatzera. Lehen itzulian, gaztela leongo taldearen bizkortasuna min handia egin zion talde irundarrari eta lehen zatia bederatzi goleko aldearekin bukatu zuten. “Jakitun gara Leongo Ademarren kontraerasoak oso bortitzak direla eta horiek gelditzen saiatu behar gara”, ohartarazi du Cuetarak. Hala ere, neurketa irabazteko gakoa Bidasoaren jokoan jarri du; bere esanetan, “guk gure joko filosofia mantendu eta trantsizioko defentsa ondo gauzatzen badugu, neurketa irabazteko aukerak areagotuko ditugu”. Oso argi du biharkoa neurketa "lehiatua" eta "zirraragarria" izango dela; izan ere, "azken urtetan bi urtetako neurketak oso berdinduak izan dira".

Leongo Ademarrek selekzioei hainbeste jokalari uzteak galerak al dituen galdetuta, entrenatzaile asturiarrak bi aldeko irakurketa egin du. “Batetik, hainbeste neurketa jokatzetik datozenez desgaste eta taldearen jokoarekiko deskordinazioa izan dezakete, baina bestetik, ezin dugu ahaztu Mundialean aritu direla eta eskubaloiko maila goreneko neurketak jokatu dituztela. Nekatuta bai, baina sasoian ere irits daitezke”. Espekulazioetatik haratago, biharko egunean, Bidasoa eta Leongo Ademarreko jokalariek erakutsiko dute zein mailatan iristen diren ligako itzulerara. 

ASIER NIETO ETA MIHAJLO MITIĆ BIDASOAKO JOKALARI BERRIAK
Eskubaloia

ASIER NIETO ETA MIHAJLO MITIĆ BIDASOAKO JOKALARI BERRIAK

Gurutz Aginagalde presidenteak Bidasoako ezker eta eskuin hegaleko jokalari berriak aurkeztu zituen prentsaren aurrean  

NIETO, FURUNDARENA, URRUZOLA ETA MUJIKA EUROPAKO TXAPELKETAN IZANGO DIRA
Eskubaloia

NIETO, FURUNDARENA, URRUZOLA ETA MUJIKA EUROPAKO TXAPELKETAN IZANGO DIRA

Uztailaren 7tik 17ra jokatuko da Europako Junior Txapelketa eta bertan izango dira Bidasoako lau jokalari gazteak

JULEN AGINAGALDE BIDASOAKO KIROL ZUZENDARIA IZANGO DA
Eskubaloia

JULEN AGINAGALDE BIDASOAKO KIROL ZUZENDARIA IZANGO DA

Jokalari irundarrak urte bat gehiago emango du Bidasoan jokatzen, “kamiseta zintzilikatu” baino lehen

Julen...

TXINGUDI ZUBIEDERREK SAN MARTZIAL TORNEOA IRABAZI DU
Eskubaloia

TXINGUDI ZUBIEDERREK SAN MARTZIAL TORNEOA IRABAZI DU

Txingudi Eskubaloi Taldeak lehendabiziko aldiz ospatu zuen senior mailako emakumeentzako San Martzial Torneoa, eta etxeko taldeak lortu zuen garaipena

ASIER NIETOK BIDASOAN JOKATUKO DU DATORREN HIRU URTEETAN
Eskubaloia

ASIER NIETOK BIDASOAN JOKATUKO DU DATORREN HIRU URTEETAN

Etxebarriako jokalariak aurre-akordio bat sinatu du Bidasoarekin eta hurrengo hiru denboraldietan bertan jokatuko duela iragarri du klubak

BIDASOAK ETA GEFF ENPRESAK ZUTEN AKORDIOA BERRITU DUTE
Eskubaloia

BIDASOAK ETA GEFF ENPRESAK ZUTEN AKORDIOA BERRITU DUTE

Ehungintzako enpresak klub irundarraren hornitzaile izaten jarraituko du hurrengo bi denboraldietan

C.D. Bidasoatik...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika