HANDITZEN, HANDITZEN
Arrauna

HANDITZEN, HANDITZEN

KAE 1 ligako plazarik ez du lortu Hondarribia B-k, baina KAE 2 ligako traineruen artean jokoan jarritako Camargoko Bandera bai eskuratu zuen.

Lau segundurengatik soilik ez du KAE 1 Ligarako igoera lortu Hondarribia B traineruak. Larunbatean zein igandean KAE 1 Ligarako playoffak jokatu ditu Hondarribia Arraun Elkartearen bigarren taldeak eta igoera lortu ez arren, formakuntzako taldea izaki, arraunlari gazteak handitu eta hazi direnaren adibide argia izan dira jokaturiko azken bi estropadak. Colindresen KAE 2-ko bandera eskuratu zuten eta, egun berean, hirugarren sailkatu ziren playoffetako estropadan. Gaur, bigarren egin arren, asteburuko bi denborak batuta, Camargo lau segundutan gailendu da Hondarribia Arraun Elkartearekiko.

Denboraldi osoan zehar, bandera eskuratzeko gutxi falta izan zaio Hondarribia B-ri. Lehen jardunaldian garaipena erdietsi geroztik, emaitzarik onena bigarren postua izan zen, larunbatera arte. Nahiz eta playoffa jokoan izan, KAE 2 ligako traineruak Colindresera bertaratu ziren eta beren artean Colindreseko bandera jarri zuten. Maisutasunez, Hondarribia Arraun Elkarteko ‘txotxuek’ 20:35.80 geratu zuten kronoa eta eguneko denbora azkarrena egin zutelarik, bandera eskuratu zuten. KAE 1 ligako playoffetan aurkari zuen Portugalete sei segundura utzi zuten hondarribitarrek. Halere, aurten KAE 1 ligan aritu diren eta plaza defendatzen zuten Castrok eta Camargok 11 eta 8 segundutan hobetu zuten berdeen denbora, hurrenez hurren.

Gaur, Castron, KAE 1 ligako playoffetako bigarren jardunaldia jarri da jokoan eta bertan, lehia horretan murgildurik dauden traineruak izan dira parteko. Hondarribiak 8 segundu berreskuratu behar zion Camargori bigarren bukatu eta mailaz igotzeko eta gutxigatik ez da posible izan. Larunbateko jardunaldiaren antzera, Castrok ezarri du denbora azkarrena (21:20,40) eta etxekoen atzetik, Hondarribia B izan da bigarren. Txalo Carrionek zuzentzen dituen arraunlariek sekulako estropada gauzatu dute eta soilik Castro baino bi segundu gehiago behar izan dute erlojupekoko lau luzeak gauzatzeko (21:22.56). Camargo hirugarren sailkatu da, ondo jakin du zuen abantaila mantentzen eta Hondarribia Arraun Elkartearekiko lau segunduetara heldu da. Horrela, Castrok eta Camargok, bi ontzi kantabriarrek, datorren urtean KAE 1 ligan berriz aritzeko txarteltxoa ziurtatu dute. Bi egunetan laugarren bukatu ostean, Portugaletek playoffetako laugarren postuan osatu du sailkapen nagusia. 

MATRIX HONDARRIBIAK CAIXABANK BANDERA IRABAZI ZUEN CASTRON
Arrauna

MATRIX HONDARRIBIAK CAIXABANK BANDERA IRABAZI ZUEN CASTRON

HAE-ko emakumeak ere nagusi izan ziren Castron larunbatean, sailkapen orokorrean lidergotza sendotuz

Hondarribia...

AITZPEA GONZALEZ ETA NAROA ZUBIMENDI, ESPAINIAKO TXAPELDUNAK
Arrauna

AITZPEA GONZALEZ ETA NAROA ZUBIMENDI, ESPAINIAKO TXAPELDUNAK

Klara Olazabalek ere bostgarren postua eskuratu zuen Eslaloneko Munduko Kopako hirugarren proban

Pasa den...

HONDARRIBIAKO NESKEK ZUMAIAKO BANDERA IRABAZI DUTE
Arrauna

HONDARRIBIAKO NESKEK ZUMAIAKO BANDERA IRABAZI DUTE

ETE Ligako hirugarren jardunaldian garaipena eskuratu du berriz ere emakumeen traineruak

Atzo goizean, ekainak 26,...

HONDARRIBIA ARRAUN ELKARTEAK DENBORALDIKO AURKEZPENA EGINEN DU BIHAR
Arrauna

HONDARRIBIA ARRAUN ELKARTEAK DENBORALDIKO AURKEZPENA EGINEN DU BIHAR

Hondarribia Arraun Elkarteak San Joan bezperan ospatuko du aurten ere 2022ko traineruen aurkezpena 

Bihar, ekainak...

HONDARRIBIAK IRABAZI DU ETE LIGAKO LEHEN JARDUNALDIA
Arrauna

HONDARRIBIAK IRABAZI DU ETE LIGAKO LEHEN JARDUNALDIA

Pasaian jokatu zen estropada eta Hondarribiako neskak nagusi izan ziren Deusto eta Hibaikaren aurretik

Pasa den...

HONDARRIBIAK GIPUZKOAKO TXAPELKETAKO BANDERA IRABAZI DU
Arrauna

HONDARRIBIAK GIPUZKOAKO TXAPELKETAKO BANDERA IRABAZI DU

Hamahirugarren aldiz lortu dute hondarribitarrek garaikurra, etxean bertan jokatu den estropadan

Atzo, ekainak 12,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika