KAPITAINAREN AGURRA
Eskubaloia

KAPITAINAREN AGURRA

 Aurtengoa Iker Serranok Bidasoan jokatuko duen azken urtea izango da. Datorren denboraldian Sacyr Asobal Ligan jarraituko du, Benidormen. 

Aurreko astean Sergio de la Saludek datorren denboraldian jarraituko ez zuela iragarri zuen eta gaur kapitainaren, Iker Serranoren txanda izan da. Bere karrera profesionala talde irundarran hasi zuen, 13 urteren ondoren bueltatu zen eta azken bost denboraldien ostean, gaurko egunean Bidasoari agur esan dio. Bizitzan bezala, denak hasiera eta bukaera behar du. Bueltatu zenean, Bidasoan erretiratzeko nahia erakutsi zuen. “Pandemiaren egoerak behartuta” zuen nahia ez du beteko, baina aldagelan eta zelgoaren artean uzten duen oroitzapena ordezkaezina da. Kapitainak, bere ametsa beteta (Bidasoako kapitain izan eta Bidasoarekin Europan barrena lehiatzea), datorren denboraldian ez du Bidasoan jokatuko.

Bidasoan, Zarautzen, Almerian, Arraten, Puerto Sagunton, Tremblayen, MHSAn eta berriz Bidasoan aritu ostean, datorren denboraldian Benidormen arituko dela jakinarazi du Iker Serrano urretxuarrak. 36 urte dituelarik, denboraldi berria beteko du BM Benidormen, egungo Sacyr Asobal Ligako hamargarren sailkatuta (oraindik ez da ofiziala).

Honako hitz hauek erabili ditu Iker Serranok “bere bihotzeko kluba” agurtzeko: “duela 20 urte iritsi nintzen Urretxutik Bidasoara eta gaur taldea uzteko berria eman behar dut. Taldea uzten dut, ez kluba. Denetarik bizi izan dut klubarekin, Asobaleko debuta, itzulera, ez jeisteagatik borrokatzea, klubaren hazkundea, garaikurrak lortzeagatik lehiatzea…Bizipen hunkigarri asko uzten dizkidate Irunen igaro ditudan une bakoitzak. Horregatik, eskerrak Bidasoa osatzen duen familia guztiari eman behar dizkiot. Hiru presidentei, izan ditudan entrenatzaile eta taldekidei eta nola ez, klubetik pasa diren langileei ere bai. Emozionatuta agur esaten dut, baina, era berean, lasai. Gauzak oso ondo egiten ari dira azken urteetan eta uzten dudan aldagela oso sendo dago. Bidasoaren bazkide eta jarraitzaile izaten jarraituko dut aurrerantzean”.

Zaleak ere presente izan ditu bere agurrean: “urte guztietan zehar jendeak izan duen maitasun keinu bakoitzarengatik, eskerrik asko. Azken bost urteetako bidaia izaugarria izan da eta hein handi batean, Bidasoako zalegoa bertan bidelagun izan dugulako izan da. Nahiz eta egoerak zalegoa Artalekura bertaratzea ez duen baimentzen, beti nabaritu dugu zuen laguntza”.

Datuak:

Bost urte hauetan, egungo kapitain bidasotarrak partida guztiak jokatu ditu Sacyr Asobal Ligan, bakarra izan ezik, Liga hartako bosgarren jardunaldian Fertiberia Puerto Saguntoren aurka horiz jantzi zenetik. Orduz geroztik jokatutako 129 partidatan, Serranok 291 gol sartu ditu. Europan, 12 partida jokatu ditu VELUX EHF Champions League-n (18 gol), eta beste hiru EHF European League-n (4 gol). Errege Kopan 14 partida jokatu ditu (47 gol); eta lau Asobal Kopan (10 gol).

Klubaren eskertza mezua.

Prentsaurrekoan, Bidasoako jokalari izandako hiru lehendakarien (Javier Sesmaren, Jose Angel Soduperen eta Gurutz Aginagalderen), talde irundarraren plantilaren eta klubeko langileen babesa jaso du. Guzti-guztiek Iker Serrano kapitainak merezi zuen agurra eskaini nahi izan diote. Gurutz Aginagalderen aburuz, “jokalari zein pertsona bezala, beti bere ehuneko ehuna eman du Bidasoaren alde. Kapitain izatea egoera zailean egokitu zitzaion, baina arlo guztietan bikain aritu da. Ezin zaio eskerrak ez den beste ezer eman. Etxeko ateak beti irekiak izango ditu. Abentura berrian zorterik onena opa diogu”.

Agurren ondotik, fitxaketak.

Azkar mugitu beharko da Bidasoa pibote eta zentral postuak indarberritzeko. Eskubaloiko fitxaketa-merkatua irekita dago eta Asobal zein Europako gainontzeko ligetako taldeak oso adi daude jokalariak sinatzeko garaian. Talde irundarraren kasuan, datorren denboraldian Sergio de la Saludek eta Iker Serranok jarraituko ez dutela besterik ez dakigu. Taldeko aldagelaren bizkarrezurra birmoldatu beharko du. 

LEHIATZERA ZIHOAZTELA ESAN ZUTEN ETA BAITA EGIN ERE
Eskubaloia

LEHIATZERA ZIHOAZTELA ESAN ZUTEN ETA BAITA EGIN ERE

Bidasoa inoiz ez bezala lehiatu da Palau Blaugranan, baina Barca garaitzea ia ezinezko bilakatu da. Minutu askotan markagailuan hurbil izan diren arren,...

FINAL-ERDIETARAKO TXARTELA BIDERATUTA
Eskubaloia

FINAL-ERDIETARAKO TXARTELA BIDERATUTA

Ilcapo Hondarribiak 25-34 garaitu zuen igoera faseko final-laurdenetako joaneko neurketan Bilboko Loiola Unibertsitatea.

Denboraldi borobila egiten ari...

“NEURKETA BORROKATZERA GOAZ”
Eskubaloia

“NEURKETA BORROKATZERA GOAZ”

Arerioak arerio, “edozein aurkariren aurka lehiatzea” taldearen nortasunean dagoela adierazi du Jacobo Cuetarak. Barcaren aurka lehiatuko da Bidasoa bihar...

KAPITAINAREN AGURRA
Eskubaloia

KAPITAINAREN AGURRA

 Aurtengoa Iker Serranok Bidasoan jokatuko duen azken urtea izango da. Datorren denboraldian Sacyr Asobal Ligan jarraituko du,...

BIDASOAK BIGARREN ZATIAN MENDEAN HARTU DU GUADALAJARA
Eskubaloia

BIDASOAK BIGARREN ZATIAN MENDEAN HARTU DU GUADALAJARA

Asobal Liga amaitutzat emateko 9 jardunaldi geratzen direnean, Bidasoak 39 puntu ditu. Bigarren zatian neurketa hautsi eta 31-23 mendean hartu du Quabit...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika