ORIO NAGUSI DENBORALDIKO LEHEN ESTROPADETAN
Arrauna

ORIO NAGUSI DENBORALDIKO LEHEN ESTROPADETAN

Bilbo eta Zierbenan ospatutako Eusko Label Ligako denboraldi berriko lehen bi estropadetan Hondarribia Arraun Elkartea laugarren postua eskuratu zuen  

Inoiz baino lehiatuagoa izango da aurtengo Eusko Label Liga, baina momentuz, lehen bi estropadetan Orio izan da Espainiako 12 traineruetatik indartsuena. Lehen bi jardunaldiak Bizkaiko uretan izan ziren, larunbatean X. Bilboko Bandera eta igandean XXXVI. Zierbena Petronor Bandera, eta bietan Ama Guadalupekoa ohorezko txandako postuetan bukatu zuen, laugarren hain zuzen ere.

Bilboko estropada erlojupeko modalitatean jokatu zen. Azkenaurrekoak izan ziren lana betetzen Mikel Orbañanosen mutilak eta estropadako erreferientzia guztiekin arraun egiteko aukera izan zuten. Hala ere, aurtengo Eusko Label Liga ez da azken urteetakoa bezala, talde asko segundu berberean lehiatzen arituko dira eta hirugarren postutik seigarrenera jeistea detaileek erabaki ditzakete. Orioren San Nikolas ontzia izan zen eguneko azkarrena, kronoa 19:31,22an gelditu zuen, Santurtzi, Zierbena eta Hondarribiaren aurretik, 13 segunduetara. Ligako azken urteetako garailea, seigarren bukatu zuen estropada eta hauen atzetik, Donostiarra, Kaiku, Cabo, Lekittarra, San Pedro eta Astillero bukatu zuten.

Igandean Eusko Label Ligako traineruan Zierbenako uretara mugitu ziren eta itsasoko estropadetan erlojupekoan bezain indartsu dabiltzala erakutsi zuen Oriok. Hondarribia Arraun Elkartea Santurtzi eta Zierbenarekin batera lehiatu zen eta txandan hirugarren bukatu zuten. Aurretik, Zierbena sartu zen eta eguneko hirugarrena bigarren txandatik Donostiarra izan zen. 19:25,92 denbora egin zuen Orio eta Hondarribiarren atzetik, Urdaibai bukatu zuen bostgarren, Kaiku seigarren, Santurtzi zazpigarren, Ondarroa zortzigarren, Cabo bederatzigarren, Lekittarra hamargarren, San Pedro hamaikagarren eta berriro ere azkena Astillero izan zen.

Sailkapen nagusian Orio liderra da 24 punturekin, Zierbenak 20 punturekin jarraitzen dio eta hirugarren postuan Donostiarra eta Hondarribia 18 punturekin berdinduta daude. Atzetik, Santurtzi bostgarrena da 17 punturekin, Urdaibai seigarren 16rekin, Kaiku zazpigarren 12rekin, Ondarroa zortzigarren 11rekin, Cabo bederatzigarren 8rekin, Lekittarra hamargarrena da 6rekin eta azkenaurrekoa eta azkena San Pedro eta Astillero dira, lau eta bi puntu batuta hurrenez hurren.

Aulki mugikorrean Banyolasen ere paper bikaina

Hondarribia Arraun Elkartea asteburuan Banyolasera joan zen aulki mugikorreko Espainiako Txapelketan lehiatzera eta hainbat dominekin bueltatu ziren. Horien artean, Unai Etxeparek, Xabier Herradorrek, Beñat Alkainek eta Xabier Iragayek osatzenzuten laukoak urrezko domina lortu zuten. Hauez gain, beste bi zilarrezko domina erdietsi zuten eta brontzezko bat ere.

MATRIX HONDARRIBIAK CAIXABANK BANDERA IRABAZI ZUEN CASTRON
Arrauna

MATRIX HONDARRIBIAK CAIXABANK BANDERA IRABAZI ZUEN CASTRON

HAE-ko emakumeak ere nagusi izan ziren Castron larunbatean, sailkapen orokorrean lidergotza sendotuz

Hondarribia...

AITZPEA GONZALEZ ETA NAROA ZUBIMENDI, ESPAINIAKO TXAPELDUNAK
Arrauna

AITZPEA GONZALEZ ETA NAROA ZUBIMENDI, ESPAINIAKO TXAPELDUNAK

Klara Olazabalek ere bostgarren postua eskuratu zuen Eslaloneko Munduko Kopako hirugarren proban

Pasa den...

HONDARRIBIAKO NESKEK ZUMAIAKO BANDERA IRABAZI DUTE
Arrauna

HONDARRIBIAKO NESKEK ZUMAIAKO BANDERA IRABAZI DUTE

ETE Ligako hirugarren jardunaldian garaipena eskuratu du berriz ere emakumeen traineruak

Atzo goizean, ekainak 26,...

HONDARRIBIA ARRAUN ELKARTEAK DENBORALDIKO AURKEZPENA EGINEN DU BIHAR
Arrauna

HONDARRIBIA ARRAUN ELKARTEAK DENBORALDIKO AURKEZPENA EGINEN DU BIHAR

Hondarribia Arraun Elkarteak San Joan bezperan ospatuko du aurten ere 2022ko traineruen aurkezpena 

Bihar, ekainak...

HONDARRIBIAK IRABAZI DU ETE LIGAKO LEHEN JARDUNALDIA
Arrauna

HONDARRIBIAK IRABAZI DU ETE LIGAKO LEHEN JARDUNALDIA

Pasaian jokatu zen estropada eta Hondarribiako neskak nagusi izan ziren Deusto eta Hibaikaren aurretik

Pasa den...

HONDARRIBIAK GIPUZKOAKO TXAPELKETAKO BANDERA IRABAZI DU
Arrauna

HONDARRIBIAK GIPUZKOAKO TXAPELKETAKO BANDERA IRABAZI DU

Hamahirugarren aldiz lortu dute hondarribitarrek garaikurra, etxean bertan jokatu den estropadan

Atzo, ekainak 12,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika