“JOKALARIEN MINAK ARINTZEKO PREST GAUDE UNE ORO”
Eskubaloia

“JOKALARIEN MINAK ARINTZEKO PREST GAUDE UNE ORO”

Eskubaloia kontaktu handiko kirola da, jokalariak kolpe gogorrak jasotzen dituztena. Erabakigarria izan ohi da jokalarien atzen mediku talde on bat izatea. Bidasoak badu lan talde hori, jokalariak osasuntsu mantentzen duen giza-taldea. Oihan Sayarrek, Bidasoako fisioterapeutak, eskubaloiaren beste ikuspegi hau erakutsiko digu.

 Jokalariak eta teknikariak oporretan daude jada. Mediku taldea egoera berdinean al dago? 

Gutxi gora behera, bai. Bidasoarekin bukatu dugu denboraldia, baina guk gure klinikan lanean jarraitzen dugu.

Ondo jakin dezagun, Oihan Sayar Bidasoan zer lan egiten du? 

Ni Bidasoako fisioterapeuta naiz Borjarekin batera. Denboraldi osoan zehar, Bidasoarekin lan egiten dugu neurketetan eta entrenamenduetan hartzen duten mina arintzen eta lesioak sendatzen.

Neurketa eta entrenamendu guztietan parte hartzen duzue? 

Entrenamenduetan eta partiduetan beraiekin gaude. Kanpoan jokatzen dugunean ere taldearekin goaz. Neurketa hasi ordu eta erdi aurretik, jokalariak prestatzen ditugu, bendajeak egin edota beroketa hasi aurreko masajeak ematen dizkiegu. Neurketa jokatzen ari diren bitartean, aulkian prest gaude jokalari batek min hartzen badu, ahalik eta lasterren laguntza izan dezan. Bukatzean, lesionaturik balego edo mina hartu duen norbaitek laguntza behar balu, fisio sesioak egiten ditugu.

Zeintzuk dira eskubaloian suertatzen diren lesio arruntenak? Nola konpontzen dituzue?

Badiru hiru gune asko sufritzen dutenak. Eskubaloi jokalariek jaurtitzerako orduan sorbalda asko erabiltzen dute eta beraien artean jasotzen dituzten kolpeak zonalde horretan nahiko ohikoak dira. Bestalde, belaunek eta orkatilek asko sufritzen dute ere. Pisu eta altuera handiko jokalariak dira eskubaloilariak eta mugimenduak oso bortitzak izan ohi dira. Alde horretatik, lesioak ekiditeko gimnasioan egiten dute lana eta, lesioak ugarituz gero, gune zehatz horietan ardazten dugu gure lana.

Sorbaldaz ari garela, Julen Aginagaldek nahiko sufritu du gune horretan. Egoera hobera egin du, ezta? 

Neurketa asko jokatu dituen jokalaria da Julen eta askotan guk baino berak ezagutzen du hobe bere sorbaldaren egoera. Denboraldi arraroa izan da aurtengoa, luzea eta geldiune asko izan dituena eta horrek ere lesioetan eragina izan dezake. Egoerari buelta eman diogu eta asko hobetu du Julen Aginagalderen egoerak.

Bidasoan lehen urtea bete duzu. Zer suposatzen du zuretzat kirol munduan hainbesteko jakintza duen Ricardo Jimenez bezalako mediku batekin lan egitea? 

Nire lan esperientzia handi honetan Ricardo bezalako medikuekin lan egitea oso onuragarria da niretzat. Alde batetik, segurtasun handia ematen dizu bere ondoan izateak eta, bestetik, asko ikasten duzu bere alboan. Borjarekin (beste fisioterapeuta) eta jokalariekin asko ikasu dut ere.

Denboraldi-aurrerako mediku taldeak lanketa zehatzen bat prestatzen al du? 


Bai, prestatuta dituzte udaran egin beharrekoak. Momentu hauetan, bi asteko egun libreak dituzte, batzuk selekzioekin zita dutenez ez dute etenik. Abuztuan itzuliko dira lanera, baina beraien kabuz maila fisikoa mantentzeko lanketa prestatu diegu. Jarri diegun lana mantentze hutserako balio du, mantendu eta atseden aktiboa izateko.

LEO RENAUD BUELTAN DA, HIRUGARRENEZ
Eskubaloia

LEO RENAUD BUELTAN DA, HIRUGARRENEZ

Ezker alboko jokalari frantziarrak hirugarren aroa hasiko du, lehenbailehen, C.D. Bidasoan.

Ezker alboko jokalariaren afera konpondu da. C.D. Bidasoak...

URREZKO PUNTUA
Eskubaloia

URREZKO PUNTUA

Azken minutuan Mikel Zabalak erdietsitako golak eta Sierraren geldituak, 24-24 berdinketa ezarri dute Cangasen.

Batzuentzat gutxirako izango da Bidasoak...

“ERABERRITZE PROZESUAN DAGOEN TALDEA DA CANGAS”
Eskubaloia

“ERABERRITZE PROZESUAN DAGOEN TALDEA DA CANGAS”

Bidasoa gaur goizean Galiziara bidean jarri da; bihar, 12:00etatik aurrera, beti zaila den O’Gatañal kiroldegian jokatuko du, Morrazoko Cangas izango du...

HORI GELDITUA, LEDO!
Eskubaloia

HORI GELDITUA, LEDO!

Ledok heroien kapa jantzi du C.D. Bidasoari denboraldiko lehen bi puntuak emateko (26-25).

Derbia, 2021-2022 Sacyr Asobal Ligaren hasiera eta Bidasoa...

“ARTALEKUREN BABESA GARRANTZITSUA IZANGO DA BIHAR”
Eskubaloia

“ARTALEKUREN BABESA GARRANTZITSUA IZANGO DA BIHAR”

Euskal Herriko derbiarekin, Anaitasunaren aurkako neurketarekin, irekiko du 2021-2022 Sacyr Asobal denboraldia C.D. Bidasoak, bihar, 20:00etan,...

VIA IRUN, 4 URTERAKO C.D. BIDASOAREKIN
Eskubaloia

VIA IRUN, 4 URTERAKO C.D. BIDASOAREKIN

Europako neurketetan Via Irunen logoa kamisetaren aurrean joango da; Sacyr Asobal Ligakoetan, aldiz, atzealdean.

Aste honetan hiru babesle berri aurkeztu...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika