SANDRA MARTINEZEK ETA UNAI ARROYOK IRABAZI ZUTEN IRUNGO MARATOI ERDIA

10K lasterketan berriz, Ane Taibo eta Ion Garraus izan ziren lehenbiziko postuan helmugaratu zirenak

Irungo Maratoi Erdiaren bostgarren edizioa ospatu zen pasa den igande goizean Irungo erdigunean. 800 korrikalarik hartu zuten parte bertan, aitzineko urteetan baino lasterkari gehiagok. Maratoi Erdiko irabazleak Sandra Martinez eta Unai Arroyo izan ziren, eta 10 kilometroko lasterketakoak berriz, Ane Taibo eta Ion Garraus.

Giro hotzarekin baino euririk gabe ospatu zen 2023ko Irungo Maratoi Erdia. 800 izen-emate izan ziren lasterketan eta horietatik 320 lasterkarik bukatu zuten Maratoi Erdia eta 340 korrikalarik 10K-koa. Kirolariez gain, ikusle aunitz bildu zen errepide bazterretan partehartzaileak animatzeko helburuarekin.

Maratoi Erdiko aurtengo irabazleak Sandra Martinez eta Unai Arroyo izan ziren. Lehendabizikoak, triatloietan espezializatua, 1:27,13ko denboran gurutzatu zuen helmuga eta beraz, emakumeetan irabazlea izan zen, Maria Sanroman (1:30,13) eta Monica Tellechearen (1:35,23) aitzinetik. Gizonezkoetan berriz, nagusitasunarekin eskuratu zuen garaipena Unai Arroyok, probaren errekor berria eginez ere (1:07,59). Bigarren Jose Gomez de Arriba (1:10,38) helmugaratu zen eta hirugarren, Jokin Muñoz (1:12,31).

10 kilometroko lasterketa ere ospatu zen igande goizean eta hemengo irabazleak Ane Taibo eta Ion Garraus izan ziren. Taibok 39:20 minutu behar izan zituen lasterketa osatzeko eta podiumeko lehenengo koskara igan zen, Amagoia Iribar (41:02) eta Lide Azkuerekin (41:30) batera. Gizonezkoetan berriz, Ion Garraus izan zen irabazlea, hamabi urteren ondotik lehiaketara bueltatu zen korrikalaria. 33:05ko denbora egin zuen Garrausek, Asier Landarten (33:16) eta Jon Lorenzoren (33:33) aitzinetik. 

IRUNEN OSPATUKO DA GIPUZKOAKO ESKOLARTEKOEN ETA FEDERATUEN KROSA

Txingudiko zelaian eginen da, igande honetan (abenduaren 3an), Gipuzkoako txapelketarako baliagarria izanen den 53. Irungo Hiriko...

HIRUGARREN POSTUA ESKURATU ZUEN 16 URTEZ AZPIKO TALDEAK KLUB ARTEKO ESPAINIAKO KROS TXAPELKETAN

Talde mistoa zazpigarren postuan sailkatu zen, 18 urtez azpiko neskak 17. izan ziren eta maila bereko mutilak 25.

Espainiako klub arteko kros...

Irunen bizi den Chakib Lachgar marokiarrak historia egin du, 693 bidasotarrek bukatu duten Behobia-Donostia lasterketan

Orotara 693 bidasotarrek zeharkatu zuten Donostiako helmuga aurtengoan. Horietatik 145 emakumezkoak izanik, haien artean azkarrena Ane Zabala irundarra izan da 1:16:58ko kronoarekin....

EMEKI ELKARTEAK EMAKUMEEN LASTERKETA ANTOLATU DU LEHEN ALDIZ AZAROAREN 25ERAKO

Emakumeen kontrako indarkeria matxistaren aurkako egunaren baitan, 5 kilometroko lasterketa bat antolatu du Emekik Hondarribian

Emakumeak Korrika...

BATEKO 20 URTEZ AZPIKO EMAKUMEAK EUREN FINALEKO GARAILEAK IZAN ZIREN

Maila bereko gizonezkoak berriz, zortzigarren postuan sailkatu ziren

Bidasoa Atletiko Taldeko 20 urtez azpiko emakume eta gizonek Espainiako...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika