Laugarren postuan bukatu du liga Real Unionek
Futbola

Laugarren postuan bukatu du liga Real Unionek

REAL UNION: Otermin, Urkizu, Azkoiti, Esnaola, Ibarbia, Iriondo, Ozkoidi, Alonso, Romo (Galán, 64'), Juan Domínguez (Silas, 64'), Saizar (Urbieta, 80').

TUDELANO: Pagola, Delgado, Morgado, Unai, Jonathan, Lázaro, Füchs (Nandi, 87'), Azpilikueta, Alex Sánchez, Bravo (Reche, 83'), Ardanaz (Goñi, 66').

GOLAK: 1-0: Jonathan (45').

EPAILEA: ávalos Barrera (Katalunia). Txartel horiak: Saizar, Romo, Juan Domínguez (Real Union); Füchs, Lázaro (Tudelano).

Amaiera gazi-gozoa izan du 2.B mailako ligak Real Union taldearentzat. Denboraldi hasierako aurreikuspenak gainditu dituzte txuribeltzek. Play off-erako txartela lortu dute, eta Bigarren Mailara igotzeko lehian parte hartuko dute. Baina laugarren tokian amaitu dute liga, azken jardunaldietan beheraldi nabarmena jasan ondoren. Lau partida galdu dituzte segidan, lehenagoko itxura sendoa atzean utzita. Zalantzaren bat edo beste piztu du ligaren amaierak. Igoera fasean lehiakor izateko, mailarik onena berreskuratu beharko du Irungo taldeak.

Azken jardunaldian Tudelano izan du aurkari Real Unionek. Nafarrek Errege Koparako sailkatzea zuten jokoan, eta saria eskuratu dute Stadium Galen irabazita. Unionek liga hirugarren tokian amaitzeko aukera zuen. Hala ere, hamaikakoan aldaketak egitea erabaki du Aitor Zulaika entrenatzaileak, lau txartel hori zituzten jokalariak eta min hartutakoak gordetzeko asmoz. Neurketak intentsitate falta izan du. Lehiakideek ez dute gehiegi arriskatu nahi izan, eta gol aukera gutxi izan da lehen zatian. 30.minutuan, Saizarri egindako penaltia adierazi du epaileak. Eneko Romok, ordea, jaurtiketan huts egin du, atezainak urrundu baitu baloia.

Lehen zatiaren azken txanpan aldatu du partida Tudelanok. 42.minutuan Oterminek gutxigatik aldendu du baloia korner batean. Hiru minutu beranduago, kontraeraso bat gelditu du atezainak buruz burukoan. Baina aldaratzean, Jonathanek gola sartu du. Bigarren zatian partidaren jabe izan du Tudelano. Arazorik gabe eutsi dio Unionen ahaleginari. Aitor Zulaikak Silas eta Galán zelairatu ditu hogeita bost minutu falta zirenean, erasoko jokoa freskatzeko helburuarekin. Hala ere, aldaketek ez dute eraginik izan, eta aurkaria gehiegi estutu gabe amaitu du norgehiagoka Real Unionek. Liga laugarren tokian bukatuta, play off-eko lehen kanporaketako joanekoa Galen jokatuko dute txuribeltzek, Real Murciaren, UCAM Murciaren edo Huracán Valenciaren kontra.

 

REAL UNIONEK ROCA TALDEAREN INGURUKO LIBURUA KALERATU DU
Futbola

REAL UNIONEK ROCA TALDEAREN INGURUKO LIBURUA KALERATU DU

“Ecos del Roca” izenburupean, Roca talde historikoaren sorrera kontatu dute liburuan

Real Unionek “Ecos del Roca” liburua kaleratu berri du,...

REAL UNIONGO BETERANOEK IRUN HIRIA TXAPELKETA OSPATUKO DUTE LARUNBATEAN
Futbola

REAL UNIONGO BETERANOEK IRUN HIRIA TXAPELKETA OSPATUKO DUTE LARUNBATEAN

Zazpigarren edizioa izanen da eta txapelketa triangularrean, Touring KEk eta Arenas Clubak parte hartuko dute

Real Unionek Irun Hiria Beteranoen...

JOSH FEENEY ETA TOMMI O´REILLY ASTON VILLARA BUELTATUKO DIRA
Futbola

JOSH FEENEY ETA TOMMI O´REILLY ASTON VILLARA BUELTATUKO DIRA

2024ko urte hasieran ailegatu ziren Real Unionera bi jokalariak utzita eta orain, jatorrizko taldera bueltatuko dira berriz ere

Real Unionek...

REAL UNIONEK FUTBOL CAMPUSA ANTOLATU DU UZTAILERAKO
Futbola

REAL UNIONEK FUTBOL CAMPUSA ANTOLATU DU UZTAILERAKO

Izen emateak irekiak daude ekainaren 26ra bitarte

Real Unionek aurten ere Udako Campusa antolatu du hiriko eta eskualdeko haur...

GALLARDOK IRABAZI DU REAL UNIONEN III. ENPRESEN TXAPELKETA
Futbola

GALLARDOK IRABAZI DU REAL UNIONEN III. ENPRESEN TXAPELKETA

Final handian Tecnari irabazi zion Irungo enpresak

Real Unionek III. Enpresen Txapelketa ospatu zuen pasa den asteburuan Stadium Galeko anexoan eta...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika