JACOBO CUETARA: “SENDO AZALDU BEHAR GARA, DEFENTSAN ONGI EGON ETA KONSTANTE IZAN”
Eskubaloia

JACOBO CUETARA: “SENDO AZALDU BEHAR GARA, DEFENTSAN ONGI EGON ETA KONSTANTE IZAN”

Bidasoa Irunek Viveros Herol BM Nava taldea bisitatuko du larunbatean 21:00etan

Bidasoa Irunek Plenitude ASOBAL Ligari segida emanen dio asteburu honetan, atsedenaldi ttikiaren ondotik. Oraingo honetan, Nava de la Asuncionera joan beharko da Irungo taldea, bertako Viveros Herol BM Nava taldearen kontra lehiatzeko. Hitzordua larunbatean izanen da, martxoaren 23an, 21:00etan.

“Neurketari aitzin egiteko gogoz gaude”, aipatu du gaur goizeko prentsaurrekoan Jacobo Cuetara entrenatzaileak. Nava taldearen kontrako partiduaren atarikoan erran du larunbateko neurketa “aukera berri bat” dela Bidasoarentzat eta “garaipen garrantzitsua” ere izan daitekeela bertan lortzen ahal dutena Plenitude ASOBAL Ligako sailkapeneko bigarren postua mantentzeko.

Hain zuzen ere, Europako Txapelketara sailkatzeko txartela emanen dio Bidasoari Ligako txapeldunordea izateak eta horretarako gakoa euren burutan pentsatzea izanen dela argi du Cuetarak: “Granollers erritmo onean dago, bigarren itzulian ez du partidurik galdu. Hala ere, aunitz falta da oraindik eta edozer gauza gerta daiteke. Guk gurengan pentsatu behar dugu, ahalik eta puntu gehien irabaztean eta gure erritmoa jartzean”.

Larunbatean garaipena eskuratzea ez da hain erraza izanen. Nava izanen du Bidasoak aitzinean, “ongi jokatzen ari den taldea”. Entrenatzaileak gaineratu duenez, “talde oso fisikoa du Navak, are gehiago azken aldian Gedeon Guardiolaren fitxaketarekin. Goian dagoen taldea da”.

Nava gainditzeko gakoa zein izanen den ere argitu du Cuetarak: “Gugan pentsatu behar dugu, aurreko jardunaldietako dinamika onean. Sendoak izan behar gara, defentsan ongi ibili eta konstante izan 60 minutuetan zehar”. Horrez gain, eurengan “konfiantza” edukitzea ere garrantzitsua izanen da, baita “erregularrak” izatea ere. Prestatzaileak oroitarazi duen moduan, azken hau da Bidasoaren “identitatearen parte” eta horrekin, seguru dira gai izanen direla puntuak ateratzeko. 

(Argazkia: Arrate Morales)

MUNDUKO ESKUBALOI TXAPELKETA IRUNEN OSPATUKO DA 2029AN
Eskubaloia

MUNDUKO ESKUBALOI TXAPELKETA IRUNEN OSPATUKO DA 2029AN

Irun 2029ko Emakumezkoen Munduko Eskubaloi Txapelketaren egoitza izendatu zuten atzo Parisen

Irun 2029ko Emakumezkoen Munduko Eskubaloi...

BIGARREN POSTUAN EGONKORTZEKO AITZINERA PAUSU BERRI BAT EMAN DU BIDASOAK
Eskubaloia

BIGARREN POSTUAN EGONKORTZEKO AITZINERA PAUSU BERRI BAT EMAN DU BIDASOAK

Blendio Sinfinen kontra 36-24ko emaitzarekin irabazi zuen talde horiak Artalekun

Bidasoa Irunek garaipena eskuratu zuen pasa den larunbatean etxean,...

JACOBO CUETARA: “GURE ERRENDIMENDUAREN ETA ZALEEN ARTEKO ELKARTASUNAK FRUITUAK EMAN BEHAR DITU”
Eskubaloia

JACOBO CUETARA: “GURE ERRENDIMENDUAREN ETA ZALEEN ARTEKO ELKARTASUNAK FRUITUAK EMAN BEHAR DITU”

Aste lanpetu bati bukaera emateko, Bidasoa Irunek Blendio Sinfin taldea jasoko du bihar, apirilaren 13an, Artalekun

Aste gogorra izan du Bidasoa...

BIDASOA ERREGE KOPAKO AZKEN FASEAN
Eskubaloia

BIDASOA ERREGE KOPAKO AZKEN FASEAN

Fundacion Agustinos Alicante taldea gainditu zuen atzo talde horiak txapelketako hirugarren kanporaketan

Bidasoa Irun Errege Kopako azken faserako...

BIDASOAK PUNTU BAT ATERA ZUEN GRANOLLERSEN KONTRAKO PARTIDUTIK
Eskubaloia

BIDASOAK PUNTU BAT ATERA ZUEN GRANOLLERSEN KONTRAKO PARTIDUTIK

Jacobo Cuetararen mutilek 30-30eko markagailua erdietsi zuten beraien aurkari zuzena den taldearen kontra

Bidasoak puntu garrantzitsua eskuratu zuen...

BIDASOAK ERREGE KOPAKO HIRUGARREN KANPORAKETA JOKATUKO DU BIHAR
Eskubaloia

BIDASOAK ERREGE KOPAKO HIRUGARREN KANPORAKETA JOKATUKO DU BIHAR

Fundación Agustinos Alicante izanen du aitzinean, azken faserako txartela eskuratzeko helburuan

Bidasoa Irunek, Plenitude ASOBAL Ligako azken...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika