JACOBO CUETARA: “TALDEAZ HARROEN NAGOEN DENBORALDIA DA”
Eskubaloia

JACOBO CUETARA: “TALDEAZ HARROEN NAGOEN DENBORALDIA DA”

Bidasoak denboraldiari bukaera emango dio igandean Artalekun, Benidormen kontra jokatuko duen jardunaldiarekin

Bidasoak, igande honetan, Sacyr Asobal Ligako azken jardunaldia jokatuko du Artalekun. Benidorm jaso beharko dute Jacobo Cuetararen mutilek eta lesioengatik eta nekearengatik baldintzatuta badaude ere, borrokatzera aterako dira kantxara azken txanpa honetan. Neurketa arratsaldeko 17:00etan izango da.

Jacobo Cuetara entrenatzaileak gaur goizeko prentsaurrekoan adierazi duenez, “guretzat interes handiko partidu bat izango da igandekoa. Lehiakorrak izan behar gara garaipena eskuratzeko eta sailkapeneko bigarren postuagatik borrokatzeko. Gainera, etxean jokatuko dugu eta gure helburua sentsazio onekin amaitzea izango da, ahalik eta puntu gehien batzearekin batera. Zenbait jokalari ere agurtuko ditugu zaleekin. Amaitu arte gure maximoa emango dugu”.

Azken neurketa hau Artalekun jokatzea berezia izango da, bai taldearentzat eta baita zaleentzat ere. Prestatzaileak ez du zalantzarik “Artaleku handi bat” ikusiko dela igandean. “Zaleek taldea babestuko dute, beti egiten duten moduan. Eskubaloiaz eta ikuskizunaz disfrutatuko dute eta Bidasoa animatuko dute garaipena eskura dezan”, gaineratu du.

Taldea gogoz dago denboraldiari amaiera emateko, “luze” egiten ari baitzaie, Cuetarak berak onartu duen moduan. Asturiarraren hitzetan, “inoiz izan dudan denboraldirik zailena izan da hau, partidu kopuruagatik eta atzerapenengatik. Hala ere, taldeaz harroen nagoen urtea da. Bigarren edo hirugarren postuan sailkatuta ere, zailtasun asko izan ditugu denboraldian zehar, baina hor egon gara txapelketa guztietan eta bigarren postuarengatik borrokan”.

Denboraldia borobiltzeko beraz, azken jardunaldi hau Artaleku bete batean jokatzea espero du Bidasoak. Bertan izango dira etxeko taldea eta Benidorm aurrez aurre, igandean, arratsaldeko 17:00etan. 

NIETO, FURUNDARENA, URRUZOLA ETA MUJIKA EUROPAKO TXAPELKETAN IZANGO DIRA
Eskubaloia

NIETO, FURUNDARENA, URRUZOLA ETA MUJIKA EUROPAKO TXAPELKETAN IZANGO DIRA

Uztailaren 7tik 17ra jokatuko da Europako Junior Txapelketa eta bertan izango dira Bidasoako lau jokalari gazteak

JULEN AGINAGALDE BIDASOAKO KIROL ZUZENDARIA IZANGO DA
Eskubaloia

JULEN AGINAGALDE BIDASOAKO KIROL ZUZENDARIA IZANGO DA

Jokalari irundarrak urte bat gehiago emango du Bidasoan jokatzen, “kamiseta zintzilikatu” baino lehen

Julen...

TXINGUDI ZUBIEDERREK SAN MARTZIAL TORNEOA IRABAZI DU
Eskubaloia

TXINGUDI ZUBIEDERREK SAN MARTZIAL TORNEOA IRABAZI DU

Txingudi Eskubaloi Taldeak lehendabiziko aldiz ospatu zuen senior mailako emakumeentzako San Martzial Torneoa, eta etxeko taldeak lortu zuen garaipena

ASIER NIETOK BIDASOAN JOKATUKO DU DATORREN HIRU URTEETAN
Eskubaloia

ASIER NIETOK BIDASOAN JOKATUKO DU DATORREN HIRU URTEETAN

Etxebarriako jokalariak aurre-akordio bat sinatu du Bidasoarekin eta hurrengo hiru denboraldietan bertan jokatuko duela iragarri du klubak

BIDASOAK ETA GEFF ENPRESAK ZUTEN AKORDIOA BERRITU DUTE
Eskubaloia

BIDASOAK ETA GEFF ENPRESAK ZUTEN AKORDIOA BERRITU DUTE

Ehungintzako enpresak klub irundarraren hornitzaile izaten jarraituko du hurrengo bi denboraldietan

C.D. Bidasoatik...

BIDASOA ASOBAL KOPAKO TXAPELDUNORDE
Eskubaloia

BIDASOA ASOBAL KOPAKO TXAPELDUNORDE

Igandean jokatu zuen Bidasoak Asobal Kopako finala Barçaren aurka eta, 29-37ko markagailuarekin, txapeldunorde izatea lortu zuen

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika