REAL UNIONEK EZ ZUEN PUNTURIK ATERA SANSEREN KONTRAKO DERBIAN
Futbola

REAL UNIONEK EZ ZUEN PUNTURIK ATERA SANSEREN KONTRAKO DERBIAN

Irabazten hasi bazen ere, donostiarrak sendo ibili ziren eta markagailua irauli zuten bukaerarako

Real Unionek ezin izan zuen Sanse garaitu Galen jokatu zuten Gipuzkoako derbian. Txuribeltzak irabazten hasi baziren ere, Ivan Perezek sartutako gol bati esker, Ekain Azkunek bertze hiru sartu zituen eta talde donostiarrak markagailua irauli eta bere alde jarri zuen partidu bukaerarako. Horrela, hiru puntuak Donostiara joan ziren eta Real Union beharretan gelditu da bertze asteburu batez.

Lehen zatian itxaropentsu hasi zen jokoan Real Union. Are gehiago, lehen gola sartu ondotik. 25. minutuan, Alainek jaurtiketa egin eta Ivan Perezek errematatu zuen sare barruan. 1-0eko markagailua ezarrita, hiru puntuak poltsikoratzea posible zela sinetsita zegoen Iñigo Idiakezen taldea. Edonola ere, Sansek ez zuen amore eman nahi eta beraiek ere garaipena eskuratu nahi zuten. Horrela, saiatzen segitu zuten eta atsedenaldira bidean, berdinketaren gola lortu zuten donostiarrek. Ekain Azkunek buruz sartu zuen bere taldearen lehen gola eta markagailua berdindu egin zuen.

Bigarren zatian, talde txuribeltza ongi zelairatu zen, berriz ere emaitzari buelta emateko helburuarekin. Hala ere, saiakerek ez zuten fruiturik eman eta Sansek ordea, ongi aprobetxatu zituen aurkariaren akatsak markagailua bere alde sartzeko. 57. minutuan, irundarrek gaizki defendatu zuten hegaleko sake bat eta orduan, Azkune agertu zen berriz ere eta 1-2koa ezarri zuen beraien alde. Hori gutti balitz, 66. minutuan, etxekoek bertze akats bat egin ondotik, Azkune izan zen protagonista hirugarren aldiz eta hirugarren gola ere berak sartu zuen, 1-3ko emaitza ezarriz behin-betiko.

Punturik batu gabe gelditu zen horrela Real Union eta orain bai, beharretan dago talde txuribeltza. Hori egiteko hurrengo aukera heldu den larunbateko, martxoaren 23ko, neurketa izanen da. SD Logroñones bisitatuko du orduan Idiakezek taldea, 16:00etan. 

(Argazkia: Barbara Duarte Fotografia)

REAL UNION ROCAK HIRU PUNTUAK ESKURATU ZITUEN AZPEITIAN
Futbola

REAL UNION ROCAK HIRU PUNTUAK ESKURATU ZITUEN AZPEITIAN

1-3ko markagailuarekin txuribeltzek garaipena eskuratu zuten Garmendipen, Lagun Onak B taldearen kontra

CD Lagun Onak B: Madrazo; Arizmendi,...

REAL UNIONEK PORROTA JASO ZUEN LAS LLANAS ZELAIAN
Futbola

REAL UNIONEK PORROTA JASO ZUEN LAS LLANAS ZELAIAN

Sestaok sartutako bi penaltiekin, 3-1eko emaitzarekin galdu zuen Real Unionek

Real Unionek porrota jaso zuen pasa den larunbatean Las Llanas...

FRAN JUSTO: “GURE ONENA EMAN BEHAR DUGU, MODU PERFEKTUAN ARITZEKO ETA HIRU PUNTUAK ESKURATZEKO”
Futbola

FRAN JUSTO: “GURE ONENA EMAN BEHAR DUGU, MODU PERFEKTUAN ARITZEKO ETA HIRU PUNTUAK ESKURATZEKO”

Real Unionek bihar bisitatuko du Sestao River (20:00), zalerik gabe jokatuko den neurketa ospatzeko

Real Unionek, pasa den asteburuko garaipena...

REAL UNIONEK CORNELLA GARAITU ZUEN GALEN
Futbola

REAL UNIONEK CORNELLA GARAITU ZUEN GALEN

Alex Cerdák sartutako golari esker, hiru puntuak etxean gelditu ziren

Urtarriletik garaipenik batu gabe egon ondotik, Real Unionek Cornella garaitu...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika