HITZORDU GARRANTZITSU UGARI DITU B.A.T-ek ASTEBURUAN

Teresa Errandonea Ganteko Flanders Indoor Meetingean parte hartuko du eta talde irundarreko 7 atletek 23 urtez azpiko Txapelketa Estatalean arituko dira.

Bidasoa Atletiko Taldek bere bidea egiten jarraitzen du ez-ohiko denboraldi honetan. Asteburu honetan, bi deialdi garrantzitsu izango dituzte Bidasoa eskualdeko atletek. Batetik, Teresa Errandonea Ganteko Flander Indoor Meetingean 8,00” segunduko marka lortzeko asmoarekin parte hartuko du; eta bestetik, 7 atletek 23 urtez azpiko Pista Estaliko Txapelketa Estatalean arituko dira.

Teresa Errandoneak Europa barrena ibilbidea egiten jarraitzen du. Karlsruhen (Alemanian) eta Mondevillen (Frantzian) aritu ostean, asteburu honetan, Ganteko Flanders Indoor Meetingean lehiatzen arituko da. Karlsruhen lasterketa ez zen ona izan, irteera faltsua egin eta kanporatu zuten; Mondevillen, ordea, final-erdietan eta finalean 8.17”-ko marka egin zuen 60 metro hesidunetan eta probako hirugarren bukatu zuen. Ganten aukera berri bat izango du mugarri dituen 8’’-ko denbora lortzeko.

Bestalde, emaitza bikainak lortzen ari den harrobiak bere hitzordu garrantzitsua izango du ere bai. Bidasoa Atletiko Taldeko 7 atleten emaitzak kontuan hartuz, 23 urtez azpiko Pista Estaliko Txapelketa Estatalean sailkatu dira. Honako hauek dira parte hartuko duten atletak:

• Iker Arocena luzera jauzian: 7,29 metroko jauziarekin lehena da rankinean.

• Malen Orduña pertika jauzian: 3,65 metroko jauziarekin laugarren sailkatua da.

• Goizane Garcia pisu jaurtiketan: 11,95 metroko jaurtiketarekin bosgarrena kokatuta dago.

• Eva Queimaño Pentathloian: Proba konbinatuen egungo txapelduna da eta rankingean bosgarren postuan dago.

• Adriana de Prado 3000 metroetako proban: 9:05:10-ko denborarekin zazpigarren sailkatua da.

• Izaro Irastorza altuera jauzian: 1,62 metroko jauziarekin rankineko zortzigarrena da.

• Ana Gomez 200 metroetako proban: 10.sailkatua da 25,78”-ko denborarekin. 

Deialdi gehiago.

Hori gutxi balitz bezala, larunbat arratsaldean Donostiko Belodromoan parte-hartze libreko probak eta igandean, Getxon, Espainiako Crosserako sailkatze proba jokatuko da. Bietan Bidasoa Atletiko Taldeko atletak bertan izango dira. 

OLATZ ZABALA ETA JOSE ANTONIO GOMEZ DE ARRIBA, SAN MARTZIAL IGOERAKO IRABAZLEAK

Ekainaren 25ean ospatu zen lasterketa, bi urteren ondoren, eta 138 partehartzaile izan ziren guztira

Pasa den...

IKER AROZENAK BRONTZEZKO DOMINA ESKURATU DU ESPAINIAKO TXAPELKETAN

Arozenaz gain, BAT-eko beste hamar atletek parte hartu zuten Espainiako Txapelketa Absolutuan

Pasa den asteburuan,...

IKER IBARGURENEK EUROPAKO TXAPELKETARAKO MINIMOA LORTU DU

Ibargurenek lehen postua lortu zuen 2000 metro oztopo proban eta Europako Txapelketarako txartela eskuratu zuen

BAT-EK HEMERETZI DOMINA ESKURATU ZITUEN GIPUZKOAKO TXAPELKETA ABSOLUTUAN

Honez gain, taldeka ere lehendabiziko postuan gelditu zen Bidasoa Atletiko Taldea

Pasa den larunbat eta igandean,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika