GURE TXOKOA SAILKAPENEKO BIGARREN POSTUAN LEHEN FASEA BUKATUTA
Futbola

GURE TXOKOA SAILKAPENEKO BIGARREN POSTUAN LEHEN FASEA BUKATUTA

Beti Gazteko emakumeek ere garaipena eskuratu zuten Hernanin, klub bereko gizonezkoek eta Baztanek galdu egin zuten eta Doneztebek puntuak banatu zituen

Gipuzkoako Ligako Erregional mailako Gure Txokoak sailkapeneko bigarren postuan bukatu du denboraldiko lehen fasea. Azken jardunaldian San Marcial 1-2ko markagailuarekin garaituta, Landetxa liderretik puntu bakarrera kokatu dira, eta aurtengo helburuari ongi lotzen ari direla dio Ganix Zubieta entrenatzaileak.

Horrez gain, Lesakako Ohorezko Erregional mailako emakumeek ere markagailu berarekin irabaztea lortu zuten Zubipen, Hernani B taldearen kontra. Idoia Garde jokalariak, lesio batetik berreskuratu berri denak, gol bat sartu zuen jardunaldiari bertze nota positibo bat jarriz. Ainara Otxoteko bigarren entrenatzaileak Hernanin bildutako hiru puntuak heldu diren jardunaldietarako inportanteak izanen direla onartu du.

Maila bereko Beti Gazteko gizonezkoek berriz, ez zuten zorte bera izan. Azpeitian aritu ziren asteburuan, bertako Lagun Onak B taldearen kontra eta 1-0eko markagailuarekin bueltatu ziren etxera. Aurkari zuzenak ziren azpeitiarrak eta puntuak eurentzat izatea gogorra izan zen lesakarrentzat. Hala ere, lanean segituko dutela argi du Javier Escagües prestatzaileak.

Nafarroako Ligako taldeek ere ez dute garaipenik erdietsi asteburu honetan. Lehen maila autonomikoko Baktanek 3-2 galdu zuen Ondalan taldearen kontra. Iban Romo entrenatzaileak azaldu duenez, bazekiten aurkari gogorra izanen zela eta horrela suertatu zen. Burumakur hasi dute astea, baina denboraldia luzea denez, garaipenak etorriko direnaren itxaropena dute.

Azkenik, Prefente mailako Doneztebek hutsera berdindu zuen etxean, Burlades taldearen kontra. Partidurik galdu gabe ailegatu zen aurkaria Iñaki Indart zelaira eta, espero bezala, neurketa borrokatua izan zen. Joel Gil bigarren entrenatzaileak penaz ikusi zuen azken emaitza, izan ere, gol bat baliogabetu zieten eta doneztebarrak ez zeuden guztiz ados erabaki horrekin. Hala ere, liderrari puntu bat kentzea baliagarria izan daiteke aitzinera begira. 

FRAN JUSTOK EZ DU REAL UNIONEN SEGITUKO
Futbola

FRAN JUSTOK EZ DU REAL UNIONEN SEGITUKO

Entrenatzaile galiziarrak Real Unionen eskaintza mahai gainean izan du, baina Ponferradina eta Algeciras taldeetatik jaso dituen eskaintzei lehentasuna eman...

REAL UNIONEK ROCA TALDEAREN INGURUKO LIBURUA KALERATU DU
Futbola

REAL UNIONEK ROCA TALDEAREN INGURUKO LIBURUA KALERATU DU

“Ecos del Roca” izenburupean, Roca talde historikoaren sorrera kontatu dute liburuan

Real Unionek “Ecos del Roca” liburua kaleratu berri du,...

REAL UNIONGO BETERANOEK IRUN HIRIA TXAPELKETA OSPATUKO DUTE LARUNBATEAN
Futbola

REAL UNIONGO BETERANOEK IRUN HIRIA TXAPELKETA OSPATUKO DUTE LARUNBATEAN

Zazpigarren edizioa izanen da eta txapelketa triangularrean, Touring KEk eta Arenas Clubak parte hartuko dute

Real Unionek Irun Hiria Beteranoen...

JOSH FEENEY ETA TOMMI O´REILLY ASTON VILLARA BUELTATUKO DIRA
Futbola

JOSH FEENEY ETA TOMMI O´REILLY ASTON VILLARA BUELTATUKO DIRA

2024ko urte hasieran ailegatu ziren Real Unionera bi jokalariak utzita eta orain, jatorrizko taldera bueltatuko dira berriz ere

Real Unionek...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika