“PARTIDUEN BILA JOANGO GAREN TALDEA IZANGO GARA”
Futbola

“PARTIDUEN BILA JOANGO GAREN TALDEA IZANGO GARA”

1.Federazio mailako lehen neurketa ofizialaren atarian, aurtengo denboraldian Real Union talde erasokorra izatea espero du Zulaikak.

Real Unioni udara bukatu eta denboraldi berriari ekiteko unea iritsi zaio. Denboraldi berri eta ilusionagarria, hainbat zentzutan. Batetik eta garrantzitsuena, zale txuri-beltzak, etxera, Stadium Galera itzuliko direlako; bestetik, maila berrian jokatuko duelako taldeak; eta azkenik, denboraldi berriek beti sortzen dutelako zirrara berezia. Zirrara hori bera klubak, lan talde teknikoak eta jokalariek sentitzen dutela adierazi du gaur Aitor Zulaikak: “jokalari eta teknikari lehiakorrak ditugu gure artean, egiari zor, denboraldi-aurrea luze egin zaigu, lehiatzeko egunak iritsi dira eta horregatik pozik eta irrikaz gaude”.

Pozik eta irrikaz, eta ez da gutxiagorako. Pasa den denboraldian taldeak proposatutako jokoa eta lortutako emaitzak kontuan baditugu, ez da harritzekoa klubak eta zaleek denboraldia hasteko gogoak izatea. Gainera, aurten lehiaketa gogorra eta aurkari paregabeak izango ditu aurrean Real Unionek. Horregatik, kikildu ezean, Aitor Zulaikak aurrerapausua eman nahi du, pasa den sasoiko inertziari eutsi eta aurten ere Real Unionekin gozatzeko: “zaleak etxera bueltatuko diren honetan, talde erasokorra izaten saiatuko gara. Zaleak gehiago katigatu nahi ditugu, gurekin nahi ditugu une oro. Horretarako, partiduen bila joango garen taldea izango gara, erasoan zein defentsan ez gara ezeren zain egongo”. 

Arerio ezezagun bezain serioa.

1.Federazio mailako lehen aurkaria Madrilgo DUX Internazional taldea izango da, historian lehen aldiz nor baino nor gehiago arituko dira bi taldeak. Gamingarekin eta Esports taldeekin erlazionatutako kluba da DUX, Thibahut Courtois eta Borja Iglesisas futbol jokalariek hauspotzen dutena. Hortik harago, gauza gutxi dakigu DUX-i buruz, baina Aitor Zulaikaren esanetan, “talde ezezaguna den arren, maila honetako talde helduenetarikoa dela esango nuke”.

Zulaikak gogoko duen taldea dela aitortu du: “oso talde ona da eta beraien jokatzeko erarekin asko identifikatzen naiz. Futbola egiteko orduan bi talde antzekoak topatuko gara Stadium Galen. Talde kontzeptuak oso ondo garatuak dituzte, aurreko urteko talde-bloke bera mantendu dute eta horrek abantaila ematen die lehen neurketa honetan”.

Ehuneko ehunean ez, guztien antzera.

Denboraldi berriko lehen neurketa da eta ia ezinezkoa da taldeak egoerarik onenean iristea. “Gainontzeko taldeen antzera iristen gara biharko partidura”, adierazi du Zulaikak eta “taldea talde modura, futboleko esparru guztietan, oraindik garatzeko prozesuan dagoela” gehitu du. Halere, beste puntu alternatiboetan taldea oso prest ikusten duela ohartarazi nahi izan du: “irrikan, gogoan edota ilusioan, lehen neurketa ofizialera ehuneko ehunean iritsiko gara”.

Lesioen alorrean, denboraldi-aurre mugitua izan du talde txuri-beltzak, fitxatutako hainbat jokalarik ez dituzte denboraldi-aurrean beharko lituzkeen minutuetaz gozatu. Vivancos eta Praderaren kasua izan daiteke hori; bihar, ordea, deialdi barruan egongo dira biak. Bertan egongo ez direnak, Sergio Llamas eta Patrick Sequeira izango dira. Jagoba Beobide erdilaria azken unera arte deialdikoa izango den ala ez jakiteko itxaron beharko da.


‘ETXEAN’ LEHEN GARAIPENA
Futbola

‘ETXEAN’ LEHEN GARAIPENA

Real Unionen harrobiko taldeak 3-1 mendean hartu zuen Aloñamendi, Ugalde-Ventasko soropilean.

Nahiz eta markagailuak kontrakoa adierazi, Real Union B-ren...

DUBASIN NAHIKOA IZAN DA REAL UNION GARAITZEKO
Futbola

DUBASIN NAHIKOA IZAN DA REAL UNION GARAITZEKO

UD Logroñesi lehen zati txukuna egitea balio izan zaio Real Union 1-0 garaitzeko. 

Min hartutako eta zigortutako jokalariak behartuta, Vivancos,...

UD LOGROÑES, HELDUA ETA LANDUA
Futbola

UD LOGROÑES, HELDUA ETA LANDUA

Ligako aurkari zailenetako baten zelaian jokatuko du Real Unionek, UD Logroñesen aurka eta Las Gaunas zelai klasikoan. Aitor Zulaikak “une bakoitzean nola jokatu...

DENBORALDIA HASTEKO, BERDINKETA
Futbola

DENBORALDIA HASTEKO, BERDINKETA

Real Unionen harrobiko taldeak 1-1 berdindu zuen Zubipen, Hernaniren kontra.

“Baliotsua” den berdinketa eskuratu zuen asteburuan Real Unionen...

GAL BERRITZEAZ GAIN, BABESLE
Futbola

GAL BERRITZEAZ GAIN, BABESLE

Molcaworld, aholkularitza estrategikoan espezializatutako enpresa valentziarra Real Unionen babesle berria bilakatu da.

Real Unionek eta Molcaworld...

CELTA B, A ZER TALDEA
Futbola

CELTA B, A ZER TALDEA

(Argazkia: Gio Batista)

Real Unionek ez du neurketa txukuna egin eta Celta B-k erraz gailendu zaio. 1-4 bukatu da neurketa eta talde...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika