JUNE LIZASO PROBA KONBINATUETAKO 20 URTEZ AZPIKO ETA MAILA ABSOLUTUKO EUSKADIKO TXAPELDUNA BILAKATU DA

Durango jokoan jarri zen Euskadiko Txapelketaz gain, Ordizian aire libreko bigarren denbora minimoen kontrol jardunaldian, parte hartu zuten Bidasoa Atletiko Taldeko atletek.

June Lizaso asteburuan birritan txapeldun bilakatu zen. Nahiz eta 20 urtez azpiko txapelketan parte hartu, Bidasoa Atletiko Taldeko atletak heptlatoieko proba konbinatuetan, maila absolutuko txapeldun ere bukatu zuen. Talde bidasotarraren ordezkari bakarra izan zen Lizaso, espezialista proba konbinatuetan eta lehiatutako 6 probetan modurik onenean gauzatu zituen.

100 metro hesidunetan, altuera jauzian, pisu jaurtiketan, luzera jauzian, jabalina jaurtiketan eta 800 metroetako proban lehiatu eta honako markak erdietsi zituen:

-100 metro hesidunak: 16,18’’

-Altuera jauzia: 1,57m

-Pisu jaurtiketa: 9,17’’

-Luzera jauzia: 5,27m

-Jabalina jaurtiketa: 29,73m

-800 metroak: 2’30’’97 

Orotara, 4298 puntu eskuratu zituen eta Euskadiko 20 urtez azpiko lehena izateaz gain, maila absolutuko garaikurra ere bereganatu zuen.

Ordizian aire libreko prestaketaren bigarren zita. 

Bidasoa Atletiko Taldeko atleta guztiak burubelarri dihardute aire libreko denboraldia prestatzen eta larunbatean Ordizian, denboraldiko bigarren denbora minimoen kontrolan beren gorputzak astindu zituzten.

Zehazki, larunbateko goiz euritsuan, Bidasoa Atletiko Taldeko 50 atleta eta lasterkarik parte hartu zuten; horietatik, gehienak, talde bidasotarreko harrobiko atleta gazteak izan ziren.

50 horietatik, eguneko emankizun onena Gonzalo Tamayorengandik iritsi zen. Bidasoa Atletiko Taldeko pisu jaurtilariak denboraldi honetako marka onena egin zuen (14,45 metro). 

HAMAIKA DOMINA ESKURATU DITUZTE BATEKO ESKOLARTEKOEK GIPUZKOAKO TXAPELKETAN

Plaiaundin jokatu zen alebin eta infantil mailako Gipuzkoako Txapelketa eta etxekoek hamaika domina bildu zituzten guztira

Gipuzkoako alebin eta...

BIDASOA ATLETIKO BETERANOEK HAMAIKA DOMINA ESKURATU DITUZTE EUSKADIKO TXAPELKETAN

Irungo klubeko Arantxa Ausan, Juana Usabarrena, Miguel Arburua, Imanol Gil eta Javier Garcia Arnedo nagusitu ziren kategoria desberdinetan

Euskadiko...

HONDARRIBIAKO 10K HERRI LASTERKETA IGANDE HONETAN OSPATUKO DA

Ibilbide laua eta oztoporik gabekoa denez, marka egiteko aproposa izanen dela iragarri dute antolatzaileek

Lasterketaren aurkezpena egin zuten orain dela...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika