REAL UNIONEKO BETERANOEN ELKARTEAK CASER RESIDENCIAL TALDEAREKIN AKORDIO BAT SINATU DU
Futbola

REAL UNIONEKO BETERANOEN ELKARTEAK CASER RESIDENCIAL TALDEAREKIN AKORDIO BAT SINATU DU

Honen ondorioz, 2023an FEAFVren Erreminiszentzia Tailerrak eginen dira Irun eta Hondarribiako egoitzetan

Real Unioneko Beteranoen Elkarteak Caser Residencial taldearekin akordio bat sinatu berri du, eta honen ondorioz, urte honetan FEAFVren Erreminiszentzia Tailerrak eginen dira Caser taldeak Irun eta Hondarribian dituen egoitzetan.

Atzo eguerdian ospatu zen bi elkarte hauen arteko akordioaren sinadura eta bertan, Caser Residencial Anakako zuzendaria den Nerea Tizon eta Real Unioneko Beteranoen Elkarteko idazkaria den Jose Carlos Asensio izan ziren. Hauez gain, Futbolari Beteranoen Elkarteen Espainiako Federazioaren presidente Juan Mari Zorriqueta ere izan zen. Azken hau proiektu berri honen bultzatzaile nagusia da eta berak azaldu zuen moduan, Espainia osoan ia ehun tailer egin dira dagoeneko, futbolari ohi askoren inplikazioarekin.

Sinatu duten hitzarmen honi esker, bi tailer antolatuko dira 2023 urtean zehar. Lehena urtarriletik apirilera bitarte ospatuko da Anakan eta bigarrena, irailetik abendura Betharramen. Tailer hauetan adineko pertsonen oroimena estimulatzeko lanketa eginen da, futbolarekin lotutako iraganeko esperientziek ekartzen dizkieten oroitzapenen bidez. Jakinarazi zuten moduan, lanketa honek agerian uzten ditu bizipen hauek oso markaturik geratzen direla adineko pertsonen memorian eta euren patologia batzuen bilakaera atzeratzen laguntzen dutela ere ikusi dute.

Tailer hauetan dinamizatzaile gisa Real Unioneko jokalari ohiak arituko dira eta futbol munduan mito izandako zenbait pertsona ezagunen bisita ere aurreikusi dute. Hauetako bat Leire Landa nazioarteko irundarra izan daitekeela aurreratu zuten, izan ere, berarekin hitz egin dute dagoeneko eta prestutasuna erakutsi du.

Autonomia mailan, Real Unionen Beteraoen Elkartea Euskal Herriko hirugarrena da tailer hauek martxan jartzen dituena, Athletic-en eta Errealeren gibeletik. Alde horretatik, txuribeltzen elkarteak eskerrak eman nahi izan zizkion Michel Loinazi, Errealeko jokalari ohiari, eskaini dien laguntza eta irakaspenengatik.

REALE ARENAN JOKATUKO DA SANSE ETA REAL UNIONEN ARTEKO NEURKETA
Futbola

REALE ARENAN JOKATUKO DA SANSE ETA REAL UNIONEN ARTEKO NEURKETA

Datorren otsailaren 11n jokatuko da derbia eta, Zubietan beharrean, donostiarren lehen taldearen zelaian ospatuko da

DAVID MOVILLA: `AZKEN PARTIDUETAN BAINO BERTSIO HOBEA ERAKUTSI BEHAR DUGU´
Futbola

DAVID MOVILLA: `AZKEN PARTIDUETAN BAINO BERTSIO HOBEA ERAKUTSI BEHAR DUGU´

Real Unionek Intercity jasoko du bihar Galen, azken bi jardunaldietan porrotak jaso ondotik

Real Unionek...

MIKEL BENGOA: `BARNE LEHIA HOBETU NAHI IZAN DUGU´
Futbola

MIKEL BENGOA: `BARNE LEHIA HOBETU NAHI IZAN DUGU´

Neguko merkatuan Real Unionek Mario Capelete utzi, Antxon Jasoren kontratua eten eta Unai Agirre, Jose Carrillo eta Julen Agirre gehitu ditu taldera

ANTXON JASO EZ DA GEHIAGO REAL UNIONGO JOKALARIA IZANEN
Futbola

ANTXON JASO EZ DA GEHIAGO REAL UNIONGO JOKALARIA IZANEN

Jokalari nafarrak ekainean bukatuko zuen bere kontratua, baina aldez aurretik joanen da Irunetik

Antxon Jaso ez...

JOSE CARRILLO REAL UNIONGO JOKALARI BERRIA
Futbola

JOSE CARRILLO REAL UNIONGO JOKALARI BERRIA

Atzelaria 2022/23ko denboraldi honen bukaerara arte arituko da Irunen

Real Union Klubak jakitera eman duenez,...

GARAIPENAK BATZEN JARRAITZEN DU REAL UNION ROCAK
Futbola

GARAIPENAK BATZEN JARRAITZEN DU REAL UNION ROCAK

Carlos Garciaren mutilek Usurbil FT garaitu zuten Galeko anexoan

Real Union Roca: Iza; Arteaga, Gordo,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika