JACOBO CUETARA: “GURE ZALEEN AITZINEAN JOKATZEKO GOGOZ GAUDE”
Eskubaloia

JACOBO CUETARA: “GURE ZALEEN AITZINEAN JOKATZEKO GOGOZ GAUDE”

Bidasoak ASOBAL Ligari hasiera emanen dio larunbat honetan Barçaren kontrako partidu ikusgarri batekin

Artalekuko eserleku guztiak saldu dira dagoeneko, Bidasoak jokatuko duen denboraldiko lehen jardunaldia ikusteko. Ez da nolanahiko partidua izanen larunbatekoa, izan ere, Irungo taldeak Barça jasoko du lehen neurketa hori jokatzeko. Zaila izanen bada ere, zaleek norgehiagoka polita ikusteko aukera izanen dute eta jokalariek ere hauen babesa sentitu ahal izanen dute, denboraldi honetan lehen aldiz.

Larunbat honetako neurketa “erakargarria” izanen dela erran du Jacobo Cuetara Bidasoako entrenatzaileak. “Orain dela urte batzuk jendea Barça ikustera etortzen zen eta orain euren taldea Barçaren kontra lehiatzen ikustera etortzen dira. Hori garrantzitsua da”, gaineratu du. ASOBAL Ligari hasiera emanen diote irailaren 9an Bidasoako jokalariek etxean (16:45), eta ez nolanahiko partidu batekin, Barça jasoko baitute lehen jardunaldi honetan. HItzordu garrantzitsu hau egutegian edukita, irundarrak “zaleen aitzinean jokatzeko gogoz” daudela adierazi du Cuetarak.

Itxura ona eman nahi dute horiek eta horregatik, “lehiatu behar” dutela argi du prestatzaileak. Barçak “lehiaketarako erritmoa” du dagoeneko eta Bidasoak “lan ona eta partidu ona egin eta horrekin harro sentitu nahi” du lehen jardunaldia jokatu ondotik. Horretarako, “talde freskoa, alaia eta ongi entrenatzen ari dena” du Jacobo Cuetarak eta bera “lan guzti honekin oso kontent” dagoela jakinarazi du.

Lehiakortasunari dagokionez, aurredenboraldian emaitza onak lortu dituzte, baina entrenatzaileari ez zaio jokoa hainbertze gustatu: “Emaitza onak lortu ditugu, baina jokoa ez zait hainbertze gustatu. Hobetu behar dugu eta egonkorragoak izan behar gara. Bilakaera logikoa da taldearentzat eta denbora behar dugu. Horregatik, hasiera honetan, ahalik eta hobekien aritu behar gara”. Hau guztia lortzeko, partidu ezin polita dute Bidasoako jokalariek larunbatean. Zale guztiak bertan egonen dira taldea animatzen eta horren erakusle da sarrera guztiak agortu direla dagoeneko. Cuetararen ustetan, honek “bultzada” emanen dio Bidasoari eta “zaleak eta jokalariak elkartuko ditu”, azken hauek lehiakorragoak izateko. Hor egonen da neurketa honen gakoa. 

JACOBO CUETARA: “GAKOA EUREN ERASOAREN ETA GURE DEFENTSAREN ARTEKO BORROKAN EGONEN DA”
Eskubaloia

JACOBO CUETARA: “GAKOA EUREN ERASOAREN ETA GURE DEFENTSAREN ARTEKO BORROKAN EGONEN DA”

Bidasoak Logroñon jokatuko du, larunbat honetan, denboraldiko laugarren jardunaldia

Bidasoak Logroñora bidaiatu beharko du asteburu honetan,...

BIDASOA BARÇAREKIN PUNTUETAN BERDINDUTA
Eskubaloia

BIDASOA BARÇAREKIN PUNTUETAN BERDINDUTA

Valladoliden kontra 31-27 irabazi ondotik, talde irundarrak bortz puntu batu ditu sailkapenera

Bidasoak bertze bi puntu batu zituen sailkapenean...

BIDASOA ARTALEKUN ARIKO DA BIHAR VALLADOLIDEN KONTRA
Eskubaloia

BIDASOA ARTALEKUN ARIKO DA BIHAR VALLADOLIDEN KONTRA

Jacobo Cuetararen taldea etxean ariko da berriz ere, eskenatoki berean Barçaren kontra emandako ikuskizunaren ondotik

Bidasoak denboraldiko...

BIDASOAK DENBORALDIKO LEHEN GARAIPENA ESKURATU DU
Eskubaloia

BIDASOAK DENBORALDIKO LEHEN GARAIPENA ESKURATU DU

Jacobo Cuetararen taldea 29-34ko markagailuarekin gailendu zitzaion Torrelavegari

Bidasoak denboraldiko lehen garaipena eskuratu zuen atzo...

JACOBO CUETARA: “PASA DEN ASTEKO PARTIDUA EREDUA DA, BAINA ZAILTASUNAZ KOSZIENTE IZAN BEHAR GARA”
Eskubaloia

JACOBO CUETARA: “PASA DEN ASTEKO PARTIDUA EREDUA DA, BAINA ZAILTASUNAZ KOSZIENTE IZAN BEHAR GARA”

Bidasoak Torrelavega bisitatuko du denboraldiko bigarren jardunaldia jokatzeko

Bidasoak ASOBAL Ligari segida emanen dio asteburu honetan ere....

BIDASOAK IKUSKIZUNA BERMATU ZUEN ARTALEKUN
Eskubaloia

BIDASOAK IKUSKIZUNA BERMATU ZUEN ARTALEKUN

Barçaren kontra 26ra berdindu zuen, lehen zati bikain baten ondotik

Bidasoa Irunek markagailua 26ra berdintzea lortu zuen Barçaren kontra,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika