JON AZKUEK BIDASOA IRUN UTZIKO DU
Eskubaloia

JON AZKUEK BIDASOA IRUN UTZIKO DU

Hamabi denboraldi bertan eman ondotik, kapitain oriotarrak talde irundarrari agur erranen dio denboraldi bukaeran

Jon Azkue Bidasoa Iruneko kapitainak, denboraldi honen bukaeran, taldea utziko duela iragarri du prentsaren aitzinean. Hamabi urte Irunen eman ondotik, bertze aukera berri batzuk aprobetxatzeko unea iritsi zaio oriotarrari eta erronka berrien bila joanen da datorren urtean.

Hunkituta eta eskerrak emanez jakinarazi du Jon Azkuek Bidasoa utziko duela. 2011ko irailean iritsi zen jokalaria Irunera, hain zuzen ere, “haur bat zela”, berak adierazi duen moduan. Hamabi denboraldi geroago, gizon bilakatu da Azkue eta horrela utziko du hazten ikusi duen taldea.

Kamiseta horiarekin 334 partidu jokatuta, aldaketen eta erronka berrien garaia dela iritzi dio kapitainak: “Gustatuko litzaidake bizitza guztian hemen egotea. Niretzako hau nire etxea da, baina aukera berriak probatzea eta nire burua probatzea ere gustatuko litzaidake, esperientzia berri hori bizitzea”. Pausu garrantzitsu hau momentu onean datorrela ere uste du Azkuek: “Adin batera iritsi naiz, non pausu hori emateko oso prest nagoen. Gainera, orain ez bazen, inoiz izango ez zenaren sentsazioa nuen, eta pausu hori ematea erabaki dut”.

Bizipen asko ditu oriotarrak Irunen, hamabi denboralditan gauza asko bizitzen ahal baitira leku berean. Hala ere, baditu batzuk kuttunagoak eta horietako bat “2016ko play-offa” da: “Taldeak eta klubak aurrerapusua eman zuen eta niretzat ere pausu izugarria izan zen. Hemen eta hirian bizi izan genuen giroa izugarria izan zen eta bizi izan dudan momenturik politena izan daiteke”.

Gurutz Aginagalde presidentea bere ondoan egon da gaur goizeko prentsaurrekoan eta berak “Joni eskertzeko eta beregatik pozik egoteko” momentu dela azpimarratu du. Lehendakariarentzat Azkue “erreferentzi bat da”, bertze gauzen artean, “klubak lantzen duen lurraldeko nortasun horretan”. Bukatzeko, bertze jokalari batzuekin hau lantzen segituko dutela jakinarazi du Aginagaldek eta espero dutela “horrelako agur gehiago edukitzea”, gauzak ongi egiten ari direnaren seinale izanen delako. 

MARKO JEVTIC BIDASOAN ARITUKO DA HELDU DEN DENBORALDIAN
Eskubaloia

MARKO JEVTIC BIDASOAN ARITUKO DA HELDU DEN DENBORALDIAN

RK Metaloplastika Sabac taldean aritzen da gaur egun pibotea, baita Serbiako selekzioan ere

Bidasoa Klubak...

BIDASOAK BIHAR HASIKO DU DENBORALDIKO BIGARREN ITZULIA
Eskubaloia

BIDASOAK BIHAR HASIKO DU DENBORALDIKO BIGARREN ITZULIA

Benidorm taldea jasoko du Artalekun, bigarren itzuliko lehen jardunaldia jokatzeko

Bidasoak bihar emanen dio...

ANDER UGARTEK ESKUBALOIA UTZIKO DU
Eskubaloia

ANDER UGARTEK ESKUBALOIA UTZIKO DU

2022/2023ko denboraldia bukatuta, jokalari irundarrak ere bere ibilbide profesionalari agur erranen dio

Bidasoa...

TAO GEY-EMPARANEK BIDASOAN JARRAITUKO DU 2025ERA BITARTE
Eskubaloia

TAO GEY-EMPARANEK BIDASOAN JARRAITUKO DU 2025ERA BITARTE

Azken denboraldietan urruñarrak minutu gehiago izan ditu lehen taldearekin eta, oraindik ere, bertze bi urtez jarraituko du Irunen

BIDASOA TOLOSAKO TXAPELKETAN GARAILE
Eskubaloia

BIDASOA TOLOSAKO TXAPELKETAN GARAILE

Ortziralean eta larunbatean ospatu zuten Tolosako Txapelketa eta Bidasoak jokatutako bi partidak irabazi zituen

ESTEBAN SALINAS BIDASOAN ARITUKO DA BI DENBORALDIZ
Eskubaloia

ESTEBAN SALINAS BIDASOAN ARITUKO DA BI DENBORALDIZ

Bidasoa eta Salinas aurre-akordio batera iritsi dira eta horren ondorioz, datozen bi denboraldietan, Irungo taldeko jokalaria izanen da txiletarra

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika