“TALDEAK HARTU DUEN NORABIDEAREKIN POZIK NAIZ”
Eskubaloia

“TALDEAK HARTU DUEN NORABIDEAREKIN POZIK NAIZ”

Orain artean C.D. Bidasoak eskainitako errendimenduarekin pozik azaldu da Jacobo Cuetara Unicaja Banco SinFinen aurkako neurketako atarikoan.

Lau dira Sacyr Asobal Ligan jokatu diren jardunaldiak, inoiz baino biziago hasi da txapelketa. Berdintasuna da nagusi eta argi geratu da talde guztien mailak gora egin duela. C.D. Bidasoa dinamika onean iritsiko da biharko neurketara: sailkapenean laugarren postuan eta Jacobo Cuetararen esanetan, “taldeak hartu duen norabidearekin pozik”.

Bestalde, joko aldetik ondo dagoen Unicaja Banco Sinfín, jasoko du bihar (20:15ean) Artalekun. Etxetik kanpo neurketak gehaigo bideratzea kostatzen ari zaizkion eta bi puntu soilik erdietsi dituen arren, galdu talde kantabriarrak BM Logroño La Rioja, Leongo Ademar eta Puente Genilen aurka galdu du, Sacyr Asobal Ligan goialdean izateko faboritoetakoak diren taldeen aurka. Hain zuzen ere, Leongo Ademar estutasun nabarmaenetan jarri zuen (30-32) eta Navaren kantxa zailean lortu du denboraldiko garaipen bakarra (30-24). Argi gera dadila, aurten ez da neurketa errazik izango, teknikoki zein taktikoki, talde guztiek hobetu dute.

Teknikari asturiarrak Sacyr Asobal Ligako berdintasunaren inguruan honako hau adierazi du: “pasa den urtean ez bezala, puntuak banatuagoak izango dira, ez dira aurreko urteko errekorrak beteko eta neurketa guztiak asko borrokatu beharko direla”. Berdintasun horretan murgilduta, bost punturekin Morrazoko Cangasekin hirugarren postuan berdinduta talde irundarra dago kokatuta, “pozik gara lortutako emaitzekin eta taldeak hartu duen norabidearekin. Bartzelonaren aurka jokatu dugu, bi bidai luze izan ditugu eta sailkapenean goian gaude”, gehitu du C.D. Bidasoako entrenatzaileak.

Bi puntu gehiago eskuratzeko bidean, denboraldi-aurreko aurkarietako bat jasoko du Artalekun. Udaran irabazi arren, oso bestelako neurketa espero du Jacobo Cuetarak: “ez da inolaz ere neurketa bera izango, jokalari asko lesionatuta zituzten eta guk jokatutako minutu onenak gazteekin egin genituen”. Talde kantabriarrak dituen indarguneak goraipatu ditu, “6-0 eta 5-1 defentsa gogor eta trinkoa dute, defentsan Diego Muñiz bezalako jokalari garrantzitsua berreskuratu dute eta erasoan, Xavi Castro, Herrero Lon eta Diogenes Cruz bezalako jokalari bertutestuak dituzte”. Talde irundarrak, Sacyr Asobal Ligako talde guztien aurka bezala, kontua handia izan beharko du Unicaja Banco Sinfin taldearekin.

Kauldi Odriozola, baja bakarra. 

Biharko neurketarako harrobiko jokalariak diren Gorka Nieto eta Julen Mujikaren laguntzaz gain, Leo Renaudk jokatzeko aukera izango du. Iritsi da Arabiar Emirrerrietatik transferra eta talde irundarrarekin, hirugarrenez, debuta egingo du. “Entrenamenduetako erritmoa badu, baina albiste ona da guretzat jokalari bat gehiago izatea datozen neurketa garrantzitsuetan”, gaineratu du Jacobo Cuetarak. Antequeraren aurka Julen Aginagaldek eta Jon Azkuek egin zuten bezalaxe, Leo Renaudk egokitzapena behar du taldean. Hartara, neurketak jokatzea da erritmoa hartzeko erarekin onena.

Ostiralean iragarri zuen bezala, Kauldi Odriozolak ezingo du Unicaja Banco Sinfinen aurka jokatu. Teknikari asturiarrak, gutxienez, bi partidu min hartuta izango zela esan zuen eta aurreikuspenak beteko dira: “neurketa honetarako baja bakarra izango da, gainontzeko jokalariak partidua jokatzeko osatuta eta prest daude”. 


    

ORAINGOAN BAI, BIGARREN ZATIA ALDEKOA IZAN DA
Eskubaloia

ORAINGOAN BAI, BIGARREN ZATIA ALDEKOA IZAN DA

C.D. Bidasoa Irunek garaipen landua bezain garrantzitsua eskuratu du Viveros Herol BM Navaren aurka (25-31).

Eskubaloia eta kirola zer den. Duela egun...

HEGAZKINETIK JAITSI ETA AUTOBUSA HARTU
Eskubaloia

HEGAZKINETIK JAITSI ETA AUTOBUSA HARTU

C.D. Bidasoa Irunek bihar Navan jokatuko du, Jacobo Cuetararen iritziz, “maila hobetu duen eta Sacyr Asobal Ligako ezustetakoa den” taldearen...

BIGARREN ZATIAREN HASIERAK KONDENATU DU C.D. BIDASOA IRUN
Eskubaloia

BIGARREN ZATIAREN HASIERAK KONDENATU DU C.D. BIDASOA IRUN

Atsedenaldira 12-12 berdinketarik iritsi ziren bi taldeak, baina Tatran Presoven hasierako 4-0 partziala erabakigarria izan da neurketa amaieran.

Honako...

BOST EDOTA ZAZPI JOKALARIREKIN, BIDASOA NAGUSI
Eskubaloia

BOST EDOTA ZAZPI JOKALARIREKIN, BIDASOA NAGUSI

Balonmano Ciudad de Logroñok ezin izan du C.D. Bidasoak inposatutako erritmoa jarraitu eta bi puntuak ez dira Irundik mugitu (31-29).

 Leonen jasotako...

BI PUNTU BALIO DUEN BERDINKETA
Eskubaloia

BI PUNTU BALIO DUEN BERDINKETA

Beti aurkari zaila den Pau Nousty taldearen kantxa bisitatu zuen Hendaiako Estadioak, azken minutuan markagailua berdintzea erdietsi zuten...

ADEMARREK ATZAPARRAK ERAKUTSI ZITUEN
Eskubaloia

ADEMARREK ATZAPARRAK ERAKUTSI ZITUEN

Leongo Ademar oso nagusi izan zen eta Semedoren lanean oinarrituta (11 gol) C.D. Bidasoa 34-25 mendean hartu zuen.

Talde irundarra esku-hutsik bueltatu...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika