MOTORRA HARTU DU ARANTZA ATERATZEKO

Teresa Errandoneak denboraldiko marka onenarekin (8:06’’) eta bigarren postuan bukatu du Madrilgo Indoor Meetinga

Arantzak azkar ateratzea omen da modurik onena mina arintzeko. Pista Estaliko Espainiako Txapelketan irteera faltsua egiteagatik kaleratua izan ostean, Gallurreko pista berean denboraldi honetako orain arteko denborarik onena lortu du Teresa Errandoneak. Bi astebarru, Torunen, Pista Estaliko Europako Txapelketarako sasoi betean dagoela konfirmatu du.

Urduritasunak urduritasun eta beldurrak beldurrak beldur, Teresa Errandoneak ausardia erakutsi du Gallurreko pistan. World Indoor Tourreko proba berri batean, Munduko lasterkari onenekin lehiatu da eta bigarren postu itzela erdietsi du. Final-erdian, Zoe Sedney amerikarrak soilik gainditu ahal izan du. Sedneyek 8:03’’-ko marka egin du eta atzetik, Teresa Errandoneak 8:06’’-ko denborarekin bukatu du proba; hau da, denboraldi honetako markarik onena. Errandoneatik oso gertu Elvira Herman heldu da eta honen atzetik, Maria Vicentek, Carmen Sanchezek eta Mireia Lopezek bukatu dute. Beste behin, Teresa Errandonea World Tour bateko finalean sartu da.

Finalean mantsoago aritu bada ere, bigarren postuan bukatu du proba. Nadine Visser herberearrak 7.81-eko marka izugarriarekin irabazi du proba eta bere ondotik Teresa Errandoneak bigarren sailkatu da 8:08’’-ko denborarekin. Sailkapena, Sarah Kate Lavinek (8:13’’), Elin Beringsek (8:16’’), Caridad Jerezek (8:23’’) eta Zoe Sedneyk (8:35’’) osatu dute. 

NAIA LLORENTEK ETA ALAINE AGUERRALDEK LAUGARREN POSTU BANA ESKURATU ZUTEN 18 URTEZ AZPIKO ESPAINIAKO TXAPELKETAN

Horrez gain, Izaskun Sanz eta Leire Martiarena finalerdietara ailegatu ziren eta Liher Ugartemendiak lesio bat sufritu zuen sailkapeneko...

TERESA ERRANDONEA ATLETAK ERRETIROA HARTZEA ERABAKI DU

21 urteren ondotik, Paris 2024 Joku Olinpikoen atarian, bere kirol ibilbidea etetea erabaki du Errandoneak, Akilesen tendoian mina edukita

Teresa...

BATEKO ATLETEK EMAITZA ONAK LORTU DITUZTE ESPAINIAKO TXAPELKETAN

23 urtez azpiko Espainiako txapelketa ospatu zen asteburuan eta BATeko atletek laugarren postu bat eta bertze bi bostgarren postu lortu...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika