IKER IBARGURENEK EUROPAKO TXAPELKETARAKO MINIMOA LORTU DU

Ibargurenek lehen postua lortu zuen 2000 metro oztopo proban eta Europako Txapelketarako txartela eskuratu zuen

Pasa den asteburuan, Gipuzkoako Txapelketa ospatu zen Anoetan zenbait kategorietan, eta bertan Iker Ibargurenek marka minimoa lortu zuen Europako Txapelketan parte hartzeko. 2000 metro oztopo proban lehiatu zen Ibarguren eta lehen postuan amaitu zuen lasterketa.

Larunbatean jokatu zen 2000 oztopo proba eta Ibargurenek lasterketa ederra osatu ondoren, azken 1000 metroetan eraso egin zuen eta lehen postuan helmugaratu zen, 6:01,17ko denborarekin. Lortutako marka honekin, Europako Txapelketan sartzeko minimoa eskuratu zuen baita ere.

Ibargurenen lorpenaz gain, jaurtitzaile gazteek ere parte hartu zuten Gipuzkoako Txapelketan eta podiumera igotzea ere lortu zuten. Maialen Diazek, besteak beste, urrezko domina eskuratu zuen 20 urtez azpiko disko jaurtiketan, 23,05 metro eginda eta baita bere marka pertsonala ere. 18 urtez azpikoetan, Unax Erasok ere lehen postuan sailkatu zen proba berean, 46,85koarekin. Azkenik, Alaine Aguerralde eta Egoitz Miquelarena, 300 metroko proban, podiumeko lehenengo eta hirugarren mailara igo ziren hurrenez hurren. Aguerralde Gipuzkoako txapelduna bilakatu zen, 41,16ko denborarekin, eta Miquelarenak brontzezko domina eskuratu zuen, 38,39koarekin.

Euskadiko Txapelketa absolutuan lau domina

Asteburuan ere, Euskadiko Txapelketa ospatu zen Durangon, eta bertan BAT-eko zenbait atletek ere parte hartu zuten brontzezko lau domina lortuz. Alde batetik, Mikel Aguirrebeñak hirugarren postua eskuratu zuen 5000 metroko proban 15:25,47ko denbora eta marka personal onena eginez. Altuera jauzian, Jon Mateyk ere brontzezko domina lortu zuen, 1,94 metroko saltoarekin. Alazne Garrido, 400 metroetan, podiumeko hirugarren mailara igo zen 56,80 segundutan lasterketa osatuz, eta azkenik, Goizane Garciak pisu jaurtiketan ere hirugarren postua eskuratu zuen, 10,78 metroekin.

ELISA GONZALEZEK ETA IBAI MAKAZAGAK IRABAZI ZUTEN IRUNGO KROSA

Irungo lasterketa ezagunaren 52. edizioa ospatu zen igande goizean eta Gonzalezek eta Makazagak eskuratu zuten garaipena maila absolutuan

BEÑAT ELZO LASTERKETA AZAROAREN LEHENEAN OSPATUKO DA

Adela elkarteari bideratuko zaio zazpigarren edizio honetan biltzen den diru guztia

Beñat Elzo mendi lasterketa...

DONIBANE LOHIZUNE-HONDARRIBIA LASTERKETAK BERE 23. EDIZIOA OSPATUKO DU IGANDEAN

Donibane Lohitzunetik atera eta Hondarribiako Arma Plazan helmugaratuko dira korrikalariak

Igande honetan,...

SARA VILLASANTEK ETA JOSE ANTONIO GOMEZ DE ARRIBAK IRABAZI ZUTEN TXINGUDI KORRIKA

Hanbike modalitatean, Ion Galarraga izan zen lehen postuan helmugaratu zena

Urriaren 1ean ospatu zen Txingudi...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika