ITZULERA ZORAGARRIA
Eskubaloia

ITZULERA ZORAGARRIA

Bidasoak erakustaldia eman du eta Leongo Ademar 27-33 garaitu du. Hasieratik bukaerara arte Bidasoa neurketaren nagusi izan da.

Sacyr Asobal Ligaren itzulera jardunaldi zoragarria izan da Bidasoarentzat. Leongo Ademarren gainetik pasa da, joko bikaina egin dute Jacobo Cuetararen jokalariek eta azkenean, 27-33ko garaipena erdietsi dute. Balonmano Logroñok Sinifinen aurka galdutako neurketa baliatuta, sailkapeneko bigarren postuan indartu da talde irundarra.

2 urte zeramatzan Bidasoak Leongo kiroldegian garaipena lortzen, eta gaur hirugarrena erdietsi dute. Neurketa osoan markagailuan aurretik izan da Bidasoa; 2-4ko hasierako abantaila lortu du, baina Racotea bi minutu egotzi ostean, 6-7ko markagailura hurbildu da Leongo Ademar. Defentsan oso sendo aritu da Bidasoa, 6-0 eta 5-1eko defentsak trukatu ditu Cuetarak eta horrek 20.minutuan 11-15eko abantaila lortzera eraman dute. Kauldi Odriozolak 8 gol egin ditu lehen zatian (11 golekin orotara eguneko golegile nagusia izan da); hain zuzen ere, zumaiarrak azken segunduan egindako golak 16-20koa ezarri du atsedenaldira iristerako unean.

Aldageletatik bueltan Bidasoa neurketa asmoarekin atera da eta lehen bost minutuak nahikoa izan zaie 18-24ko markagailua erdiesteko. Leongo Ademarrek aldea 21-25era murriztu du, baina zailtasun handiak izan dituzte Odriozola, Azkue eta Aginagalde triangelua gelditzeko. Apurka apurka eta eraso zein defentsako joko ezin hobearekin, aldea aregotzen joan da Bidasoa 22-29ko abantaila nagusia lortu duten arte. Bigarren zatian Jose Manuel Sierrak atepean egindako lanak garrantzi handia izan du talde irundarrak 7 goleko errenta lortzeko; honek, lehen zatian Xoan Ledok egindako lanari segida eman dio.

Leongo Ademarrek ez du jakin Bidasoaren eraso sendoa erasotzen eta aukerarik gabe, minutuak aurrera egin ahala, neurketa amaierara heldu da. Bidasoak utzitako irudia zoragarria izatetik haratago eta Leongo Ademar irabaztea gutxi balitz, lehen itzulian Ademarrek lortutako ‘averagea’ ere gainditu du Bidasoak. Hitz batean, borobila, izan da Bidasoaren neurketa. 

27 - Abanca Ademar León (16+11): Slavic, Lucin (3, 1 p.), Martínez-Camí (1), Donlin (1), Jaime Fernández, Pérez Arce (8, 2 p.), Semedo (3); Khalifa, Marchán (3), Feuchtmann (3, 1 p.), Suárez (5), Gostovic, Carrillo, Martínez, Piechowski eta Kisselev.

33 - Bidasoa Irun (20+13): Ledo, Crowley (1), Odriozola (11, 1 p.), Julen (4, 1 p.), Salinas (4), De la Salud (6), Azkue (6); Sierra, Cavero, Racotea (1), Zabala, Serrano, Tesoriere, Bonanno, Furundarena eta Gey-Emparan.

BIDASOAK HITZORDU GARRANTZITSUA IZANGO DU BIHAR SUITZAN
Eskubaloia

BIDASOAK HITZORDU GARRANTZITSUA IZANGO DU BIHAR SUITZAN

AZKEN ORDUKOA:

Bidasoa taldeak prentsa ohar baten bidez jakinarazi berri du gaur talde guztiari egindako koronabirus diagnosi froga...

BIDASOAK GARAIPEN SENDOA LORTU ZUEN ATZO ARTALEKUN
Eskubaloia

BIDASOAK GARAIPEN SENDOA LORTU ZUEN ATZO ARTALEKUN

35-27 markagailuarekin amaitu zen Batcho BM Torrelavega taldearen aurka jokatu zuen neurketa

Larunbat honetan...

BIDASOAK BESTE HITZORDU BAT DU LARUNBATEAN ARTALEKUN
Eskubaloia

BIDASOAK BESTE HITZORDU BAT DU LARUNBATEAN ARTALEKUN

Oraingo honetan, Sacyr Asobal Ligako partidua izango da Batcho BM Torrelavegaren aurka

Astearteko porrota eta gero,...

BIDASOAK ETSAI GOGORRA IZAN ZUEN ARTALEKUN ATZO
Eskubaloia

BIDASOAK ETSAI GOGORRA IZAN ZUEN ARTALEKUN ATZO

EHF-ko hirugarren jardunaldia 24-26ko markagailuarekin amaitu zen Toulouseren alde

Artalekuk EHF Ligako hirugarren...

BIDASOAK 28-34 GARAITU ZUEN GRANOLLERS
Eskubaloia

BIDASOAK 28-34 GARAITU ZUEN GRANOLLERS

Palau d´Esportsen aritu ziren irundarrak, 1.100 zaleen aurrean

Larunbat eguerdian neurtu zen Bidasoa...

BIDASOAK GRANOLLERSERA BIDAIATUKO DU ASTEBURU HONETAN
Eskubaloia

BIDASOAK GRANOLLERSERA BIDAIATUKO DU ASTEBURU HONETAN

Bihar 12etan izango dute irundarrek neurketa Fraikin Balonmano Granollers-en aurka

Asteazkeneko garaipena eta gero,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika