HARROBIARENTZAKO SARIA

Asteburu honetan Bidasoa Atletiko Taldearen harrobiak Valentziak jokatuko den Espainiako DNA meetingean parte hartuko du. Lehiaketa honetara, Espaniako 6 harrobi onenak gonbidatuak izan dira.

Larunbat honetan Bidasoa Atletiko Taldearen ez-ohiko txapelketan parte hartuko du. DNA du izena, Valentzian jokatuko da eta Espainiako 6 harrobi onenak lehiatuko dira. Pasaden denboraldian BAT-en talde absolutua 8.postuan bukatu zuenez, ezin izan dute absolutuko mailan lehiatu; edonola ere, harrobiaren lana saritu da. Bidasoa Atletiko Taldeak bi ordezkaritza eramango ditu: lehena, sub20 mailako eta bigarrena sub16 eta sub 18 mailako atletez osatutakoa.

Txapelketa mixtoa izango da; hau da, 5 emakumezko atletek eta gizonezko beste bostek osatuko dute taldea. Atleta bakoitzak proba bakarrean parte hartuko du eta ahalik eta puntu gehien lortzen saiatu beharko da. Honako hauek dira Bidasoa Atletiko Taldeak eramango dituen partaideak:


Gizonezkoen probatan:

60m hesidunetan: Imanol Bandres - sub20

Luzera jauzian: Joaquin Alonso - sub18

Pisu jaurtiketa: Unax Eraso - sub16  

Emakumezkoen probatan: 

60metroetan: Uxue Garrancho - sub16

400metroetan: Laia Olascoaga - sub18

Altuera jauzian: June Lizaso - sub20  

Erreleboak:

1000metroko emakumezkoen postan: Sara Mancisidor - sub18

800metroko gizonezkoen postan: Hugo Alvarez - sub18

600metroetako emakumezkoen postan: Irune Muguruza - sub20

400metroko gizonezkoen postan: Urko Navarro - sub20 de Irun. 


Ibon Muñoz, Bidasoa Atletiko Taldeko Kirol Zuzendaria, oso harro agertu da txapelketa berri honen aurrean: “Guretzat sari ezin hobea da gure harrobia horrelako txapelketa batean lehiatzea. Duela urte batzuk harrobia hazteko apostua egin genuela eta emaitzak iritsi dira”. Harrobian aritzen diren lana ere goraipatu nahi izan du, “atletek eta beraiekin dabiltzan entrenatzaileek lan zoragarria egin dute, lorpen hau osotasunean beraiena da”.

Txapelketaren formatoa ez-ohikoa izango da, jauzi eta jaurtiketen lehian berritasuna baidakar. Lasterketen formatua berdina izango den bitartean, jauzien eta jaurtiketen probak buruz burukoak izango dira. Geroz eta jauzi edo jaurtiketa handiagoa egin, atletak puntu gehiago lortuko ditu eta fasez igaroko da.

Bakarkako probatan gertatzen dena gertatzen dela, lehiaketa errelebo mixtoetan erabakiko da. Aurretik lehiatzen diren probak erreleboen irteera zehaztuko dute; hau da, geroz eta puntu gehiago lortu, orduan eta abantaila handiagoa izango du taldeak. 

IGANDEAN OSPATUKO DA BAT-EK ANTOLATUTAKO “MILIAK OSASUNAREN ALDE” LASTERKETA

Goiz guztian zehar hainbat ekintzetan parte hartzeko aukera egonen da Kolon Pasealekuan 

Igande honetarako...

BEÑAT ELZO MENDI LASTERKETA BERTAN BEHERA

Bigarrenez geratuko da bertan behera Beñat Elzo mendi lasterketa. Hala iragarri zuen antolakuntzak bart komunikabideoi bidalitako prentsa-oharrean. Nahiz eta Covid-19aren inguruko neurri...

BI URTE PASATA, EMAITZA BERDINAK

Sara Villasantek eta Unai Arroyok, duela bi urteko garaileak, lasterkari herrikoiak lasterketetara itzuli ziren egunean, garaipena errepikatu...

DONIBANE LOHIZUNE-HONDARRIBIA MARATOI ERDIA BERTAN BEHERA

Antolatzaileek, halabeharrez, “pandemiaren bilakaerak sortzen dizkigun zalantzek bultzatuta, lasterketa bertan behera uztea” erabaki dute.

“Lanean...

LASTERKETA HERRIKOIAK IRAILAREN 18AN BUELTAN IZANGO DIRA

2019tik ospatzen ez den Txingudi Korrikak Behe Bidasoa eskualdean ospatzen diren lasterketen itzuleraren mugarria izango da, irailaren 18an.

Urte eta erdi...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika