THIORREK, RIVERAK, VIGUERAK ETA LUCBERTEK EZ DUTE REAL UNIONEKIN 1 FEDERAZIO MAILAN JOKATUKO
Futbola

THIORREK, RIVERAK, VIGUERAK ETA LUCBERTEK EZ DUTE REAL UNIONEKIN 1 FEDERAZIO MAILAN JOKATUKO

Nahiz eta batzuek berritzeko aukera mahai gainean izan, lau jokalariek ez dira Aitor Zulaikaren esanetara izango denboraldi-aurrean.

Real Unionek denboraldi berrian prest izango duen plantila argituz doa egunak pasa ahala. Klubak, ohar bidez, jakinarazi du Zourdine Thiorrek, Fran Riverak, Borja Viguerak eta Theo Lucbertek taldean jarraituko ez dutela. Lau horietatik, hiru erabakigarriak izan dira aurtengo denboraldian 1.Federazio mailako plaza eskuratzeko bidean.

Borja Vigueraren gol ikusgarriak Stadium Galetik at izango dira gaurtik aurrera. Aurtengo denboraldian 25 neurketa jokatu ditu Real Unionekin. Jorge Galanen ordezko gisa hasi zuen denboraldia, baina egunerokoan eginiko lanak hasierako hamaikakoan tokitxoa egitera ahalbidetu zuen. Denboraldian zehar, lau gol egiteko gai izan da jokalari errioxa, horietatik 3 ikusgarriak direnak. SD Logroñesen eskaintza du mahai gainean; beraz, onartuko balu, aurtengo denboraldian Stadium Galen aurkari gisa jokatuko luke.

Zourdine Thiorren eta Fran Riveraren kasuak bestelakoak dira. Biek kontratua luzatzeko aukera zuten, baina arrazoi ezberdinengatik, ez dute onartu. Lehenak, mesfidati ikusten zituen aurtengo denboraldian minutuak jokatzeko abaguneak. Aitor Zulaikaren eskeman ezker hegalean aritu da gehien, Alain Oyarzun eta Aitor Seguinen postu berean. Berritzeko zorian izan den arren, azkenean Real Unionen ez jarraitzeko erabakia hartu du. Rivera, aldiz, 23 urtez azpiko kupoa betetzen duen jokalaria da. Gutxienez, 1. Federazio mailan jokatuko duten taldeek,23 urtez azpiko 6 jokalari behar dituzte euren plantiletan eta taldeak burubelarri dabiltza 23 urte baino gutxiago duten jokalari trebeak fitxatu nahian. Horietako bat Rivera da, maila bikaina erakutsi zuen pasaden urtean eta eskaintza andana jaso ditu. Thiorrek 15 neurketa jokatu ditu Real Unionen neguan Irunera iritsi zenetik eta denboraldi erdian lau gol erdietsi zituen, bala bezala aritu zen ezker hegalean. Fran Riverak ere 4 gol egiteko gai izan da azken denboraldian, 22 neurketetan.

Azkenik, defentsako ezker hegalean Gorka Kijeraren ordezko bezala jokatu duen Theo Lucbertek ere ez du Real Unionen jarraituko. Errealetik utzita iritsi zen jokalariak ez du esperotako maila eman eta aukera murritzak izan ditu bere maila erakusteko. Dena dela, 13 neurketetan zelairatu du azken denboraldian Aitor Zulaikak, horietako bat, hasierako hamaikakoan, Santanderreko Racingeko neurketa garrantzitsuan.

Klubak hedabideei banatatuko oharrean, lau jokalarien profesionaltasuna “eskertu” eta etorkizunerako “zorterik onena” opa nahi dietela adierazi du. 

ASTELEHENEAN ITZULIKO DA REAL UNION LANERA
Futbola

ASTELEHENEAN ITZULIKO DA REAL UNION LANERA

Alaves B, Santanderreko Racing, Mutilvera, Erreala C, Bilbao Athletic, Ebro eta Izarra izango dira denboraldi-aurreko aurkariak.

Astlehenean bertan ekingo...

REAL UNIONEK ALCORCONETIK JASOKO DU JOKALARI BERRIA
Futbola

REAL UNIONEK ALCORCONETIK JASOKO DU JOKALARI BERRIA

Real Unioneko ezker defentsa zentrala Madrilgo Alcorcon taldetik utzita iritsiko da. Aurtengo denboraldian Alcorconeko harrobiko taldean aritutako jokalari horrek 23 urtez azpiko kupoa beteko...

THIORREK, RIVERAK, VIGUERAK ETA LUCBERTEK EZ DUTE REAL UNIONEKIN 1 FEDERAZIO MAILAN JOKATUKO
Futbola

THIORREK, RIVERAK, VIGUERAK ETA LUCBERTEK EZ DUTE REAL UNIONEKIN 1 FEDERAZIO MAILAN JOKATUKO

Nahiz eta batzuek berritzeko aukera mahai gainean izan, lau jokalariek ez dira Aitor Zulaikaren esanetara izango denboraldi-aurrean.

Real Unionek...

JAGOBA BEOBIDEK BERRITU DU REAL UNIONEKIN
Futbola

JAGOBA BEOBIDEK BERRITU DU REAL UNIONEKIN

Jokalari azpeitiarrak Calahorrak eskaini dion bi urteko eskaitzari uko egin eta urte baterako sinatu du talde irundarrarekin, bigarren urte bat berritzeko...

MIKEL JAUREGI REAL UNIONEKO KIROL ZUZENDARITZAREN KIDE BERRIA IZANGO DA
Futbola

MIKEL JAUREGI REAL UNIONEKO KIROL ZUZENDARITZAREN KIDE BERRIA IZANGO DA

Unai Emeryren lehen entranatzailea izan zen Hondarribia Futbol Elkartean, Valentzian eta Moskuko Spartaken haren laguntzailea izan zen eta aurki Real Unioneko proiektu berriaren pieza...

ALBERT VIVANCOS, FITXAKETA BERRIA ERDIGUNERAKO
Futbola

ALBERT VIVANCOS, FITXAKETA BERRIA ERDIGUNERAKO

27 urteko jokalari kataluniarrak 2 denboralditarako sinatu du Real Unionekin.

Real Unionek eta Albert Vivancosek akordio batera iritsi dira erdilari...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika