KIROLAREN BI ALDEAK

Asteburuan zehar, Teresa Errandonea Karlsruhen (Alemanian) eta Mondevillen (Frantzian) lehiatu da eta kirolaren bi aldeak ezagutu ditu.

Erori eta altxatu, hori izaten da bizitzaren patua. Hanka sartu, ikasi eta arazoei aurre egin, beste bat. Hori da Teresa Errandoneak asteburu honetan bizi izan zuena. Europan barrena aritu zen aurreko urteko marka berdindu nahian (8.00’’) eta lehiatzen ari zela, kirolaren bi aldeak ezagutu zituen.

Ostiralean, Europako atleta onenekin batera, Karlsruheko World Indoor Tourrean lehiatu zen. Esan daiteke, atleta irundarrarentzat ametsa zela bertan izatea. Amets polita izatetik, gaiztora pasa zen instant batean. 60 metro hesidunen final-erdietan 20:50ean lehiatzea egokitu zitzaion. Aldamenean europako sprinter onenak zituelarik, aukera ezin hobea zuen aurreko urteko markara iritsi edota hobetzeko. Esperantzak instant batean desagertu ziren, Teresak irteera faltsua egin zuen eta lasterketatik zuzenean egotzi zuten. Aurpegian igarri zitzaion sekulako kolpea izan zela, baina kirola horrelakoa da.

Akatsean pentsatzeko asti handirik gabe, larunbatean Mondevilleko (Frantziako) Meetingean parte hartu zuen, aurreko eguneko sentsazio kaxkarrak kitatzeko abagune paregabea. Esan eta egin. Lehen final-erdian, 8.17’’ denbora egin eta finalera sailkatzeko txartela jaso zuen. Finalean, atleta irudnarrak final-erdiko denbora berdinarekin hirugarren postuan bukatu zuen proba. Alemanian gertatuakoaren ostean, altsatu zen Errandonea. Karlsruhen aritutako Laura Vallette eta Cyrena Samba-Mayela Errandonearen aurretik bukatu zuten, 8.10’’ eta 8.11’’ markak lortuta. Lasterketa osoan zehar Teresa Errandonea bi lasterkari hauetatik oso hurbil mantendu zen.

Final-erdietako eta finaleko lasterketa:

BI URTE PASATA, EMAITZA BERDINAK

Sara Villasantek eta Unai Arroyok, duela bi urteko garaileak, lasterkari herrikoiak lasterketetara itzuli ziren egunean, garaipena errepikatu...

DONIBANE LOHIZUNE-HONDARRIBIA MARATOI ERDIA BERTAN BEHERA

Antolatzaileek, halabeharrez, “pandemiaren bilakaerak sortzen dizkigun zalantzek bultzatuta, lasterketa bertan behera uztea” erabaki dute.

“Lanean...

LASTERKETA HERRIKOIAK IRAILAREN 18AN BUELTAN IZANGO DIRA

2019tik ospatzen ez den Txingudi Korrikak Behe Bidasoa eskualdean ospatzen diren lasterketen itzuleraren mugarria izango da, irailaren 18an.

Urte eta erdi...

IRUNE MUGURUZA 20 URTEZ AZPIKO TXAPELDUNA BILAKATU DA

 Bidasoa Atletiko Taldeko Unai Gonzalezek zilarrezko domina erdietsi zuen pertika jauziko proban. 

Teresa Errandonea Tokioko Joko Olinpikoetan egongo...

ESPAINIAKO TXAPELDUN BILAKATU DA TERESA ERRANDONEA

13.07’’ segundutan egin zuen 100 metro hesidunetako proba eta bigarren urtez jarraian, Espainiako Txapeldun bilakatu zen.

Azken urtearen antzera,...

ESPAINIAKO 23 URTEZ AZPIKO JAUZILARI ONENA BILAKATU DA IKER AROTZENA

Dena utzi zuen 7,61 metroko jauzia egin eta Nerjan jokatutako 23 urtez azpiko Espainiako Txapelketa irabazteko. Jauziaren osteko eroriko batean, sahiets bat apurtu...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika