REAL UNIONEKO BETERANOAK FEAFV TXAPELKETAKO FINALERDIETAN
Futbola

REAL UNIONEKO BETERANOAK FEAFV TXAPELKETAKO FINALERDIETAN

Logroñon ospatu zen FEAFV Txapelketa Solidarioa eta Irungo taldeak finalerdietara iristea lortu zuen

Real Unioneko Beteranoek FEAFV Iparraldeko Txapelketa Solidarioan parte hartu zuten pasa den asteburuan. Lehiaketa Espainiako Futbolari Beteranoen Elkarteen Federazioak antolatu zuen, CD Logroñeseko Beteranoen Elkartearekin batera. Real Unionek txapelketa ona burutu zuen eta finalerdietara iristea lortu zuen, partidarik galdu gabe.

Guztira bederatzi talde izan ziren txapelketa lehiatzen. Real Unionez gain, Barakaldo CF, Sestao SC, Real Sporting de Gijon, CD Mirandes, CA Osasuna, Erreala, Real Sociedad Gimnastica eta CD Logroñes etxeko taldeek jokatu zuten. Larunbateko jardunaldian berriz, azken bi edizioetan txapeldun izan diren RC Deportivo eta RC Celta falta ziren, baita talderik sarituena izan den Athletic Club ere.

Irungo taldea Asier Diez, Iñaki Garcia, Cristian Navarro, Andoni Idarramendi, Mattin Irazoki, Ander Tubilla, Luis Laguardia, Javi Dominguez, Oscar Palenzuela, Denis Gonzalez, Avelino Bernardo, Alex Garcia, Gorka Felipe, Aitor Gomez eta Ivan Castrok osatu zuten.

Talde txuribeltzak Mirandes eta Gimnastica Torrelavega izan zituen lehen aurkariak. Lehen neurketan, 5-0eko markagailuarekin irabazi zioten Burgoseko taldeari, Irazokik, Dominguezek, Idarramendik eta Laguardiak sartutako golei esker. Bigarren partidan, Torrelavegaren kontra, Palenzuela izan zen protagonista eta berak sartutako golarekin, taldeak puntu bat irabazi eta finalerdietara pasatu zen.

Finalerdietan, etxeko taldearen kontra aritzea egokitu zitzaion Real Unioni. Irungo taldeak partida ona jokatu bazuen ere, berdinketan bukatu zen norgehiagoka eta penaltietan erabaki zen zein talde iritsiko zen final handira. Luzapen honetan, etxeko taldeak lortu zuen garaipena eta beraz, finalera pasatzeko txartela ere.

Finalean azkenik, CD Logroñes eta Erreala izan ziren aurrez aurre, eta talde donostiarrak eskuratu zuen garaipena jardunaldiaren bukaeran. Datorren larunbatean Txapelketako Fase Nazionala jokatuko da Valentzian eta finalean izan ziren bi talde hauek Iparraldea ordezkatuko dute bertan.

Real Unioneko Beteranoak, beraien aldetik, pozik itzuli ziren etxera txapelketaren ondotik. Izan ere, maila ona erakutsi zuten Logroñon eta gainera, 2018an eskuratutako posturik onena hobetzea ere lortu zuten.

REAL UNION GALERA BUELTATUKO DA IGANDEAN
Futbola

REAL UNION GALERA BUELTATUKO DA IGANDEAN

Talde irundarrak Gimnastic de Tarragona jasoko du etxean eguerdiko 12:00etan

Real Unionek denboraldiko...

REAL UNION B-K ERRAZTASUNAREKIN GARAITU ZUEN HERNANI B
Futbola

REAL UNION B-K ERRAZTASUNAREKIN GARAITU ZUEN HERNANI B

Talde txuribeltzak 5-0eko markagailu zabala erdietsi zuen denboraldiko hamargarren jardunaldian

Real Union...

REAL UNIONEK HIRU PUNTUAK ESKURATU ZITUEN ANTONIO SOLANAN
Futbola

REAL UNIONEK HIRU PUNTUAK ESKURATU ZITUEN ANTONIO SOLANAN

Talde txuribeltzak hasierako markagailua irauli eta Nacho Sanchezek sartutako bi golekin partida irabazi zuen

AITOR ZULAIKA:
Futbola

AITOR ZULAIKA: "LIGAN ZENTRATU BEHAR GARA BURU-BELARRI"

Errege Kopako euforia alde batera utzi, eta Real Unionek Ligari jarraipena emanen dio igandean Intercity-ren kontra

MALLORCA IZANEN DA REAL UNIONEN ERREGE KOPAKO HURRENGO AURKARIA
Futbola

MALLORCA IZANEN DA REAL UNIONEN ERREGE KOPAKO HURRENGO AURKARIA

Errege Kopako Bigarren Kanporaketa abenduaren 20, 21 eta 22an ospatuko da eta Real Unionek RCD Mallorca jasoko du Galen

REAL UNION B-K HUTSERA BERDINDU ZUEN ALLERRUREN KONTRA
Futbola

REAL UNION B-K HUTSERA BERDINDU ZUEN ALLERRUREN KONTRA

Talde irundarrak ez zuen golik jaso ezta lortu ere, eta bertze berdinketa batekin itzuli zen etxera

Allerru...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika