Kalterik txikiena jaso du Bidasoak Navan
Eskubaloia

Kalterik txikiena jaso du Bidasoak Navan

NAVA: Gómez, Domínguez, López, Virseda (2), Ajo (5), Camino (2), Fernández (1), Carlos Villagrán (7), Rodríguez, Ajo Martín, García (2), Ismael Villagrán, Acebes, Candau (2), Casado

BIDASOA: Zubiria, Dejanovic, Cavero, Trkulja (1), Martínez, Crowley (4), Penón (1), Zildzic (5), Alzaga, Azkue (3), Muiña (5), Vázquez, Gimeno (3), Revin.

MARKAGAILUA: 2-1, 6-2, 9-4, 9-7, 10-7, 11-10 (atsedenaldia); 12-12, 14-15, 17-16, 19-19, 20-20, 22-22.

Nava de la Asunción herriko pilotalekuan berdindu zuen larunbatean Bidasoa-Irunek. Lehen zatian okertu zitzaion norgehiagoka zuzendu zuen, balio handia izan dezakeen puntua eskuratzeko. Hasiera kezkagarria izan zen irundarrentzat. Defentsak ez zuen funtzionatu, eta 8-3ko abantaila hartu zuen Navak hamabigarren minuturako. Cristian Martínez fitxaketak kategoria aldaketaren ordaina jaso zuen, bi aldiz kanporatu zuelako epaileak ordu laurdena bete baino lehen. Atsedenaldia iritsi aurretik, anabasa hura konpontzea lortu zuten horiek. 11-10ekoa sartu zuen Goran Trkuljak, lehen zatia amaitzear zela.

Bigarren zatiko berdintasuna ikaragarria izan zen. Markagailuak oreka irudikatu zuen behin eta berriro. Gol bakarreko abantaila izan zuten taldeek, gehienez ere. Bost minutu falta zirenean, Adrian Crowleyk 20-21ekoa sartu zuen, garaipena lortzeko itxaropena emanez. Baina hurrengo jokaldian, Edgar Penón kanporatu zuen epaileak. Jokalari bat gutxiagorekin aritu zen, beraz, Bidasoa, minutu erabakigarrietan. Egoerari buelta eman eta 22-21ekoa jarri zuen Navak. Iago Muiñak berdintzea lortu bazuen ere, ia berrogeita hamar segundoko jabetza izan zuen etxeko taldeak irabazteko. Orduan bai, sendo eutsi zuen defentsa bidasoarrak, porrotaren hondamendia ekiditeko.

Zazpigarren tokian utzi du Navak Bidasoa, igoera fasetik kanpo. Dena den, bi puntu gehiago dituen Alcobendas hartuko du Fernando Bolearen taldeak datorren larunbatean. Lehen itzulian talde madrildarra menderatu zuenez, irabazita sailkapenean aurrea hartzeko aukera izango du Bidasoak. Lau jardunaldi besterik ez dira gelditzen. Play off-eko lehen bi txartelak Go Fit Sinfínek eta Valladolidek eskuratuko dituzte. Beste biak lortzeko, lehia bizia izango da Alcobendasen, Navaren eta Bidasoaren artean.

NIETO, FURUNDARENA, URRUZOLA ETA MUJIKA EUROPAKO TXAPELKETAN IZANGO DIRA
Eskubaloia

NIETO, FURUNDARENA, URRUZOLA ETA MUJIKA EUROPAKO TXAPELKETAN IZANGO DIRA

Uztailaren 7tik 17ra jokatuko da Europako Junior Txapelketa eta bertan izango dira Bidasoako lau jokalari gazteak

JULEN AGINAGALDE BIDASOAKO KIROL ZUZENDARIA IZANGO DA
Eskubaloia

JULEN AGINAGALDE BIDASOAKO KIROL ZUZENDARIA IZANGO DA

Jokalari irundarrak urte bat gehiago emango du Bidasoan jokatzen, “kamiseta zintzilikatu” baino lehen

Julen...

TXINGUDI ZUBIEDERREK SAN MARTZIAL TORNEOA IRABAZI DU
Eskubaloia

TXINGUDI ZUBIEDERREK SAN MARTZIAL TORNEOA IRABAZI DU

Txingudi Eskubaloi Taldeak lehendabiziko aldiz ospatu zuen senior mailako emakumeentzako San Martzial Torneoa, eta etxeko taldeak lortu zuen garaipena

ASIER NIETOK BIDASOAN JOKATUKO DU DATORREN HIRU URTEETAN
Eskubaloia

ASIER NIETOK BIDASOAN JOKATUKO DU DATORREN HIRU URTEETAN

Etxebarriako jokalariak aurre-akordio bat sinatu du Bidasoarekin eta hurrengo hiru denboraldietan bertan jokatuko duela iragarri du klubak

BIDASOAK ETA GEFF ENPRESAK ZUTEN AKORDIOA BERRITU DUTE
Eskubaloia

BIDASOAK ETA GEFF ENPRESAK ZUTEN AKORDIOA BERRITU DUTE

Ehungintzako enpresak klub irundarraren hornitzaile izaten jarraituko du hurrengo bi denboraldietan

C.D. Bidasoatik...

BIDASOA ASOBAL KOPAKO TXAPELDUNORDE
Eskubaloia

BIDASOA ASOBAL KOPAKO TXAPELDUNORDE

Igandean jokatu zuen Bidasoak Asobal Kopako finala Barçaren aurka eta, 29-37ko markagailuarekin, txapeldunorde izatea lortu zuen

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika