REAL UNION JEITSIERA POSTUETAN
Futbola

REAL UNION JEITSIERA POSTUETAN

Herrerak sartutako gol batek garaipena eman zion Sabadell taldeari Galen

Real Unionek porrota jaso zuen atzo eguerdian CE Sabadell taldearen aldetik. 0-1eko markagailuarekin galdu zuten txuribeltzek bigarren zatian eta, hiru puntuak galduta, sailkapeneko jeitsiera postuetan sartu dira berriro.

Lehen zatia hasi eta berehala eduki zuen Real Unionek markagailuan aurreratzeko aukera. Oiartzunen falta zuzen baten bidez, 1-0ekoa ezartzeko puntuan egon zen taldea, baina Ortola atezainak geldiketa ona egin zuen. Sabadell-ek jokaldi honi erantzun eman zion hurrengo minutuetan Keitaren bidez. Hala ere, bertze behin jokalari onena izan zen Irazustak gola ekidin zuen. 17. minutuan berriz, Montoro saiatu zen gola sartzen, 20 metrotik, baina ez zuen atean asmatu. Real Unionen aukerarik garbiena, atsedenaldira ailegatzeko hamabost minutu falta zirenean izan zen. Bravok jaurtiketa ona egin zuen ezker hankarekin, baina Ortolak berriz ere baloia gelditu zuen. Aldaratzean berriz, Sanchezek izan zuen errematatzeko aukera, baina ezin izan zuen asmatu.

Hutsean hasi zuten bi taldeek partiduaren azken zatia. Lehen aukera, bertze behin, etxekoena izan zen, baina Ortolak bere maisutasuna erakutsi zuen laugarrenez. 68. minutuan berriz, partidua aldatuko zuen gola iritsi zen. Sabadell taldeko Gualdak jokaldia egin eta Herrerari pasatu zion baloia. Honek, aukera aprobetxatu, eta 0-1ekoa ezarri zuen markagailuan. Real Unionek honi erantzun nahi izan zion azken minutuetan, eta Azkuek izan zuen horretarako aukera. Buruz egindako erremate batekin berdinketa eskuratu nahi izan zuen, baina ezin izan zuen atean asmatu.

Jardunaldiko hiru puntuak galduta, Real Union sailkapeneko jeitsiera postuetan sartu da berriz ere. Egoera larrian dago taldea eta garaipenaren beharretan. Horrela, porrot hau ahantzita, gaurtik aitzinera datorren asteburuko partiduan jarriko dute begirada, Osasuna Promesas taldearen kontra jokatuko duten neurketan hain zuzen ere.

(Argazkia: Aimar Lasa)

IÑAKI GOIKOETXEA: «LARUNBATEKO PARTIDUAREN ANTZEKO ERRITMOA EDUKI BEHAR DUGU»
Futbola

IÑAKI GOIKOETXEA: «LARUNBATEKO PARTIDUAREN ANTZEKO ERRITMOA EDUKI BEHAR DUGU»

Real Unionek Cornellà bisitatu beharko du igande honetan, arratsaldeko 19:00etan

Real Unionek Cornellà taldearearen kontra jokatuko du asteburu...

REAL UNIONI PUNTUAK AZKEN MINUTUAN IHES EGIN ZION
Futbola

REAL UNIONI PUNTUAK AZKEN MINUTUAN IHES EGIN ZION

Barça Athètic-eko Ayrton-ek garaipena eman zion taldeari neurketaren 90. minutuan

Real Unionek azken minutuan galdu zuen Barça Atlètic-en kontrako...

REAL UNION ROCA BERE LIDERGOTZA SENDOTZEN
Futbola

REAL UNION ROCA BERE LIDERGOTZA SENDOTZEN

Universidad de Deusto bigarren sailkatuaren aitzinean, 3-1eko markagailuarekin irabazi zuen talde irundarrak

Real Union Roca: Iza; Cabo (Abad, 70....

IÑAKI GOIKOETXEA: “NATURALTASUNEZ HARTU DUGU EGUNEROKOTASUNA ETA HORREK LAGUNDUKO DIGU BIHAR”
Futbola

IÑAKI GOIKOETXEA: “NATURALTASUNEZ HARTU DUGU EGUNEROKOTASUNA ETA HORREK LAGUNDUKO DIGU BIHAR”

Entrenatzaile berriarekin ekinen dio bihar Real Unionek Barçaren kontrako partiduari

Real Unionek bihar jasoko du Barça B Stadium Galen,...

FEDE ANDRADA IZANEN DA REAL UNIONGO JOKALARI BERRIA DENBORALDIA BUKATU BITARTE
Futbola

FEDE ANDRADA IZANEN DA REAL UNIONGO JOKALARI BERRIA DENBORALDIA BUKATU BITARTE

Azken denboraldian Txileko Club de Deportes La Serena taldean aritu da aurrelari argentinarra

Real Unionek Federico Andrada aurrelari argentinarra fitxatu...

REAL UNIONEK DAVID MOVILLA KALERATU DU
Futbola

REAL UNIONEK DAVID MOVILLA KALERATU DU

Hemendik aitzinera, Iñaki Goikoetxeak gidatuko du lehen taldea

Real Unionek David Movilla lehen taldeko entrenatzailea kaleratu du. Azken aldian...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika