TXAPELKETAZ BETERIKO ASTEBURUA

 Bidasoa Atletiko Taldea Valentziako DNA Txapelketan eta Euskadiko Pista Estaliko Txapelketa Absolutuan parte hartu du asteburu honetan. 

Bidasoa Atletiko Taldeko kideak lehiaketez jositako asteburuari aurre egin diote. Klubeko atleta guztiek parte hartzeko aukera izan dute; izan ere, harrobiko atletak Valentzian Espainiako 6 harrobi onenekin DNA txapelketan lehiatu ziren eta atleta absolutuak Euskadiko Pista Estaliko Txapelketa jokatu zuten.

Harrobiko 14 atleta mugiarazi zituen Bidasoa Atletiko Taldeak Valentzian DNA Mitina jokatzeko. Bidasoa Atletiko Taldeko ordezkarien esanetan, “esperientzia bikaina izan zen”; hain zuzen ere, atletak formatu berrian lehiatu behar izan zuten, talde mixtoetan eta dena erreleboetako lasterketan erabaki zen. Bosgarren postuan bukatu zuen BAT-ek, baina uneoro hirugarren eta laugarren postuaren borrokan aritu ziren. Taldekako emaitza ona izan bazen, bakarkakoak are hobeak izan ziren. Jokatu zituzten sei probetatik, lautan atletek marka pertsonalak gainditu zituzten:

- Uxue Garrancho 3.postuan bukatu zuen 60 metroetko proban (8,25’’ sub 16)

 - Laia Olascoagak merituzko 2.postua erdietsi zuen 400 metroetako proban (1´00´´04 sub 18)

- June Lizasok 4.postuan bukatu zuen pretika jauzian

- Joaquin Alonsok 5m 88 zentimetroetako markalortu zuen (sub18)

- Unax Eraso pisu jaurtiketan bosgarren bukatu zuen 9,15metroko jaurtiketa eginda (sub16)

- Imanol Bandresek azken postuan bukatu zuen. 60 metro hesidunetako lehen hesia gaizki pasa zuen eta proba uztera behartuta ikusi zuen bere burua.

Dena 4x200 metroko errelebo mixtoetako proban erabaki zen eta hirugarren postutik gertu ibili baziren ere, azkenean laugarren postuan bukatu zuten, bosgarrenetik gertu. Honako hau izan zen DNA Txapelketako sailkapen orokorra:

1. Alcampo Scorpio 71 7:25.46

2. Playas de Castellon 7:31.98

3. Trops-Cueva de 7:41.22

4. A.D. Marathon 7:46.81

5. Super Amara BAT 7:48.11

6. Grupompleo Pamplona At 8:36.05 

Pista Estaliko Euskadiko Txapelketan ere emaitza onak.

Harrobia Valentzian lehaitzen ari zen bitartean, Bidasoa Atletiko Taldeko atleta absolutuek Anoetako Belodromoan Euskadiko Pista Estaliko Txapelketan aritu ziren. Harrobiaren antzera, atleta absolutuek ere emaitza ezin hobeak erdietsi zituzten; hala nola, Iker Arozenak luzera jauzian garaipena eskuratu zuen 7,29 metroko jauziarekin. Arozena 23 urtez azpikoen rankingean lehen postuan kokatu da eta estatatu mailan bosgarrena da.

1500 metroetako proban Adriana de Pradok lan bikaina egin zuen. Ausart atera zen eta bere marka pertsonala gainditzeaz gain, 4:38:39-ko denbora eginda merituzko bigarren postua eskuratu zuen. Pisu jaurtiketan Goizane Garciak ere bigarren postua lortu zuen; laugarren saiakeran 11,72cm-ko jaurtiketarekin lortu zuen hirugarren sailkatua gainditzea.

Azkenik, Bidasoa Atletiko Taldeko beste hiru altetek beren probetan podiuma hirugarren postuan osatu zuten. Nerea Sasiainek 200 metroko proban 26,67”-ko marka lortu zuen, Ane Zabalak 3000 metroetan kronoa 10:03:80-tan geratu zuen-marka pertsonala- eta azkenik, Unai Gonzalezek pertika jauzian 4,60 metroko jauzia gauzatu zuen.

IGANDEAN OSPATUKO DA BAT-EK ANTOLATUTAKO “MILIAK OSASUNAREN ALDE” LASTERKETA

Goiz guztian zehar hainbat ekintzetan parte hartzeko aukera egonen da Kolon Pasealekuan 

Igande honetarako...

BEÑAT ELZO MENDI LASTERKETA BERTAN BEHERA

Bigarrenez geratuko da bertan behera Beñat Elzo mendi lasterketa. Hala iragarri zuen antolakuntzak bart komunikabideoi bidalitako prentsa-oharrean. Nahiz eta Covid-19aren inguruko neurri...

BI URTE PASATA, EMAITZA BERDINAK

Sara Villasantek eta Unai Arroyok, duela bi urteko garaileak, lasterkari herrikoiak lasterketetara itzuli ziren egunean, garaipena errepikatu...

DONIBANE LOHIZUNE-HONDARRIBIA MARATOI ERDIA BERTAN BEHERA

Antolatzaileek, halabeharrez, “pandemiaren bilakaerak sortzen dizkigun zalantzek bultzatuta, lasterketa bertan behera uztea” erabaki dute.

“Lanean...

LASTERKETA HERRIKOIAK IRAILAREN 18AN BUELTAN IZANGO DIRA

2019tik ospatzen ez den Txingudi Korrikak Behe Bidasoa eskualdean ospatzen diren lasterketen itzuleraren mugarria izango da, irailaren 18an.

Urte eta erdi...

IRUNE MUGURUZA 20 URTEZ AZPIKO TXAPELDUNA BILAKATU DA

 Bidasoa Atletiko Taldeko Unai Gonzalezek zilarrezko domina erdietsi zuen pertika jauziko proban. 

Teresa Errandonea Tokioko Joko Olinpikoetan egongo...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika