Hondarribiarrak Realeko hirugarren taldea utziko du Galera etortzeko
Real Union Klubak orain dela pare bat ordu iragarri duela Mikel Llorente...
15 Mar, 2023
Hemendik aitzinera, Iñaki Goikoetxeak gidatuko du lehen taldea
Real Unionek David Movilla lehen taldeko entrenatzailea kaleratu du. Azken aldian jasotako emaitza txarrak izan dira horretarako arrazoi nagusia. Hiru neurketa jarraian galdu ondotik, talde txuribeltza jeitsiera postuetan dago, denboraldi hasierako helburuetatik urrun. Azken hamaika neurketetan beraz, Iñaki Goikoetxeak gidatuko du taldea bigarren aldiz.
Atzo arratsean hartu zuen Real Unionek David Movilla kaleratzeko erabakia. Azken aldian, giro desatsegina bizi zen Stadium Galen, zentzu handi batean, lehen taldea jasotzen ari zen emaitza txarrengatik. Logroñes (1-0), Sabadell (0-1) eta Osasuna Promesas (4-2) taldeen kontra galdu ondotik, txuribeltzak jeitsiera postuetan kokatuta daude, begiz jota zuten helburutik urrun.
Denboraldia gaizki hasi zuten dagoeneko, baja aunitzekin, eta arazo horrek jarraipena izan du hilabeteotan zehar. Movillak ezin izan dio arazoari irtenbiderik eman eta, orain, hortan arituko da bere ordez Iñaki Goikoetxea, klubeko hausnartzailea izan dena. Bigarren aldia da Goikoetxearentzat taldea agintzen. Pasa den abenduan, Aitor Zulaika kanporatu zutenean ere, bera izan baitzen taldearen gidaritza hartu zuena.
Hemendik denboraldia bukatu bitarte, hamaika partidu izanen ditu Real Unionek egoera larri honi buelta emateko, eta denak “final baten gisakoak” izanen direla, adierazi zuen Goikoetxeak berak pasa den asteburuan. Momentu honetan, puntu bakarrera du talde txuribeltzak salbazioa, baina aurkariek ez dizkiote gauzak erraztuko. Sabadell dago bere aitzinetik, baina UD Logroñes taldearen kontrako neurketaren bigarren zatia dute oraindik jokatzeke.
Maila mantentzen saiatzeko Goikoetxearen taldeak gainditu beharreko lehen erronka Barçaren kontrako neurketa izanen da. Stadium Galen ospatuko da bi talde hauen arteko partidua, larunbat honetan (martxoaren 18an), 19:00etan. Honi aurre egiteko, lan borobila egin beharko dute txuribeltzek, baita prestaketa ona ere, dagoeneko Iñaki Goikoetxeak gaur goizean hasi duena.
Hondarribiarrak Realeko hirugarren taldea utziko du Galera etortzeko
Real Union Klubak orain dela pare bat ordu iragarri duela Mikel Llorente...
Entrenatzaile galiziarrak Real Unionen eskaintza mahai gainean izan du, baina Ponferradina eta Algeciras taldeetatik jaso dituen eskaintzei lehentasuna eman...
“Ecos del Roca” izenburupean, Roca talde historikoaren sorrera kontatu dute liburuan
Real Unionek “Ecos del Roca” liburua kaleratu berri du,...
Zazpigarren edizioa izanen da eta txapelketa triangularrean, Touring KEk eta Arenas Clubak parte hartuko dute
Real Unionek Irun Hiria Beteranoen...